બનાસકાંઠાના વાવમાં પ્રેમીએ કરી પ્રેમિકાની હત્યા, જાણો કારણ?

બનાસકાંઠાના વાવના પ્રતાપપુરા નજીક  પ્રેમીએ પ્રેમિકાની હત્યા કર્યાની ઘટના બનતા ચકચાર મચી ગઇ છે

વાવ પોલીસ સ્ટેશન

વાવઃ બનાસકાંઠાના વાવના પ્રતાપપુરા નજીક  પ્રેમીએ પ્રેમિકાની હત્યા કર્યાની ઘટના બનતા ચકચાર મચી ગઇ છે. મળતી જાણકારી અનુસાર બનાસકાંઠાના વાવના પ્રતાપપુરા નજીક  પ્રેમીએ પ્રેમિકાની હત્યા કરી દીધી હતી. હત્યા કર્યા બાદ પ્રેમીએ આત્મહત્યા કરવાનો પ્રયાસ કર્યો હતો. યુવકના લગ્ન નજીક આવતા પ્રેમિકા સાથે મોતને વ્હાલું કરવા ઘટનાને અંજામ આપ્યો હતો. પ્રેમિકાની હત્યા કર્યા બાદ ઈજાગ્રસ્ત થયેલા યુવકને સારવાર અર્થે થરાદ સિવિલ હોસ્પિટલમાં ખસેડવામાં આવ્યો છે. સમગ્ર ઘટનાની જાણ થતા વાવ પોલીસે વધુ તપાસ હાથ ધરી હતી.

બનાસકાંઠાઃ ડીસામાં મૂક બધિર બાળકીનો રેપ કરી હત્યા કરનાર નરાધમને કોર્ટે ફાંસીની સજા આપી

ડીસાઃ ડીસામાં દોઢ વર્ષ અગાઉ મૂક બધીર બાળકી ઉપર દુષ્કર્મ કર્યા બાદ તેની નિર્મમ હત્યા કરવામાં આવી હતી. મૂક બધીર બાળકી ઉપર તેના જ ફોઈના દીકરાએ દુષ્કર્મ આચરી તેનું ગળું કાપીને નિર્મમ હત્યા કરી હતી. આ ઘટના બાદ પોલીસે આરોપી નીતિન માળીને ઝડપી પાડ્યો હતો. ત્યાર બાદ આજે ડીસા કોર્ટમાં કેસની સુનાવણી કરવામાં આવી હતી જ્યાં જજે આરોપી નીતિન માળીને ફાંસીની સજા ફટકારી હતી.

ફાંસીની સજા આપવા બેનર લાગ્યા હતાઃ
દોઢ વર્ષ પહેલાં ડીસામાં બનેલી બનેલી આ ક્રૂર ઘટનાના સમગ્ર બનાસકાંઠા જિલ્લા સહિત ગુજરાતભરમાં ઘેરા પ્રત્યાધાત પડ્યા હતા. મૂક બધીર બાળકી ઉપર નજર બગાડીને તેની હત્યા કરનાર આરોપી નીતિન માળીને ફાંસીની સજા મળે તે માટે સતત માંગો ઉઠી હતી. આરોપીને ફાંસીની સજા આપવાની માંગ સાથે ડીસામાં કોર્ટ રોડ ઉપર લાગ્યા બેનરો પણ લગાવામાં આવ્યા હતા. ત્યારે આજે ડીસા કોર્ટે સમાજમાં દુષ્કર્મ અને હત્યા જેવી ઘટનાઓ અટકે તે માટે આવા ગુનેગારને ફાંસીની સજા ફટકારી છે.