Final: શ્રીલંકાના બૉલરે વસીમ અકરમ પાસે લીધી બૉલિંગ ટિપ્સ ને પછી બાબરને કરી દીધો આઉટ, વીડિયો વાયરલ

શ્રીલંકાન ફાસ્ટ બૉલર પ્રમોદ મધુશાન અને મદુશંકા મેચ પહેલા વસીમ અકરમને મળ્યા હતા. આ બન્નેની મુલાકાતનો વીડિયો શ્રીલંકન ક્રિકેટ ટીમના ઓફિશિયલ ટ્વીટર હેન્ડલ પરથી શેર કરવામાં આવ્યો છે.

ફાઇલ તસવીર

Asia Cup 2022: એશિયા કપ 2022ની ફાઇનલ મેચ ગઇકાલે 11 સપ્ટેમ્બરે દુબઇના ઇન્ટરનેશનલ ક્રિકેટર ગ્રાઉન્ડ પર રમાઇ. આ મેચમાં શ્રીલંકા અને પાકિસ્તાન ખિતાબી જંગ માટે આમને સામને હતા, ટૉસ જીતીને પાકિસતાની કેપ્ટન બાબર આઝમે શ્રીલંકાને બેટિંગમાં ઉતરવાનુ આમંત્રણ આપ્યુ હતુ. જોકે, આ નિર્ણય છેવટે પાકિસ્તાનીઓને ભારે પડ્યો હતો, અને મેચમાં 23 રનોથી હારનો સામનો કરવો પડ્યો હતો.  

પરંતુ ખાસ વાત છે, આ મેચ બાદ એક વીડિયો સોશ્યલ મીડિયા પર ખુબ વાયરલ થઇ રહ્યો છે, જેમાં શ્રીલંકાન ખેલાડીઓની ગજબની ચતુરાઇ સામે આવી છે. ખરેખરમાં ફાઇનલ મેચ પહેલા શ્રીલંકાના ખેલાડીઓએ પાકિસ્તાનના દિગ્ગજ અને સ્વિંગના માસ્ટર વસીમ અકરમ પાસે કેટલીક ટિપ્સ લીધી હતી. જે બાદમાં પાકિસ્તાની બેટ્સમેનો માટે ખતરો સાબિત થઇ હતી. 

શ્રીલંકાન ફાસ્ટ બૉલર પ્રમોદ મધુશાન અને મદુશંકા મેચ પહેલા વસીમ અકરમને મળ્યા હતા. આ બન્નેની મુલાકાતનો વીડિયો શ્રીલંકન ક્રિકેટ ટીમના ઓફિશિયલ ટ્વીટર હેન્ડલ પરથી શેર કરવામાં આવ્યો છે. ખરેખરમાં શ્રીલંકા ક્રિકેટ ટીમના કૉચ સિલ્વરવૂડે પાકિસ્તાનના વસીમ અકરમ પાસે કેટલોક સમય માંગ્યો હતો, આ દરમિયાન વસીમ અકરમે મધુશાન અને મધુશંકાને ખાસ ટિપ્સ આપી હતી. વસીમ અકરમે જે ટિપ્સ આપી હતી, તે પ્રમાણે મધુશાને બૉલિંગ કરી અને મેચમાં પાકિસ્તાની બેટ્સમેનો માટે ખતરો ઉભો કરી દીધો હતો. 

🎥 Words of wisdom from @wasimakramlive for young Dilshan Madushanka. 😍#RoaringForGlory pic.twitter.com/3TdDq5jaBj

— Sri Lanka Cricket 🇱🇰 (@OfficialSLC) September 10, 2022

એશિયા કપ ફાઇનલમાં મધુશાને પોતાની પહેલી જ ઓવરમાં પાકિસ્તાની કેપ્ટન બાબર આઝમ અને ફકર જમાનને પેવેલિયન મોકલી દીધા હતા. મેચની 3.2 ઓવરમાં બાબર આઝમને મધુશંકાના હાથમાં ઝીલાવી દીધો, જ્યારે 3.3 ઓવરમાં ફકર જમાનને બૉલ્ડ કરી દીધો હતો. આ દરમિયાન મધુશંકા હેટ્રિક પર આવી ગયો હતો, જોકે હેટ્રિકથી ચૂક્યો હતો. મધુશાનની આ ઘાતક બૉલિંગ પાકિસ્તાનીઓ માટે ખતરો સાબિત થઇ હતી. ફાઇનલમાં પ્રમોદ મધુશાને 4 ઓવરમાં 34 રન આપીને 4 વિકેટો ઝડપી હતી.

 

આ પણ વાંચો...........