Kerala Blast: કેરળ બ્લાસ્ટ મામલે મોટો ખુલાસો, આ વ્યક્તિએ પોલીસને કહ્યું, હા મેં જ કર્યો છે ધડાકો
Kerala Blast: કેરળના કલામાસેરીમાં જમરા ઈન્ટરનેશનલ કન્વેન્શન એન્ડ એક્ઝિબિશન સેન્ટરમાં થયેલા બોમ્બ બ્લાસ્ટને લઈને મોટો ખુલાસો થયો છે.
Kerala Blast: કેરળના કલામાસેરીમાં જમરા ઈન્ટરનેશનલ કન્વેન્શન એન્ડ એક્ઝિબિશન સેન્ટરમાં થયેલા બોમ્બ બ્લાસ્ટને લઈને મોટો ખુલાસો થયો છે. ન્યૂઝ એજન્સી એએનઆઈ અનુસાર, કેરળના ADGP (કાયદો અને વ્યવસ્થા) એમઆર અજિથ કુમારે જણાવ્યું કે, ત્રિશૂર ગ્રામીણના કોડકારા પોલીસ સ્ટેશનમાં એક વ્યક્તિએ આત્મસમર્પણ કર્યું છે. તેણે કહ્યું કે, વ્યક્તિએ દાવો કર્યો છે કે તેણે જ વિસ્ફોટો કર્યા હતા.
#WATCH | On the blast at Zamra International Convention & Exhibition Centre, Kalamassery, Kerala ADGP (law and order) MR Ajith Kumar, says "One person has surrendered in Kodakra Police Station, in Thrissur Rural, claiming that he has done it. His name is Dominic Martin and he… pic.twitter.com/q59H7TaQC7
— ANI (@ANI) October 29, 2023
તેણે જણાવ્યું કે આ વ્યક્તિનું નામ ડોમિનિક માર્ટિન છે. આત્મસમર્પણ કરનાર વ્યક્તિએ દાવો કર્યો છે કે, તે તેજ સભાના એક જૂથ સાથે સંકળાયેલો છે. ADGPએ કહ્યું કે, અમે તેની પુષ્ટિ કરી રહ્યા છીએ. અમે આ મામલાના તમામ પાસાઓની તપાસ કરી રહ્યા છીએ. વિસ્ફોટ હોલની મધ્યમાં થયો હતો.
#WATCH | On the blast at Zamra International Convention & Exhibition Centre, Kalamassery, Kerala ADGP (law and order) MR Ajith Kumar, says "There was an explosion in the function in which around 45 people were injured one person has died. The condition of another 5 persons is… pic.twitter.com/B2lODSkvG4
— ANI (@ANI) October 29, 2023
નોંધનીય છે કે કેરળના કોચીમાં એક કન્વેન્શન સેન્ટરમાં પ્રાર્થના સભા દરમિયાન રવિવારે (29 ઓક્ટોબર) જોરદાર વિસ્ફોટ થયો હતો. વિસ્ફોટ સમયે 2000 થી વધુ લોકો પ્રાર્થના માટે એકઠા થયા હતા. સૂત્રોના જણાવ્યા અનુસાર, પ્રાથમિક તપાસમાં જાણવા મળ્યું છે કે વિસ્ફોટ માટે ઈનસેન્ડાયરી (incendiary)ઉપકરણનો ઉપયોગ કરવામાં આવ્યો હતો. આ ઉપકરણ ID જેવું જ છે. આનાથી નાનો વિસ્ફોટ થાય છે, જે આગનું કારણ બને છે.
કેરળના કલામાસેરીમાં કન્વેન્શન સેન્ટરમાં થયેલા બ્લાસ્ટ બાદ દિલ્હી પોલીસને હાઈ એલર્ટ પર રાખવામાં આવી છે. દિલ્હી પોલીસે જણાવ્યું હતું કે, "સ્પેશિયલ સેલ ગુપ્તચર એજન્સીઓના સતત સંપર્કમાં છે અને કોઈપણ ઇનપુટને હળવાશથી લેવામાં આવશે નહીં. ભીડવાળી જગ્યાઓ પર સુરક્ષા વ્યવસ્થા કરવામાં આવી રહી છે. ભીડવાળી જગ્યાઓ પર ખાસ તકેદારી રાખવામાં આવી રહી છે."
દિલ્હી ઉપરાંત મુંબઈને પણ હાઈ એલર્ટ પર રાખવામાં આવ્યું છે. યહૂદી ધાર્મિક સ્થળો પર પોલીસ બંદોબસ્ત વધારવામાં આવ્યો હતો. કોચીમાં થયેલા વિસ્ફોટ બાદ નેશનલ સિક્યુરિટી ગાર્ડ (NSG) અને કાઉન્ટર ટેરર ATCની ટીમો ઘટનાસ્થળે મોકલવામાં આવી છે. વિસ્ફોટ પાછળ IEDની હાજરી હોવાની આશંકા છે. તો બીજી તરફ તમિલનાડુંમાં પણ એલર્ટ આપવામાં આવ્યું છે. કેરળમાં થયેલા બોમ્બ બ્લાસ્ટ બાદ સમગ્ર દેશની એજન્સીઓ સતર્ક બની ગઈ છે.
કેરળમાં બોમ્બ વિસ્ફોટો બાદ ઉત્તર પ્રદેશમાં હાઈ એલર્ટ જારી કરવામાં આવ્યું છે. ડીજી લો એન્ડ ઓર્ડર પ્રશાંત કુમારે તમામ જિલ્લામાં એલર્ટ રહેવાના આદેશ આપ્યા છે. યુપી એટીએસને પણ એલર્ટ જારી કરવામાં આવ્યું છે અને છેલ્લા કેટલાક દિવસોમાં મળેલા ઈનપુટની તપાસ માટે તેની ટીમો તૈનાત કરવામાં આવી છે. ઈઝરાયેલ-પેલેસ્ટાઈન યુદ્ધ સાથે જોડાયેલા દરેક કાર્યક્રમ પર નજર રાખવી જોઈએ. કાર્યક્રમ દરમિયાન હાજર રહેલા લોકો તેમજ વર્ચ્યુઅલ રીતે જોડાયેલા લોકો વિશે સંપૂર્ણ માહિતી એકત્ર કરવી જોઈએ.
વિદેશ રાજ્ય મંત્રી વી મુરલીધરને કહ્યું કે કોચીમાં ખ્રિસ્તી સમુદાયની પ્રાર્થના સભામાં બોમ્બ વિસ્ફોટ એ હૃદયદ્રાવક ઘટના છે. તે ચિંતાજનક છે કે કેરળ એક એવી જગ્યા બની રહ્યું છે જ્યાં આવી ઘટનાઓ બની રહી છે. ગૃહમંત્રી પહેલાં જ કેરળના મુખ્યમંત્રી સાથે વાત કરી ચૂક્યા છે. મેં પણ મુખ્યમંત્રી સાથે વાતચીત કરી હતી.
ટ્રેન્ડિંગ સમાચાર
ટોપ સ્ટોરી
