Free Booster Dose: કોરોનાના બુસ્ટર ડોઝને લઇને મોદી સરકારની મોટી જાહેરાત, જાણો કઇ તારીખથી મળશે બધા લોકોને મફતમાં બુસ્ટર ડોઝ

કોરોનાના વધતા જતા કેસ વચ્ચે સરકારનો આ મહત્વપૂર્ણ નિર્ણય માનવામાં આવી રહ્યો છે.

પ્રતિકાત્મક તસવીર

Source : PTI

મોદી સરકારે હવે કોરોના રસીના બૂસ્ટર ડોઝને લઇને મોટો નિર્ણય લીધો છે. હવે તમામ લોકો માટે મફતમાં બુસ્ટર ડોઝ આપવાની જાહેરાત કરવામાં આવી છે.  18 વર્ષથી વધુ ઉંમરના લોકોને મફતમાં બૂસ્ટર ડોઝ આપવામાં આવશે. કોરોનાના વધતા જતા કેસ વચ્ચે સરકારનો આ મહત્વપૂર્ણ નિર્ણય માનવામાં આવી રહ્યો છે.

India is celebrating 75 years of independence. On the occasion of Azadi ka Amrit Kaal, it has been decided that from 15th July 2022 till the next 75 days, citizens above 18 years of age will be given booster doses free of cost: Union Minister Anurag Thakur pic.twitter.com/Qai76dFVW7

— ANI (@ANI) July 13, 2022

હાલમાં દેશમાં દરરોજ 15 હજારથી વધુ કોરોનાના કેસ નોંધાઇ રહ્યા છે. એવામાં તમામ લોકો કોરોનાની રસી અને બુસ્ટર ડોઝ લે માટે સરકારે આ નિર્ણય લીધો છે. સરકારે બુસ્ટર ડોઝ 18 વર્ષથી વધુ વયના લોકોને મફતમાં આપવાની જાહેરાત કરી દીધી છે. કેન્દ્રિય મંત્રી અનુરાગ ઠાકુરે જાણકારી આપી હતી કે 15 જૂલાઇથી આગામી 75 દિવસો સુધી બુસ્ટર ડોઝ અંગે અભિયાન ચલાવવામાં આવશે. હાલમાં દેશના 199 કરોડ વેક્સિનના ડોઝ આપવામાં આવી ચૂક્યા છે.

ઉલ્લેખનીય છે કે થોડા દિવસ અગાઉ સરકારે બૂસ્ટર ડોઝ લેવા માટેના સમયગાળામાં ઘટાડો કર્યો હતો. પ્રથમ બે ડોઝ લીધાના 9 મહિના પછી જ વ્યક્તિને બૂસ્ટર મળી શકે છે, પરંતુ હવે તે સમય પણ ઘટાડીને 6 મહિના કરી દેવામાં આવ્યો છે. ઉલ્લેખનીય છે કે અત્યાર સુધી માત્ર 18 થી 59 વર્ષની વયજૂથના 77 કરોડ લોકોને જ બૂસ્ટર ડોઝ મળ્યો છે. આવી સ્થિતિમાં આ આંકડો વધારવા માટે આ મફત અભિયાન ચલાવવામાં આવી રહ્યું છે.

Koo App

आज़ादी के अमृत महोत्सव के अंतर्गत 15 जुलाई से 75 दिन का मुफ़्त वैक्सीनेशन अभियान चलाया जाएगा, जिसमें 18 वर्ष की आयु के ऊपर के सभी नागरिकों को सरकारी केंद्रों पर मुफ़्त प्रिकॉशन डोज लगाई जाएँगी। इस निर्णय के लिए प्रधानमंत्री नरेन्द्र मोदी जी का हार्दिक आभार। इस फ़ैसले से भारत की कोविड के ख़िलाफ़ लड़ाई और मज़बूत होगी साथ ही नागरिकों की अतिरिक्त सुरक्षा भी सुनिश्चित होगी। मेरा आग्रह है की सभी वयस्क नागरिक प्रिकॉशन डोज जरूर लगवाएँ।

 

- Dr Mansukh Mandaviya (@mansukhmandviya) 13 July 2022

નોંધનીય છે કે દેશમાં કોરોનાના કેસમાં એક દિવસના ઘટાડા બાદ ફરી વધારો થયો છે. છેલ્લા 24 કલાકમાં 16,906 નવા કેસ નોંધાયા અને 45 સંક્રમિતોના મોત થયા  હતા. જ્યારે 15,447 સંક્રમિતો સાજા થયા હતા.  એક્ટિવ કેસ 1.30 લાખને પાર થયા છે. દૈનિક પોઝિટિવિટી રેટ 3.23 ટકા છે.  

દેશમાં એક્ટિવ કેસ 1,32,457 પર પહોચ્યા છે. જ્યારે કુલ મૃત્યુઆંક 5,25,519  થયો છે. અત્યાર સુધીમાં 4,30,11,874 લોકો કોરોના સામે જંગ જીત્યા છે. દેશમાં રસીકરણનો આંક 199,12,79,010 થયો છે, જેમાંથી ગઈકાલે 11,15,068 ડોઝ આપવામાં આવ્યા હતા.