Recipe: મોમોઝ ખાવાનું પસંદ હોય તો આ રીતે આપો હેલ્ધી ટ્વિસ્ટ, ફટાફટ બનીને થઈ જશે તૈયાર
Healthy Breakfast Recipe: મોમોઝ, બાળકો અને વડીલો દરેકને ગમે છે, તેથી તેને ઘરે જ હેલ્ધી રીતે તૈયાર કરો. મેંદાને બદલે, સોજીથી બનેલા આ મોમોઝને હેલ્ધી બ્રેકફાસ્ટની યાદીમાં સામેલ કરી શકાય છે.
Healthy Breakfast Recipe: ઘણા લોકોને મોમોઝ ખાવાનું પસંદ હોય છે. પરંતુ મેંદામાંથી બનેલા આ મોમોઝ તદ્દન બિનઆરોગ્યપ્રદ હોય છે. ખાસ કરીને રસ્તા પર મળતા મોમોઝમાં પણ સ્વચ્છતાનો અભાવ જોવા મળે છે. આવી સ્થિતિમાં સ્વાસ્થ્યને કારણે તેને ખાવાનું ટાળવું વધુ સારું છે. પણ જો તમને મોમોઝ બહુ પસંદ છે તો તેને સોજીથી બનાવો. તેલમાં તળ્યા વગર બનેલા આ મોમોઝને હેલ્ધી બ્રેકફાસ્ટમાં સામેલ કરી શકાય છે. જે બાળકોથી લઈને વડીલો સુધી દરેકને ખાવાનું ગમશે. તો ચાલો જાણીએ શું છે સોજીમાંથી બનેલા મોમોઝ બનાવવાની રેસિપી.
સોજી મોમોઝ માટેની સામગ્રી
એક કપ સોજી
સ્વાદ માટે મીઠું
બે થી ત્રણ ચમચી તેલ
8-10 કળી લસણની બારીક સમારેલી
લીલા મરચા બારીક સમારેલા
1 કોબીઝ બારીક સમારેલી
ડુંગળી બારીક સમારેલી
1 ચમચી લાલ મરચું પાવડર
કાળા મરીનો પાઉડર
સોજીના મોમોઝ બનાવવાની રીત
સૌપ્રથમ સોજીને બ્લેન્ડરમાં નાખીને બારીક પાવડર બનાવી લો. હવે એક પ્લેટમાં પીસેલી સોજી અને મીઠું મિક્સ કરો. હવે આ લોટમાં પાણી નાખીને એકદમ નરમ કણક બાંધી લો ત્યારબાદ તેમાં એક ચમચી તેલ નાખી તેને સેટ થવા થોડી વાર સાઈડ પર રાખો
મોમોઝ માટે સ્ટફિંગ તૈયાર કરો
લોટ બાંધી લીધા પછી સ્ટફિંગ તૈયાર કરો. કડાઈમાં તેલ મૂકી ગરમ થવા દો. પછી તેમાં બારીક સમારેલું લસણ ઉમેરો. આછું સોનેરી થાય એટલે તેમાં લીલાં મરચાં ઉમેરો અને તેમાં બારીક સમારેલા ગાજર, કોબીજ અને ડુંગળી ઉમેરો અને ઉંચી આંચ પર ચડવા દો. સ્વાદ મુજબ મીઠું નાખીને શાકને માત્ર તેજ આંચ પર પકાવો જેથી તેનું પાણી સુકાઈ જાય. હવે શાકભાજીમાં કાળા મરી અને લાલ મરચું ઉમેરો. સારી રીતે તળી લો અને પેનને ગેસ પરથી ઉતારી લો.
મોમોઝ બનાવવા માટે સ્ટીમરમાં પાણી ગરમ કરો અને ઉપર ચાળણી રાખો. કણકના નાના-નાના બોલ બનાવો અને રોટલી વાળી લો અને તેમાં સ્ટફિંગ ભરી દો. સ્ટીમરમાં સ્ટીમ કરો અને હેલ્ધી અને ટેસ્ટી સોજીના મોમો તૈયાર છે. જો તમે ઈચ્છો તો તેને ટામેટાની ચટણી સાથે સર્વ કરો. અથવા પસંદગી મુજબ મરચાંની ચટણી તૈયાર કરો.
Disclaimer: અહીં આપેલી માહિતી માત્ર જાણકારી છે. અત્રે એ ઉલ્લેખ કરવો જરૂરી છે કે,abp અસ્મિતા કોઈપણ પ્રકારની માહિતી, પદ્ધતિની પુષ્ટિ કરતું નથી. કોઈપણ માહિતી અથવા માન્યતા પર અમલ કરતા પહેલા, સંબંધિત નિષ્ણાતની સલાહ લો.
ટોપ સ્ટોરી
ટ્રેન્ડિંગ સમાચાર
