Heart Care Tips: 18 વર્ષ બાદ કરી લો આ એક કામ, હાર્ટ એટેકનું ઘટી જશે જોખમ, જાણો એકસ્પર્ટે શું આપી સલાહ

માર્ગદર્શિકા બનાવનાર હાર્ટ સ્પેશિયાલિસ્ટનું કહેવું છે કે, જે લોકોનો પરિવારમાં હૃદય રોગનો ઇતિહાસ હોય, પછી તે હાર્ટ એટેક હોય કે કાર્ડિયાક અરેસ્ટ હોય, તેઓએ 15 વર્ષની ઉંમરે તેમના કોલેસ્ટ્રોલના સ્તરની તપાસ કરાવવી જોઈએ

પ્રતીકાત્મક તસવીર ( freepik )

Source : Other

Heart Care Tips:યુવાનોમાં વધી રહેલા હાર્ટ એટેક માટે હાઈ કોલેસ્ટ્રોલ પણ જવાબદાર છે. કાર્ડિયોલોજિકલ સોસાયટી ઓફ ઈન્ડિયાની  લિપિડ માર્ગદર્શિકા અનુસાર, 18 વર્ષની ઉંમરે કોલેસ્ટ્રોલની તપાસ કરાવવાથી હાર્ટ એટેકનું જોખમ 50 ટકા ઓછું થઈ શકે છે.

ભારતમાં કોવિડ પછી યુવાનોમાં હૃદયરોગના હુમલામાં ઝડપથી વધારો થયો છે. છેલ્લા ત્રણ વર્ષમાં એવી ઘણી ઘટનાઓ બની છે જ્યારે 20, 25 કે 35 વર્ષના યુવકોએ હાર્ટ એટેક કે કાર્ડિયાક અરેસ્ટને કારણે ક્ષણભરમાં જીવ ગુમાવ્યો હોય. કાર્ડિયોલોજિકલ સોસાયટી ઓફ ઈન્ડિયા સાથે સંકળાયેલા હાર્ટ સ્પેશિયાલિસ્ટના જણાવ્યા અનુસાર, અત્યાર સુધી એવું લાગતું હતું કે આ બધું ડાયાબિટીસ, હાઈપરટેન્શન, તણાવ, તમાકુનું સેવન અથવા પારિવારિક ઈતિહાસ જેવા મિશ્ર પરિબળોને કારણે થઈ રહ્યું છે. તેને અમુક અંશે કોવિડની અસર તરીકે પણ જોવામાં આવી રહ્યું હતું, પરંતુ દેશ-વિદેશમાં કેસ, નિદાન, સારવાર, માર્ગદર્શિકા વગેરેનો અભ્યાસ કર્યા બાદ બીજી એક વાત સામે આવી છે.

કાર્ડિયોલોજિકલ સોસાયટી ઓફ ઈન્ડિયા દ્વારા તૈયાર કરવામાં આવેલ હાર્ટ એટેક નિવારણ માટેની લિપિડ ગાઈડલાઈન્સના અધ્યક્ષ  કહે છે કે, આ બધી બાબતો સિવાય કોલેસ્ટ્રોલ એટલે કે લિપિડ પ્રોફાઇલ પણ હાર્ટ એટેક માટે જવાબદાર છે. જેના વિશે ભારતમાં 80 ટકા લોકો જાણતા નથી. તેથી, જો હાર્ટ એટેકનું જોખમ ઘટાડવું હોય તો ભારતમાં દરેક વ્યક્તિએ આ  ટેસ્ટ કરાવવો જ પડશે.

આ ટેસ્ટ 18 વર્ષની ઉંમરે કરાવો

AIIMSના કાર્ડિયોલોજી વિભાગના પ્રોફેસર ડૉ. એસ. રામક્રિષ્નન કહે છે કે ભારતમાં દરેક વ્યક્તિએ 18 વર્ષની ઉંમરે પ્રથમ વખત તેની લિપિડ પ્રોફાઇલ એટલે કે કોલેસ્ટ્રોલની તપાસ કરાવવી જોઈએ. લિપિડ પ્રોફાઇલમાં સારા કોલેસ્ટ્રોલ, ખરાબ કોલેસ્ટ્રોલ, નોન-એચડીએલ કોલેસ્ટ્રોલ, લિપોપ્રોટીન અને ટ્રાઈગ્લિસરાઈડ સહિત પાંચ વસ્તુઓનો સમાવેશ થાય છે. તેમની સામાન્યતા વિશે જાણવું ખૂબ જ મહત્વપૂર્ણ છે.

દર 10 વર્ષે કોલેસ્ટ્રોલ લેવલ જાણો

ડો. રામક્રિષ્નન કહે છે કે જો તમે 18-20 વર્ષની ઉંમરે તમારું કોલેસ્ટ્રોલ ચેક કરાવ્યું હોય અને તે સામાન્ય હોય, તમને હાર્ટ એટેકનું જોખમ ઓછું હોય, તો તમે દર 10 વર્ષ પછી તમારા કોલેસ્ટ્રોલની તપાસ કરાવી શકો છો. પરંતુ આ દરમિયાન, જો પરિવારમાં કોઈને હાર્ટ એટેક આવે છે, તો દરેક વ્યક્તિએ તેમની લિપિડ પ્રોફાઇલની નિયમિત ડોકટરની સલાહ મુજબ  તપાસ કરવાવી જોઈએ.

આ ઉંમર પછી દર વર્ષે કરાવો ટેસ્ટ

ડૉ. કહે છે કે, 40 વર્ષની ઉંમર પછી દરેક વ્યક્તિએ દર વર્ષે રૂટીન ચેકઅપ તરીકે પોતાનું કોલેસ્ટ્રોલ ચેક કરાવવું જોઈએ, જેમ તેઓ બીપી કે ડાયાબિટીસ માટે કરે છે. તમારા શરીરમાં કોલેસ્ટ્રોલની માત્રા પર નજર રાખીને તમે હાર્ટ એટેકની શક્યતાને 50 ટકા ઘટાડી શકો છો.

ભારત માટે પ્રથમ વખત લિપિડ માર્ગદર્શિકા બનાવવામાં આવી છે

ભારતને ધ્યાનમાં રાખીને આ માર્ગદર્શિકા પ્રથમ વખત બનાવવામાં આવી  છે. દરેક વ્યક્તિએ તેના લિપિડ પ્રોફાઈલ અનુસાર અલગ-અલગ દવાઓ અને અલગ-અલગ પ્રિસ્ક્રિપ્શન મેળવવું જોઈએ, ત્યારે દરેક વ્યક્તિ તેના શરીરમાં હાઈ કે લો કોલેસ્ટ્રોલ વિશે જાગૃત હોય તે વધુ મહત્વનું છે. હાર્ટ એટેકનું આ મુખ્ય પરિબળ છે.