![ABP Premium](https://cdn.abplive.com/imagebank/Premium-ad-Icon.png)
Year Ender 2022: 'લાલ સિંહ ચઢ્ઢા'થી લઈને 'ધ કાશ્મીર ફાઇલ્સ' સુધી, વર્ષ 2022માં વિવાદો સપડાઈ આ બોલિવૂડ ફિલ્મો
Year Ender 2022: વર્ષ 2022માં બોલિવૂડની ઘણી ફિલ્મોએ બોક્સ ઓફિસ પર રેકોર્ડ તોડ્યા. તો સાથે જ ઘણા વિવાદો પણ થયા. ચાલો જાણીએ બોલિવૂડની કઈ કઈ ફિલ્મોને વિવાદોનો સામનો કરવો પડ્યો હતો.
![Year Ender 2022: 'લાલ સિંહ ચઢ્ઢા'થી લઈને 'ધ કાશ્મીર ફાઇલ્સ' સુધી, વર્ષ 2022માં વિવાદો સપડાઈ આ બોલિવૂડ ફિલ્મો Year Ender 2022 Lal Singh Chaddha The Kashmir Files Thank God Adipurush Samrat Prithviraj Controversial Bollywood Movies 2022 Year Ender 2022: 'લાલ સિંહ ચઢ્ઢા'થી લઈને 'ધ કાશ્મીર ફાઇલ્સ' સુધી, વર્ષ 2022માં વિવાદો સપડાઈ આ બોલિવૂડ ફિલ્મો](https://feeds.abplive.com/onecms/images/uploaded-images/2022/12/22/5ef8089982ca1f9865f1e2c8f44f4d6f167168131273781_original.jpg?impolicy=abp_cdn&imwidth=1200&height=675)
Year Ender 2022: કોવિડ-19 પછી ફિલ્મ ઇન્ડસ્ટ્રી ફરી એકવાર પાટા પર આવવાનો પ્રયાસ કરી રહી છે અને હવે ફિલ્મો થિયેટરમાં રિલીઝ થઈ રહી છે. વર્ષ 2022માં બોક્સ ઓફિસ પર ઘણી મોટી ફિલ્મો રિલીઝ થઈ હતી. સાઉથની ઘણી ફિલ્મોએ બોક્સ ઓફિસ પર જોરદાર કમાણી કરી તો બોલિવૂડની ઘણી ફિલ્મો ખર્ચ પણ વસૂલ કરી શકી નથી. આમિર ખાન, કરીના કપૂર અને અક્ષય કુમાર જેવા સ્ટાર્સને બહિષ્કારના વલણનો ભોગ બનવું પડ્યું હતું અને તેમની મોટા બજેટની ફિલ્મો બોક્સ ઓફિસ પર ફ્લોપ સાબિત થઈ હતી. સાથે જ ઘણી ફિલ્મો વિવાદોમાં ફસાઈ ગઈ હતી. ચાલો જાણીએ કે વર્ષ 2022માં કઈ કઈ ફિલ્મો વિવાદોમાં સપડાઈ હતી.
લાલ સિંહ ચઢ્ઢા
આમિર ખાન અને કરીના કપૂર ખાન સ્ટારર 'લાલ સિંહ ચઢ્ઢા' વર્ષની સૌથી મોટી ફ્લોપ સાબિત થઈ. ટોમ હેન્ક્સની હોલીવુડ ફિલ્મ ફોરેસ્ટ ગમ્પની સત્તાવાર હિન્દી રિમેક, 'લાલ સિંહ ચઢ્ઢા' કેટલાક વિવાદોમાં ફસાયા બાદ બહિષ્કારના વલણનો શિકાર બની હતી.
કાશ્મીર ફાઇલ્સ
બોક્સ ઓફિસ પર ધમાલ મચાવનાર અને 2022ની સૌથી સફળ હિન્દી ફિલ્મોમાંની એક હોવા છતાં, ફિલ્મ નિર્માતા વિવેક અગ્નિહોત્રીની ફિલ્મ 'ધ કાશ્મીર ફાઇલ્સ' સતત વિવાદોમાં ઘેરાયેલી છે. ગોવામાં તાજેતરમાં યોજાયેલા ઈન્ટરનેશનલ ફિલ્મ ફેસ્ટિવલ ઓફ ઈન્ડિયા (IFFI 2022)માં, જ્યુરીના વડા ઈઝરાયેલી ફિલ્મ નિર્માતા નાદવ લેપિડે સમાપન સમારોહમાં ફિલ્મને 'વલ્ગર અને પ્રોપેગન્ડા' કહીને નવો વિવાદ ઊભો કર્યો હતો.
આદિપુરુષ
પ્રભાસ અને સૈફ અલી ખાન સ્ટારર ફિલ્મ 'આદિપુરુષ' જ્યારથી ટીઝર રિલીઝ થયું છે ત્યારથી તે ઘણા વિવાદોમાં ફસાઈ ગઈ છે. આ ફિલ્મ રામાયણ પર આધારિત છે. ફિલ્મનું ટીઝર રિલીઝ થયા બાદ દર્શકોએ તેમાં પ્રભાસ અને સૈફના લુકને લઈને ઘણો ટ્રોલ કર્યો છે. ફિલ્મના VFX પર પણ સવાલો ઉભા થયા છે. જે બાદ મેકર્સ હવે તેમાં જરૂરી ફેરફાર કરી રહ્યા છે. આ કારણે થોડી મોડા ઓમ રાઉતની આ ફિલ્મ આવતા વર્ષે મોટા પડદા પર રિલીઝ થશે.
થેંક ગોડ
અજય દેવગન અને સિદ્ધાર્થ મલ્હોત્રા સ્ટારર ફિલ્મ 'થેંક ગોડ' આ વર્ષે દિવાળી પર રિલીઝ થઈ હતી. ફિલ્મમાં અજય દેવગનના પાત્રને લઈને ઘણો વિવાદ થયો હતો. અજયે આ ફિલ્મમાં આધુનિક ચિત્રગુપ્તની ભૂમિકા ભજવી હતી. લોકોએ ફિલ્મ પર ધાર્મિક લાગણીઓને ઠેસ પહોંચાડવાનો આરોપ લગાવ્યો હતો અને તેના કારણે ફિલ્મ કાયદાકીય મુશ્કેલીમાં પણ સપડાઈ હતી.
સમ્રાટ પૃથ્વીરાજ
અક્ષય કુમાર સ્ટારર 'સમ્રાટ પૃથ્વીરાજ' પણ વર્ષ 2022ની વિવાદાસ્પદ ફિલ્મ હતી. આ ફિલ્મને અનેક કારણોસર ટીકાઓનો સામનો કરવો પડ્યો હતો. કરણી સેનાએ ફિલ્મ પર ઈતિહાસ સાથે ચેડા કરવાનો આરોપ લગાવ્યો હતો. વધતા વિવાદને કારણે આ ફિલ્મને રિલીઝ પહેલા કરણી સેનાને પણ બતાવવામાં આવી હતી અને તેમની સલાહના આધારે ફિલ્મનું નામ પૃથ્વીરાજથી બદલીને સમ્રાટ પૃથ્વીરાજ કરવામાં આવ્યું હતું.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)