IPL 2024: જો ટૂર્નામેન્ટની વચ્ચે જ સ્ટાર્ક અને કમિન્સ ઘાયલ થઈ જશે, શું તો પણ મળશે પૂરા પૈસા? જાણો નિયમ

IPL Salary Rules: મિશેલ સ્ટાર્ક અને પેટ કમિન્સ IPL 2024 માટે મંગળવારે (ડિસેમ્બર 19) ના રોજ યોજાયેલી હરાજીમાં રેકોર્ડ બ્રેક ભાવે વેચાયા હતા. કોલકાતા નાઈટ રાઈડર્સે મિશેલ સ્ટાર્કને રૂ. 24.75 કરોડમાં ખરીદ્યો હતો.

( Image Source : ICC )

IPL Salary Rules: મિશેલ સ્ટાર્ક અને પેટ કમિન્સ IPL 2024 માટે મંગળવારે (ડિસેમ્બર 19) ના રોજ યોજાયેલી હરાજીમાં રેકોર્ડ બ્રેક ભાવે વેચાયા હતા. કોલકાતા નાઈટ રાઈડર્સે મિશેલ સ્ટાર્કને રૂ. 24.75 કરોડમાં ખરીદ્યો હતો, જ્યારે સનરાઈઝર્સ હૈદરાબાદે પેટ કમિન્સ પર રૂ. 20.50 કરોડનો દાવ લગાવ્યો હતો. આટલી મોટી કિંમત સાથે આ બંને ખેલાડીઓ IPL ઈતિહાસના સૌથી મોંઘા ખેલાડી પણ બની ગયા છે.

 

Introducing, our 𝐊𝐍𝐈𝐆𝐇𝐓𝐒 for #IPL2024! 💪 pic.twitter.com/vaKlfgBqRQ

— KolkataKnightRiders (@KKRiders) December 19, 2023

પેટ કમિન્સ છેલ્લી આઈપીએલ સિઝન અધવચ્ચે છોડીને ઘરે ગયો હતો. બીજી તરફ મિચેલ સ્ટાર્ક માટે IPL ક્યારેય પ્રાથમિકતા નથી રહી. આ જ કારણ છે કે તે લાંબા સમય બાદ IPLમાં પરત ફર્યો છે. આ બંને ખેલાડીઓની પ્રાથમિકતા હંમેશા ઓસ્ટ્રેલિયન ટીમ રહી છે. ત્યારબાદ મિચેલ સ્ટાર્ક પણ ઈજાગ્રસ્ત થયો છે. આવી સ્થિતિમાં સવાલ એ ઊભો થાય છે કે જો આ બે મોંઘા ખેલાડીઓ ટૂર્નામેન્ટની વચ્ચે ઈજાગ્રસ્ત થઈ જાય અથવા ઉપલબ્ધ ન હોય તો પણ શું ફ્રેન્ચાઈઝી તેમને કરોડોનો પગાર આપશે? ચાલો આ સમજીએ...

શું કહે છે IPL પગાર નિયમ?
IPLમાં ખેલાડીઓને પગાર ચૂકવવાના નિયમો ખૂબ જ સ્પષ્ટ છે. એટલે કે જો કોઈ ખેલાડી IPLની એક સિઝન માટે ફુલ ટાઈમ ઉપલબ્ધ હોય છે, તો જો ફ્રેન્ચાઈઝી તેને એક પણ મેચમાં તક ન આપે તો તેણે આખી સિઝન માટે પોતાનો પગાર ચૂકવવો પડે છે. પરંતુ જો કોઈ ખેલાડી ટુર્નામેન્ટની મધ્યમાં અંગત કારણોસર મેચોમાં ઉપલબ્ધ ન હોય અથવા ઈજાગ્રસ્ત થાય, તો તેને જેટલી મેચો માટે તે ઉપલબ્ધ હતો તેટલો જ પગાર મળે છે. આવી સ્થિતિમાં, જો કમિન્સ અને સ્ટાર્ક IPL સિઝનની મધ્યમાં ઈજાગ્રસ્ત થાય છે અથવા અન્ય કોઈ કારણોસર ઉપલબ્ધ નથી, તો તેમને એક સિઝનની મેચોમાં તેમની ઉપલબ્ધતાના પ્રમાણમાં પૈસા મળશે.

તો ફ્રેન્ચાઈઝી માટે તેને એક રૂપિયો પણ ચૂકવવો ફરજિયાત નથી

તેવી જ રીતે, જો કોઈ ખેલાડી ઈજાગ્રસ્ત થાય છે અથવા આઈપીએલ સિઝન શરૂ થાય તે પહેલા ઉપલબ્ધ નથી, તો ફ્રેન્ચાઈઝી માટે તેને એક રૂપિયો પણ ચૂકવવો ફરજિયાત નથી. આવા સમયે, ફ્રેન્ચાઇઝી તે ખેલાડીને અન્ય ખેલાડી સાથે બદલી શકે છે.