Cyclone Tauktae: ઓજલ માછીવાડ ગામમાં સ્થાનિકો દરિયાની મજા માણતા પડ્યા નજરે

નવસારી જિલ્લામાં વાવાઝોડા પહેલાની અસર શરૂ ચૂકી ચુકી છે. નવસારી શહેરમાં આવેલા જુનાથાણા, ટાવર રોડ, મંકોડીયા સહિત અનેક વિસ્તારોમાં કમોસમી વરસાદ પડ્યો છે. સાથે જ જલાલપોર તાલુકામાં પણ ભારે પવન સાથે વરસાદ શરૂ થયો છે. ભારે પવન સાથે પડેલા વરસાદના કારણે નવસારી શહેરના અનેક વિસ્તારોમાં વીજળી ગુલ થઈ. નવસારીના જલાલપોર તાલુકામાં આવેલા બોરસી માછીવાડ ગામમાં પ્રોટેક્શન વોલ સુધી દરિયાનું પાણી પહોંચ્યું. હાઈ ટાઈડના સમયે દરિયાનું પાણી પ્રોટેકશન વોલ સાથે અથડાયું  છે. હાલ બોરસી માછીવાડ ગામના દરિયામાં ભારે પવન સાથે મોજા ઉછળી રહ્યા છે.