IMD Weather Forecast: મહારાષ્ટ્ર-ગુજરાતમાં ફરી વરસાદ વર્તાવશે કહેર! હવામાન વિભાગે જાહેર કર્યું એલર્ટ
IMD Weather Forecast: હવામાન વિભાગે મુંબઈમાં ભારે વરસાદને લઈને યલો એલર્ટ જાહેર કર્યું છે. ગુજરાત, રાજસ્થાન, ઉત્તરાખંડ અને આંધ્રપ્રદેશમાં આગામી ત્રણ દિવસ ભારે વરસાદની સંભાવના છે.
IMD Weather Forecast: ઉત્તર ભારત સહિત દેશના ઘણા ભાગોમાં ચોમાસાએ ફરી દિશા બદલી છે. હવામાન વિભાગના જણાવ્યા અનુસાર ગુજરાત, મહારાષ્ટ્ર અને કોસ્ટલ આંધ્રપ્રદેશમાં આગામી ત્રણ દિવસ સુધી ભારે વરસાદની સંભાવના છે. છેલ્લા કેટલાક દિવસોથી ભારે વરસાદથી રાહત મેળવ્યા બાદ, ગુરુવારે (5 સપ્ટેમ્બર 2024) મુંબઈમાં ફરી વરસાદ પડ્યો, ત્યારબાદ IMD એ શહેરમાં યલો એલર્ટ જાહેર કર્યું છે. હવામાન વિભાગના જણાવ્યા અનુસાર, શુક્રવાર (6 સપ્ટેમ્બર 2024) સુધી મુંબઈ અને થાણેમાં હળવોથી મધ્યમ વરસાદ પડી શકે છે. ગુરુવારે પડેલા વરસાદને કારણે શહેરના નીચાણવાળા વિસ્તારો અને અનેક રહેણાંક વિસ્તારોમાં પાણી ભરાયા હતા.
મહારાષ્ટ્ર-ગુજરાતમાં ભારે વરસાદની શક્યતા
હવામાન વિભાગના જણાવ્યા અનુસાર આગામી ત્રણ દિવસ દરમિયાન ગુજરાત, તટીય આંધ્રપ્રદેશ, મહારાષ્ટ્રના કેટલાક ભાગો, પૂર્વ રાજસ્થાન અને ઉત્તરાખંડમાં ભારે વરસાદની સંભાવના છે. આ પછી આ વિસ્તારોમાં વરસાદમાં ઘટાડો થશે. હવામાન વિભાગે ઉત્તર-પૂર્વના રાજ્યોમાં પણ વરસાદની સંભાવના વ્યક્ત કરી છે. IMD અનુસાર, 11 સપ્ટેમ્બરે નાગાલેન્ડ, મણિપુર, મિઝોરમ અને ત્રિપુરામાં અલગ-અલગ સ્થળોએ ભારે વરસાદની સંભાવના છે. આ સિવાય 7મી સપ્ટેમ્બરે આસામ-મેઘાલયમાં અને 8મી સપ્ટેમ્બરે ઓડિશામાં ભારે વરસાદની શક્યતા છે.
દિલ્હી અને રાજસ્થાનમાં વરસાદની શક્યતા
હવામાન વિભાગના જણાવ્યા અનુસાર શુક્રવારે દિલ્હીમાં વાદળછાયું વાતાવરણ રહેશે અને દિવસ દરમિયાન કેટલાક વિસ્તારોમાં વરસાદની શક્યતા છે. આ સિવાય 8 સપ્ટેમ્બરે દિલ્હી સહિત સમગ્ર NCRમાં હળવો વરસાદ અને ત્યાર બાદ બે દિવસ સુધી આકાશ સ્વચ્છ રહેવાની શક્યતા છે. સેન્ટ્રલ પોલ્યુશન કંટ્રોલ બોર્ડના જણાવ્યા અનુસાર શુક્રવારે AQI 60ની આસપાસ રહી શકે છે. છેલ્લા 24 કલાકમાં જોધપુર-બાડમેર સહિત રાજસ્થાનના અનેક જિલ્લાઓમાં ભારે વરસાદ થયો હતો. શુક્રવારે ભરતપુર, જયપુર, વૈમાધોપુર, કરૌલી, ભીલવાડા, ટોંક, જોધપુર અને બાડમેરમાં હળવોથી મધ્યમ વરસાદ પડી શકે છે.
આગામી સપ્તાહ દરમિયાન અહીં વરસાદની શક્યતા છે
IMD અનુસાર, આ સપ્તાહના અંત સુધીમાં જમ્મુ-કાશ્મીર-લદ્દાખ-ગિલગિટ-બાલ્ટિસ્તાન-મુઝફ્ફરાબાદ, હિમાચલ પ્રદેશ, ઉત્તરાખંડ, ઉત્તર પ્રદેશ, રાજસ્થાનમાં છૂટાછવાયાથી મધ્યમ વરસાદની શક્યતા છે. દિલ્હી માટે 10 દિવસના હવામાનની આગાહી વિશે વાત કરીએ તો, શહેરમાં 14 સપ્ટેમ્બર સુધી વાદળછાયું વાતાવરણ રહેશે. આ સમયગાળા દરમિયાન, કેટલાક સ્થળોએ ગાજવીજ સાથે વરસાદ પડે તેવી શક્યતા છે.
આ પણ વાંચો...
પીએમ મોદીના ડ્રીમ પ્રોજેક્ટે 70 હજાર નવજાત શિશુઓના જીવ બચાવ્યા, અભ્યાસમાં દાવો
ટ્રેન્ડિંગ સમાચાર
ટોપ સ્ટોરી
