શું RBIએ બેંક પાસબુક પર ગીતા સાર છાપવાના આદેશ આપ્યા છે? જાણો મોદી સરકારે શું ખુલાસો કર્યો

બેંકની દશાને લઈને સોશિયલ મીડિયા પર એક કવિતા વાયરલ થઈ રહી છે. હવે પીઆઈબીના ફેક્ટ ચેક વિંગે આ વાયરલ અહેવાલ પર ટ્વીટ કરીને દાવાને ફગાવી દીધો છે.

પ્રતિકાત્મક તસવીર

નવી દિલ્હીઃ સોશિયલ મીડિયા પર એક અહેવાલ વાયરલ થઈ રહ્યા છે જેમાં દાવો કરવામાં આવ્યો છે કે આરબીઆઈએ તમામ બેંકોને પાસબુકના છેલ્લા પૃષ્ઠ પર ગીતાનો સાર પ્રિન્ટ કરવાના નિર્દેશ આપ્યા છે. આ દાવાની સાથે એક અહેવાલનું કટિંગ પણ શેર કરવામાં આવી રહ્યું છે. બેંકની દશાને લઈને સોશિયલ મીડિયા પર એક કવિતા વાયરલ થઈ રહી છે. હવે પીઆઈબીના ફેક્ટ ચેક વિંગે આ વાયરલ અહેવાલ પર ટ્વીટ કરીને દાવાને ફગાવી દીધો છે. સોશિયલ મીડિયા પર દાવો કરવામાં આવ્યો છે કે, રિઝર્વ બેંક ઓફ ઇન્ડિયાએ બેંકોને પાસબુકના અંતિમ પૃષ્ઠ પર ગીતા સાર પ્રિન્ટ કરવાના નિર્દેશ આપ્યા છે. અહેવાલમાં કહેવામાં આવ્યું છે કે, પાસબુક પર ગીતા સારમાં “તુમ ક્યા લે કે આયે થે, ક્યા લે કે જાઓગે’ ‘ક્યોં રોતો હો, તુમ્હારા ક્યા થા જો ખો ગયા’ ‘જો લિયા યહીં સે લિયા, જો દિયા યહીં દિયા’ ‘જો આજ તુમ્હારા હૈ, કલ કિસી ઓર કા થા। પરસો કિસી ઔર કા હો જાએગા’ પ્રિન્ટ કરવાના નિર્દેશ છે. સરકારની સંચાર પ્રસાર એજન્સી પીઆઈબીના ફેક્ટ ચેક વિંગે આ દાવાને ખોટો ગણાવ્યો છે. પીઆઈબીએ ટ્વીટ કરીને કહ્યું, “દાવોઃ એક અહેવાલમાં દાવો કરવામાં આવ્યો છે કે આરબીઆઈએ તમાં બેંકોને પાસબુકના અંતિમ પૃષ્ટ પર ગીતાનો સાર પ્રિન્ટ કરવાના નિર્દેશ આપ્યા છે. # PIBFactCheck : આ દાવો ખોટો છે. આરબીઆઈઈ બેંકોને આ પ્રકારના કોઈ નિર્દેશ આપ્યા નથી.”

दावा : एक #खबर में दावा किया जा रहा है कि आर.बी.आई ने सभी बैंकों को पासबुक के आखिरी पन्ने पर गीता का सार प्रिंट कराने का निर्देश दिया है। #PIBFactCheck : यह दावा #फ़र्ज़ी है। @RBI ने बैंकों के लिए यह निर्देश जारी नहीं किया है। pic.twitter.com/IIHYi8OYY7

— PIB Fact Check (@PIBFactCheck) December 23, 2020

નોંધનીય છે કે, પીઆઈબી ફેક્ટ ચેક કેન્દ્ર સરકારની પોલિસી- સ્કીમ, વિભાગો, મંત્રાલયોને લઈને ફેલાતી ખોટી સૂચનાઓને રોકવા માટેનું કામ કરે છે. સરકારથી જોડાયેલી કોઈ પણ ખબર સાચી છે કે ખોટી તે જાણવા માટે પીઆઈબી ફેક્ટ ચેકની મદદ લઈ શકાય છે. કોઈ પણ પીઆઈબી ફેક્ટ ચેકનો સંદેહાત્મક સમાચારનો સ્ક્રિનશોટ, ટ્વિટ, ફેસબુક પોસ્ટ અથવા યુઆરએલ વોટ્સએપ નંબર 918799711259 પર મોકલી શકો છો. અથવા પછી pibfactcheck@gmail.com પર મેઈલ કરી શકો છો.