દીકરીની હિન્દીની મજાક ઉડાવતી શ્રીદેવીનો જૂનો વીડિયો થયો વાયરલ

મુંબઇઃ દુનિયાને અલવિદા કરી ગયાને બે મહિના બાદ બોલિવૂડ એક્ટ્રેસ શ્રીદેવીનો એક જૂનો વીડિયો સોશિયલ મીડિયા પર વાયરલ થઇ રહ્યો છે. આ વીડિયોમાં શ્રીદેવી પોતાની દીકરી જાહન્વીની મજાક ઉડાવતી જોવા મળી રહી છે. વાસ્તવમાં વીડિયોમાં જાહન્વીને હિન્દી બોલવામાં પડી રહેતી તકલીફને લઇને શ્રીદેવી તેની મજાક ઉડાવે છે. 

એક ઇન્ટરવ્યૂ દરમિયાન જાહન્વીને એક સવાલ પૂછવામાં આવે છે અને પત્રકારો જવાબ હિન્દીમાં ઇચ્છે છે. ત્યારે જાહન્વી કહે છે કે જી મને હજી આવડતું નથી. હું હજું સ્કૂલમાં અભ્યાસ કરી રહી છું. આ વાતો તે હિન્દીમાં બોલી રહી છે. 

 જેના પર શ્રીદેવી કહે છે કે પ્લીઝ તેને હિન્દીમાં વાત કરવાનું ના કહો. શ્રીદેવી દીકરીની નકલ પણ ઉતારે છે. જેને જોઇને ત્યાં હાજર સૌ કોઇ હસવા લાગે છે