IPL 2023 Final: ફાઇનલની ટિકીટોની કાળાબજારી, 3 હજારની ટિકીટો 9 હજારમાં વેચતા બે ઝડપાયા, જાણો

અમદાવાદમાં રમાનારી આઇપીએલ ફાઇનલ મેચની ટિકીટોને લઇને કાળાબજારી શરૂ થઇ ગઇ છે.

તસવીર (સોશ્યલ મીડિયા પરથી)

IPL Final: આજે ઇન્ડિયન પ્રીમિયર લીગની 16મી સિઝનની ફાઇનલ મેચ રમાશે, આ મેચ આજે અમદાવાદના નરેન્દ્ર મોદી સ્ટેડિયમમાં રમાશે, આ મેચ પહેલા ટિકીટને લઇને કાળાબજારી થતી હોવાની વાતને લઇને તંત્રમાં દોડધામ મચી ગઇ છે. રિપોર્ટ છે કે, ફાઇનલ મેચની ટિકીટ માટે કાળાબજારી કરનારા બે લોકોની ધરપકડ કરવામાં આવી છે. 

અમદાવાદમાં રમાનારી આઇપીએલ ફાઇનલ મેચની ટિકીટોને લઇને કાળાબજારી શરૂ થઇ ગઇ છે. નરેન્દ્ર મોદી સ્ટેડિયમ બહાર ટિકીટની કાળાબજારી કરતા 2 લોકોની ધરપકડ કરવામાં આવી છે, અમન શાહ અને સચિન ગારવેની પોલીસે ધરપકડ કરી છે. આ બન્ને આરોપી 3 હજારની ટિકીટ 9 હજારમાં અને 2500ની ટિકીટ 5 હજાર રૂપિયામાં વેચતા હતા. 15 ટિકીટ સાથે ચાંદખેડાના આ બન્ને યુવકોની ધરપકડ કરવામાં આવી છે.

 

CSK vs GT IPL 2023 Final: આઇપીએલની ફાઇનલમાં ગુજરાત ટાઇટન્સ અને ચેન્નઇ સુપર કિંગ્સ વચ્ચે જોવા મળશે જોરદાર ટક્કર, આવી હોઇ શકે છે પ્લેઇંગ ઇલેવન ?

CSK vs GT Probable Playing XI: ચેન્નઈ સુપર કિંગ્સ અને ગુજરાત ટાઇટન્સની ટીમો IPL 2023 ની ફાઇનલમાં પહોંચી ગઈ છે. બંને વચ્ચે આ ટાઈટલ મેચ અમદાવાદના નરેન્દ્ર મોદી સ્ટેડિયમમાં રમાશે. મેચ સાંજે 7.30 કલાકે શરૂ થશે. આ મેચમાં બંને ટીમો પોતાની શ્રેષ્ઠ પ્લેઈંગ ઈલેવન સાથે મેદાનમાં ઉતરવા ઈચ્છશે. આ મેચ માટે ગુજરાતની ટીમમાં રાશિદ ખાન, નૂર અહેમદ, જોશુઆ લિટલ અને ડેવિડ મિલરના રૂપમાં ચાર વિદેશી ખેલાડીઓ લગભગ ફિક્સ છે.

ચેન્નઈની ટીમ ડેવોન કોનવે, મોઈન અલી, મહિષ તિક્ષણા અને મથિષા પથિરાનાના રૂપમાં ચાર વિદેશી ખેલાડીઓને મેદાનમાં ઉતારી શકે છે. કોનવે અને ગાયકવાડ શાનદાર ફોર્મમાં છે. જ્યારે મહિષ તિક્ષણા સ્પિન આક્રમણને સારી રીતે સંભાળી રહ્યો છે. પથિરાના ડેથ ઓવર્સમાં ખતરનાક સાબિત થઈ રહ્યો છે. આ ઉપરાંત ગુજરાતના વિદેશી ખેલાડીઓમાં રાશિદ ખાન અને નૂર અહેમદ બેટ્સમેનોને પોતાની સ્પિન પર ડાન્સ કરી રહ્યા છે અને ફાસ્ટ બોલર જોશુઆ લિટલ ફાસ્ટ બોલિંગમાં સારું કામ કરી રહ્યા છે. અને ડેવિડ મિલર ફિનિશરની ભૂમિકા ભજવશે. જોકે, ગુજરાત કે ચેન્નઈની પ્લેઈંગ ઈલેવનમાં કોઈ ફેરફાર થાય તેવી શક્યતા ઓછી છે. બંન્ને ટીમો તેમની અગાઉની પ્લેઈંગ ઈલેવન સાથે પણ જઈ શકે છે. આ બંન્ને ટીમોની પ્લેઈંગ ઈલેવન હોઈ શકે છે.

ગુજરાત ટાઇટન્સની સંભવિત પ્લેઇંગ ઇલેવન

શુભમન ગિલ, રિદ્ધિમાન સહા (વિકેટકીપર), સાઈ સુદર્શન, ડેવિડ મિલર, રાહુલ તેવટિયા, વિજય શંકર, રાશિદ ખાન, નૂર અહેમદ, મોહમ્મદ શમી, જોશુઆ લિટલ.

ચેન્નઈ સુપર કિંગ્સની સંભવિત પ્લેઈંગ ઈલેવન

ડેવોન કોનવે, ઋતુરાજ ગાયકવાડ, અજિંક્ય રહાણે, અંબાતી રાડુ, શિવમ દુબે, મોઈન અલી, રવિન્દ્ર જાડેજા, મહિષ તીક્ષણા, મતિષા પથિરાના, તુષાર દેશપાંડે.

ધોની પાસે રોહિતની બરોબરી કરવાની તક

ધોનીની વાત કરીએ તો તેણે કોઈને કંઈ સાબિત કરવાની જરૂર નથી. તેની ગણતરી ક્રિકેટના મહાન કેપ્ટનોમાં થાય છે. ધોની તેની કારકિર્દીના અંતિમ તબક્કામાં છે. એવું માનવામાં આવે છે કે આ તેની છેલ્લી સીઝન છે. તે તેની અંતિમ આઈપીએલ સીઝનમાં ટ્રોફીની જીત સાથે વિદાય કરવા માંગશે. જો ધોની આ વખતે ચેન્નઈને ચેમ્પિયન બનાવશે તો તે પાંચમી વખત આઈપીએલ ટ્રોફી પોતાના નામે કરશે. તે સૌથી વધુ ટાઇટલના મામલે રોહિત શર્મા (મુંબઈ ઈન્ડિયન્સ)ની બરોબરી કરશે