IND vs SA: ચોથી ટી-20ને લઈ ટીમ ઈન્ડિયાનું રાજકોટમાં આગમન, કાઠિયાવાડી વાનગીનો માણશે સ્વાદ

રાજકોટમાં ટીમ ઇન્ડિયાનું ભારતીય પરંપરા મુજબ સ્વાગત કરવામાં આવ્યુ.

રાજકોટમાં 17મી તારીખે યોજાનાર ભારત અને દક્ષિણ આફ્રિકા વચ્ચેની મેચને લઇને સાઉથ આફ્રિકા અને ભારતની ટીમ રાજકોટ આવી પહોંચી હતી.

ભારતની ટીમ કાલાવડ રોડ પર આવેલી સયાજી હોટેલમાં પહોંચી હતી જ્યારે દક્ષિણ આફ્રિકાની ટીમ ફોર્ચ્યુન હોટેલમાં પહોંચી હતી .ટીમ ઇન્ડિયાનું ભારતીય પરંપરા મુજબ સ્વાગત કરવામાં આવ્યુ હતું.

આવતીકાલે બંન્ને ટીમ દ્રારા મેચની પ્રેક્ટિસ કરવામાં આવશે.ટીમ ઇન્ડિયામાંથી ઋષભ પંથ,હાર્દિક પંડ્યા,દિનેશ કાર્તિક,અક્ષર પટેલ,ભુવનેશ્વરકુમાર,ઇશન કિશન સહિતના ખેલાડીઓ પહોંચ્યા હતા.આ ઉપરાંત ટીમ ઇન્ડિયાના કોચ રાહુલ દ્રવિડ પણ પહોંચ્યા હતા.

ટીમ ઈન્ડિયા રાજકોટમાં કાઠિયાવાડી, રાજસ્થાની અને એમ.પી ની વાનગીઓનો સ્વાદ માણશે.

પાંચ મેચની સીરિઝમાં ટીમ ઈન્ડિયા 2-1 થી પાછળ છે. સીરિઝમાં જીવંત રહેવા ભારતીય ટીમે રાજકોટ ટી20 કોઈપણ હિસાબે જીતવી પડશે.

જો વરસાદનું વિધ્ન નહીં નડે તો રાજકોટ ટી20 હાઈ સ્કોરિંગ રહેશે તેવી સંભાવના છે.