Gujarat Rain: 3 દિવસ રાજ્યમાં સાર્વત્રિક વરસાદની આગાહી,અમદાવાદમાં ગાજવીજ સાથે વરસશે વરસાદ

Gujarat Rain: 3 દિવસ રાજ્યમાં સાર્વત્રિક વરસાદની આગાહી,અમદાવાદમાં ગાજવીજ સાથે વરસશે વરસાદ

પ્રતિકાત્મક તસવીર

અમદાવાદ: રાજ્યના હવામાન વિભાગે વરસાદને લઈ આગાહી વ્યક્ત કરી છે. 'શક્તિ' વાવાઝોડાને લઈ હવામાન વિભાગનું અનુમાન છે કે 'શક્તિ' વાવાઝોડું ધીમું પડ્યું છે. ગુજરાતમાં 'શક્તિ'વાવાઝોડાની અસર નહીં થાય.

શક્તિ વાવાઝોડાને કારણે દરિયાકાંઠાના વિસ્તારોમાં વરસાદની શક્યતા છે.કચ્છ, જામનગર,પોરબંદર, ગીર સોમનાથમાં વરસાદ વરસી શકે છે.

હવામાન વિભાગે જણાવ્યું કે, આવતીકાલથી ડીપ્રેશનમાં પરિવર્તિત થશે. વાવાઝોડું દરિયાકાંઠાની નજીક આવતા નબળું પડશે. દ્વારકાથી 940 કિમી, નલિયાથી 960 કિમી વાવાઝોડું દૂર છે.

3 દિવસ રાજ્યમાં સાર્વત્રિક વરસાદની આગાહી હવામાન વિભાગ દ્વારા કરવામાં આવી છે. દક્ષિણ ગુજરાત, સૌરાષ્ટ્ર-કચ્છમાં હળવા વરસાદનું અનુમાન છે.

હવામાન વિભાગ દ્વારા રાજ્યમાં વરસાદની આગાહીને પગલે માછીમારોને દરિયો ન ખેડવાની સૂચના આપવામાં આવી છે. દરિયાકાંઠે DW-2 સિગ્નલ લગાવાયું છે.

અફઘાનિસ્તાન પાસે વેસ્ટર્ન ડિસ્ટર્બન્સ સક્રિય થતા વરસાદી માહોલ યથાવત રહેશે. અમદાવાદમાં ગાજવીજ સાથે હળવા વરસાદની આગાહી હવામાન વિભાગ દ્વારા કરવામાં આવી છે.