![ABP Premium](https://cdn.abplive.com/imagebank/Premium-ad-Icon.png)
Adipurush Movie Review: પ્રભાસની આ ખરાબ Vfx વાળી મૉર્ડન રામાયણનો ઉદ્ધાર પ્રભુ શ્રીરામ જ કરી શકે છે
આ ફિલ્મની સ્ટૉરી તો બધા જાણે છે. શ્રી રામની કથા, પણ અહીં ઘણી બધી વાતો એવી છે જે સ્ટૉરીમાં કહેવામાં આવી નથી, ઘણી બધી અધૂરી રહી ગઈ છે
![Adipurush Movie Review: પ્રભાસની આ ખરાબ Vfx વાળી મૉર્ડન રામાયણનો ઉદ્ધાર પ્રભુ શ્રીરામ જ કરી શકે છે Adipurush Movie Review: prabhas and kriti sanon, saif ali khan starer adipurush movie review Adipurush Movie Review: પ્રભાસની આ ખરાબ Vfx વાળી મૉર્ડન રામાયણનો ઉદ્ધાર પ્રભુ શ્રીરામ જ કરી શકે છે](https://feeds.abplive.com/onecms/images/uploaded-images/2023/06/16/01b350deb79b2075e42c94ebe071c40a168690592779077_original.jpg?impolicy=abp_cdn&imwidth=1200&height=675)
Adipurush Movie Review: હે રામ અને જય શ્રીરામ... આ ફિલ્મ જોતા જ બે બાબતો મગજમાં આવે છે, હે રામ એટલા માટે કે રામના નામે આ શું બનાવી નાંખ્યુ અને જય શ્રી રામ એટલે કેમ કે રામ નામના સહારે જ તમે આ ફિલ્મને સહન કરી શકો છો. મનમાં એ પણ સવાલ આવે છે કે, આ યુ સર્ટિફિકેટ એટલા માટે આપવામાં આવ્યુ છે કે દર્શક થિએટરની બહારથી જ યૂ ટર્ન લઇ લે. મગજમાં તો એ પણ આવે છે કે હનુમાનજી આ ફિલ્મની તમામ રિલ્સ ત્યાં જ છોડી આવો જ્યાંથી તમે સંજીવની લાવ્યા હતા.
જ્યારે આ ફિલ્મનું ટીઝર આવ્યું ત્યારે આને ખુબ જ ટ્રૉલ કરવામાં આવી હતી. ત્યારે કહેવામાં આવ્યું કે 600 કરોડ ખર્ચીને VFX ઠીક કરવામાં આવ્યું છે. પછી ટ્રેલર આવ્યું જે સારું હતું પણ ફિલ્મ વિશે એવું જરાય નથી કહી શકાતુ.
સ્ટૉરી
આ ફિલ્મની સ્ટૉરી તો બધા જાણે છે. શ્રી રામની કથા, પણ અહીં ઘણી બધી વાતો એવી છે જે સ્ટૉરીમાં કહેવામાં આવી નથી, ઘણી બધી અધૂરી રહી ગઈ છે અને જે રીતે આ સ્ટૉરી કહેવામાં આવી છે, તે તમને રામાનંદ સાગરની રામાયણના એક એપિસૉડમાં પણ આવી શકતી નથી.
કેવી છે ફિલ્મ -
શરૂઆતમાં ફિલ્મ કંઈ ખાસ હોય એવુ લાગતું નથી. તમે ફિલ્મ સાથે જોડાશો નહીં પરંતુ હનુમાનજીની એન્ટ્રી સાથે ફિલ્મ થોડી કનેક્ટ કરે છે, પણ એટલી નહીં જેટલી તમે રામાયણ સીરિયલ સાથે કનેક્ટ કરી શક્યા હતા. તમે જે રીતે અપેક્ષા કરો છો તે રીતે કોઈપણ પાત્ર તમારી સાથે કનેક્ટ થતું નથી અને ખરાબ VFX ફિલ્મની મજા બગાડી રહ્યાં છે. જો આટલા કરોડો ખર્ચીને આવા ગ્રાફિક્સ બનાવવામાં આવ્યા હોય તો આશ્ચર્ય થાય છે કે તે જમાનામાં રામાનંદ સાગરે આટલા અદ્ભુત ગ્રાફિક્સ કેવી રીતે બનાવ્યા હતા. કેટલાક સંવાદો જે રીતે બોલવામાં આવ્યા છે, તે તમને આશ્ચર્યચકિત કરે છે. ફિલ્મમાં શ્રદ્ધાના એંગલને બાદ કરવામાં આવ્યો છે. યુદ્ધના દ્રશ્યો એવું લાગે છે કે ઝૉમ્બિઓ લડી રહ્યા છે. કદાચ અહીં હૉલીવૂડ ટચ આપવાનો પ્રયાસ કરવામાં આવ્યો છે પરંતુ બૉલીવૂડ ટચ જ ગાયબ થઈ ગયો છે. તમને આખી ફિલ્મમાં ફક્ત શ્રી રામનું નામ જ સાંભળવું ગમે છે બીજું કંઈ નહીં.
એક્ટિંગ -
ટ્રેલરમાં પ્રભાસ શ્રીરામ જેવો દેખાતો નહોતો. અહીં પણ તેઓ શરૂઆતમાં નથી લાગતા પરંતુ ધીમે ધીમે તે સારો લાગવા માંડે છે. કૃતિ સેનન સારી દેખાઈ રહી છે. લક્ષ્મણના રૉલમાં સની સિંહ ઠીક લાગી રહ્યો છે. રાવણના રોલમાં સૈફ કંઈ ખાસ પ્રભાવિત કરી શક્યો નથી. રણવીર સિંહે જે રીતે ખિલજીનું પાત્ર ભજવ્યું હતું. સૈફ પાસેથી પણ આ જ અપેક્ષા હતી પરંતુ તેને નિરાશ કર્યો. દેવદત્ત નાગે હનુમાનજીના રૉલમાં સારું કામ કર્યું છે.
મ્યૂઝિક -
ફિલ્મનો બેકગ્રાઉન્ડ સ્કૉર સારો છે. અજય અતુલે આ ડિપાર્ટમેન્ટમાં સારું કામ કર્યું છે, સ્ટૉરીમાં વચ્ચે આવતા ટૂંકા વિસ્ફોટો તમને ફિલ્મનો સામનો કરવાની તાકાત આપે છે. પણ વચ્ચે શ્રીરામ અને સીતાજી પર ચિત્રિત ગીત બાલિશ લાગે છે.
જો તમારે બાળકોને રામાયણ વિશે જણાવવું હોય તો તમે આ ફિલ્મ બતાવી શકો છો.. કારણ કે આજના રીલના યુગમાં બાળકો આખી સીરિયલો નહીં જોઇ શકે, પરંતુ આ ફિલ્મ બતાવવાની સાથે તમારે તેમને સંપૂર્ણ માહિતી પણ આપવી પડશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)