મોંઘવારીનો વધુ એક ડામ, પેટ્રોલ-ડીઝલ બાદ હવે CNG-PNGના ભાવમાં વધારો

કંપનીએ પાઈપ્ડ નેચરલ ગેસના પણ મેટ્રીકમિલિયન બ્રિટીશ થર્મલ યુનિટના ભાવ 729.09થી વધારીને 762.95 કરવાનો નિર્ણય કર્યો છે.

પેટ્રોલ-ડીઝલ, ખાદ્યતેલની સાથે ગ્રાહકોના માથે હવે CNG અને રાંધણ ગેસના ભાવ વધારાનો બોજ આવ્યો છે. અદાણી ટોટલ ગેસે CNG ગેસના ભાવમાં કિલોએ 95 પૈસા અને PNG ગેસના ભાવમાં 1 રૂપિયા 29 પૈસાનો વધારો કર્યો છે. આ ભાવ વધારાને કારણે અમદાવાદ, ખેડા, બરવાળા, સુરેંદ્રનગરના અદાણી ગેસના કાર્યક્ષેત્ર હેઠળના વિસ્તારોમાં CNGના કિલોદીઠ ભાવ વધીને 54 રૂપિયા 95 પૈસા થયો. તો પીએનજીનો ભાવ 29 રૂપિયા 6 પૈસા થયો છે. કંપનીએ પાઈપ્ડ નેચરલ ગેસના પણ મેટ્રીકમિલિયન બ્રિટીશ થર્મલ યુનિટના ભાવ 729.09થી વધારીને 762.95 કરવાનો નિર્ણય કર્યો છે. બે મહિને 2.29 એમએમબીટીયું પીએનજીનો વપરાશ કરનારા પાસેથી આ ભાવથી બિલ વસૂલવામાં આવશે. તો બે મહિનામાં 2.29 એમએમબીટીયુથી વધારે ગેસનો વપરાશ કરનારાઓ પાસેથી પીએનજીનો દર વધારીને 915.55 કરી દેવામાં આવ્યો છે. આ પહેલા એક એમએમબીટીયુનો ભાવ 874.91 હતો.

રાજ્યમાં CNGના 4 લાખ અને PNGના 10 લાખ ગ્રાહકોને માથે આ ભાવ વધારાનો બોજ વધશે.