KKRને ફિલ સોલ્ટની ખોટ વર્તાશે? SRH સામે ક્વોલિફાયર મેચમાં આવી હોય શકે છે પ્લેઈંગ ઈલેવન
KKR vs SRH Qualifier 1: IPL 2024 ની પ્રથમ ક્વોલિફાયર મેચ કોલકાતા અને હૈદરાબાદ વચ્ચે રમાશે. જાણો આ મેચમાં કેકેઆરની પ્લેઈંગ ઈલેવન કેવી હોઈ શકે છે.
Kolkata Knight Riders vs Sunrisers Hyderabad Qualifier 1: આઈપીએલ 2024 ની પ્રથમ ક્વોલિફાયર મેચ કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે મંગળવાર, 21 મેના રોજ રમાશે. બંને ટીમો વચ્ચેની આ મેચ અમદાવાદના નરેન્દ્ર મોદી સ્ટેડિયમમાં રમાશે. જાણો આ મેચમાં કેકેઆરની પ્લેઈંગ ઈલેવન કેવી હોઈ શકે છે.
One more sleep, #KnightsArmy. We wake up with a mission! 🔥 pic.twitter.com/Dz3ZUkgVg2
— KolkataKnightRiders (@KKRiders) May 20, 2024
આ મેચ માટે કોઈ રિઝર્વ ડે નથી
તમને જણાવી દઈએ કે રિઝર્વ ડે માત્ર ફાઈનલ મેચ માટે રાખવામાં આવ્યો છે. ફાઈનલ સિવાય પ્લેઓફની કોઈપણ મેચ માટે રિઝર્વ ડે રાખવામાં આવ્યો નથી. જો વરસાદ ક્વોલિફાયર-1, ક્વોલિફાયર-2 અને એલિમિનેટર મેચોમાં વિક્ષેપ પાડે છે, તો ઓછામાં ઓછી પાંચ ઓવરની મેચ હશે. જો પાંચ ઓવરની મેચ શક્ય ન હોય તો મેચનું પરિણામ સુપર ઓવર દ્વારા નક્કી કરવામાં આવશે. જો એવી સ્થિતિ ઉભી થાય કે સુપર ઓવર પણ ન થઈ શકે, તો પોઈન્ટ ટેબલમાં સ્થાન/રેન્કિંગના આધારે નિર્ણય લેવામાં આવશે.
Qualifier 1 Ready: The Ranas edition 😁 pic.twitter.com/nPMpWrEdVI
— KolkataKnightRiders (@KKRiders) May 20, 2024
આ ખેલાડી ફિલ સોલ્ટનું સ્થાન લેશે
વિસ્ફોટક ઓપનર બેટ્સમેન ફિલ સોલ્ટ ઈંગ્લેન્ડ પરત ફર્યો છે. આ મેચમાં KKR ચોક્કસપણે તેની ખોટ કરશે. જો કે, કોલકાતા પાસે તેનો રિપ્લેસમેન્ટ છે, જે લગભગ તેની શૈલીમાં જ બેટિંગ કરે છે. આ ખેલાડીનું નામ રહેમાનુલ્લા ગુરબાઝ છે. ગુરબાઝ અને સુનીલ નરેન ઇનિંગ્સની શરૂઆત કરી શકે છે.
આ પછી નીતિશ રાણા ત્રીજા નંબરે, શ્રેયસ અય્યર નંબર ચાર, વેંકટેશ અય્યર નંબર પાંચ, આન્દ્રે રસેલ નંબર છ, રિંકુ સિંહ અને આઠમા નંબરે રમણદીપ સિંહ રમી શકે છે. આ પછી વરુણ ચક્રવર્તી, હર્ષિત રાણા અને મિચેલ સ્ટાર્ક બોલિંગમાં જોવા મળશે. KKRની બેટિંગમાં ઘણી ઊંડાઈ છે અને આ ટીમની સૌથી મોટી તાકાત છે. આ વખતે કોલકાતાનું પ્રદર્શન શાનદાર રહ્યું છે.
ક્વોલિફાયર મેચમાં KKRની સંભવિત પ્લેઈંગ ઈલેવન- રહેમાનુલ્લાહ ગુરબાઝ (વિકેટકીપર), સુનીલ નરેન, વેંકટેશ ઐયર, નીતિશ રાણા, શ્રેયસ અય્યર (કેપ્ટન), રિંકુ સિંહ, આન્દ્રે રસેલ, રમનદીપ સિંહ, હર્ષિત રાણા, વરુણ ચક્રવર્તી અને મિશેલ સ્ટાર્ક.
Join Our Official Telegram Channel: https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
