![ABP Premium](https://cdn.abplive.com/imagebank/Premium-ad-Icon.png)
14 વર્ષમાં ખતમ થઇ જશે આખી દુનિયા ? 12 જુલાઇ 2038ની તારીખને લઇને NASAએ આપી ડરામણી જાણકારી
NASA News Updates: આગામી 14 વર્ષમાં એક ખતરનાક લઘુગ્રહ (એસ્ટોરૉઇડ) પૃથ્વી સાથે ટકરાઇ શકે છે. અમેરિકન સ્પેસ એજન્સી નાસાએ એક કાલ્પનિક ટેબલટોપ એક્સરસાઇઝના રિપોર્ટમાં આ જાણકારી આપી છે
![14 વર્ષમાં ખતમ થઇ જશે આખી દુનિયા ? 12 જુલાઇ 2038ની તારીખને લઇને NASAએ આપી ડરામણી જાણકારી NASA News Updates 2024 asteroid to hit earth in 14 years on 12 july 2038 reveals nasa 14 વર્ષમાં ખતમ થઇ જશે આખી દુનિયા ? 12 જુલાઇ 2038ની તારીખને લઇને NASAએ આપી ડરામણી જાણકારી](https://feeds.abplive.com/onecms/images/uploaded-images/2024/06/24/a29fcaf881a7f2578e491ff58a75e52e171920289349177_original.jpg?impolicy=abp_cdn&imwidth=1200&height=675)
NASA News Updates: આગામી 14 વર્ષમાં એક ખતરનાક લઘુગ્રહ (એસ્ટોરૉઇડ) પૃથ્વી સાથે ટકરાઇ શકે છે. અમેરિકન સ્પેસ એજન્સી નાસાએ એક કાલ્પનિક ટેબલટોપ એક્સરસાઇઝના રિપોર્ટમાં આ જાણકારી આપી છે. રિપોર્ટમાં કહેવામાં આવ્યું છે કે આ વિશાળ એસ્ટરોઇડની ટકરાવાની સંભાવના 72 ટકા છે. જો કે નજીકના ભવિષ્યમાં આવા કોઈ એસ્ટરોઇડની ઓળખ કરવામાં આવી નથી, પરંતુ તે 14 વર્ષમાં થવાની ધારણા છે.
નાસાએ રિપોર્ટમાં આ ખગોળીય ઘટનાની તારીખ પણ આપી છે અને તેના અનુસાર તેને બનવામાં 14.25 વર્ષનો સમય લાગે છે. એટલે કે તેની તારીખ હશે - 12 જુલાઈ, 2038. નાસાએ 20 જૂને જૉન્સ હૉપકિન્સ એપ્લાઇડ ફિઝિક્સ લેબોરેટરી (APL) ખાતે ટેબલટૉપ એક્સરસાઇઝ વિશે જણાવ્યું હતું. આ કવાયતમાં નાસા ઉપરાંત યુએસ સરકાર અને અન્ય દેશોની 100 થી વધુ વિવિધ એજન્સીઓ પણ સામેલ હતી.
સ્ટેરૉઇડની પૃથ્વી સાથે ટકરાવવાની 72 ટકા સંભાવના
રિપોર્ટમાં કહેવામાં આવ્યું છે કે આ કવાયત એટલા માટે કરવામાં આવી હતી જેથી કરીને આવા ખતરાનો સામનો કરવાની પૃથ્વીની ક્ષમતાનું મૂલ્યાંકન કરી શકાય. તેણે એમ પણ કહ્યું કે કવાયત દરમિયાન અનુમાનિત દૃશ્ય માટે એક વિશિષ્ટ પ્રકારનું વાતાવરણ બનાવવામાં આવ્યું હતું, જેમાં અગાઉ ક્યારેય ઓળખાયેલ સ્ટેરોઇડ્સની ઓળખ કરવામાં આવી ન હતી. પ્રારંભિક ગણતરી મુજબ, આ સ્ટેરોઈડ પૃથ્વી સાથે અથડાવાની 72 ટકા સંભાવના છે, જે લગભગ 14 વર્ષ લેશે. જો કે, સ્ટેરોઈડના કદ, રચના અને લાંબા ગાળાના માર્ગ અંગે કંઈ સ્પષ્ટ નથી.
વૉશિંગ્ટનમાં નાસા હેડક્વાર્ટરના ગ્રહ સંરક્ષણ અધિકારી લિન્ડલી જોન્સને જણાવ્યું હતું કે કવાયતની પ્રારંભિક અનિશ્ચિતતાઓએ સહભાગીઓને પડકારજનક પરિસ્થિતિઓને ધ્યાનમાં લેવાની તક આપી હતી. તેમણે કહ્યું હતું કે, મોટા સ્ટેરોઈડ સંભવિતપણે એકમાત્ર કુદરતી આફત છે, જેની અસરોનું માનવી ટેક્નોલોજી દ્વારા અગાઉથી મૂલ્યાંકન કરી શકે છે અને તેનાથી બચવા માટેનો માર્ગ શોધવા માટે ટેકનિકલી રીતે પણ પ્રયાસો કરી શકાય છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)