Go First Flights: ફરીથી ક્યારે શરૂ થશે ગો ફર્સ્ટની ફ્લાઇટ્સ? DGCAને કંપનીએ આપ્યો આ જવાબ

નોંધનીય છે કે ગત સપ્તાહથી સમાચાર આવી રહ્યા હતા કે કંપની 27 મેથી 20 એરક્રાફ્ટ સાથે તેનું ફ્લાઈટ ઓપરેશન શરૂ કરી શકે છે

ફાઇલ તસવીર

Go First Flights Operations: ગો ફર્સ્ટ એ 3 મે, 2023 ના રોજ નબળી નાણાકીય સ્થિતિને કારણે તેની ફ્લાઇટ્સનું સંચાલન બંધ કરી દીધું હતું. ત્યારથી કંપની દ્વારા ફરીથી ફ્લાઈટ શરૂ કરવાને લઇને સતત અટકળો કરવામાં આવી રહી છે. GoFirst એ એવિએશન રેગ્યુલેટર ડિરેક્ટોરેટ જનરલ ઓફ સિવિલ એવિએશનને જાણ કરી છે કે તેઓએ ઓપરેટીંગ ફ્લાઈટ્સ શરૂ કરવા માટે કોઈ તારીખ નક્કી કરી નથી. આ સાથે મંગળવારે એરલાઈન્સના સસ્પેન્ડેડ બોર્ડે ચાર એરક્રાફ્ટ ભાડે આપતી કંપનીઓ વિરુદ્ધ સુપ્રીમ કોર્ટમાં અરજી દાખલ કરી છે.

કંપનીએ કોઈ સમયમર્યાદા નક્કી કરી નથી

ગો ફર્સ્ટ ક્રાઈસિસ દ્વારા DGCAને આપવામાં આવેલી માહિતી અનુસાર, હાલમાં એરલાઈન્સે તેમની ફ્લાઈટ ઓપરેશન શરૂ કરવા માટે કોઈ સમયમર્યાદા નક્કી કરી નથી. નોંધનીય છે કે ગત સપ્તાહથી સમાચાર આવી રહ્યા હતા કે કંપની 27 મેથી 20 એરક્રાફ્ટ સાથે તેનું ફ્લાઈટ ઓપરેશન શરૂ કરી શકે છે, પરંતુ હવે એરલાઈન્સના આ નિવેદન બાદ કંપનીના વિમાનો ઉડાણ ભરે તેવી કોઇ શક્યતા નથી.

નેશનલ કંપની લો અપિલેટ ટ્રિબ્યુનલ (એનસીએલએટી) એ સોમવારે જણાવ્યું હતું કે ગોફર્સ્ટ એરલાઇન્સ સામે નાદારી રીઝોલ્યુશનની કાર્યવાહી ચાલુ રાખવામાં આવશે. ત્યારબાદ એરક્રાફ્ટ ભાડે લેનારાઓના તેમના પ્લેન પાછા મેળવવાના પ્રયાસોને ફટકો લાગશે. ચાર એરક્રાફ્ટ લીઝિંગ કંપનીઓ SMBC એવિએશન કેપિટલ લિમિટેડ, GY Aviash, SFV એરક્રાફ્ટ હોલ્ડિંગ્સ અને એન્જિન લીઝિંગ ફાઇનાન્સ BV છે. આ ચારમાંથી કુલ 22 એરક્રાફ્ટ વાડિયા ગ્રુપ પાસે છે.

ફ્લાઇટ ઓપરેશન 3 મેથી બંધ છે

સ્થાનિક બજારમાં સસ્તી હવાઈ સેવાઓ પૂરી પાડતી સૌથી મોટી કંપનીઓમાંની એક GoFirst છે. એરલાઇન્સ લાંબા સમયથી ખરાબ આર્થિક તબક્કામાંથી પસાર થઈ રહી હતી.  ત્યારબાદ કંપનીએ 3 મેના રોજ તેની ફ્લાઈટ સેવાઓ બંધ કરી દીધી હતી. આ સાથે નેશનલ કંપની લો ટ્રિબ્યુનલ (NCLT)નો સંપર્ક કરી તેણે નાદારી માટે અરજી કરી હતી. પરંતુ DGCAને આપવામાં આવેલા નિવેદન બાદ સ્પષ્ટ થઈ ગયું છે કે હાલમાં કંપનીએ ફ્લાઈટ્સના સંચાલનને લઈને કોઈ નિર્ણય લીધો નથી.

મૂડીઝે કહ્યું - ભારતીય અર્થતંત્ર 2022 માં $3.5 ટ્રિલિયનને પાર કરશે, પરંતુ અમલદારશાહીની લેટલતીફી એક મોટો પડકાર

India GDP Data: ભારતીય અર્થતંત્ર માટે સારા સમાચાર છે. વર્ષ 2022 માં, ભારતનો જીડીપી 3.5 ટ્રિલિયન ડોલરથી વધુ રહ્યો છે અને આગામી પાંચ વર્ષ માટે, ભારતીય અર્થતંત્ર G20 જૂથના દેશોમાં સૌથી ઝડપથી વિકસતું અર્થતંત્ર બનવા જઈ રહ્યું છે. અમેરિકન રેટિંગ એજન્સી મૂડીઝે પોતાના રિસર્ચ રિપોર્ટમાં આ જાણકારી આપી છે.

મૂડીઝે તેના રિપોર્ટમાં ભારતીય અર્થવ્યવસ્થા સામેના પડકારોનો પણ ઉલ્લેખ કર્યો છે. તેણે પોતાના રિપોર્ટમાં કહ્યું છે કે નોકરશાહીની વિલંબની અસર ભોગવવી પડી શકે છે. આનાથી લાયસન્સ મેળવવામાં વિલંબ, બિઝનેસ શરૂ કરવાની પરવાનગીની પ્રક્રિયામાં વિલંબ તેમજ પ્રોજેક્ટમાં વિલંબને કારણે વિદેશી રોકાણમાં અડચણો આવી શકે છે, જેનાથી ફોરેન ડાયરેક્ટ ઇન્વેસ્ટમેન્ટ (FDI) ગંતવ્ય તરીકે ભારતનું આકર્ષણ ઘટે છે. રિપોર્ટમાં કહેવામાં આવ્યું છે કે સુધારાની પ્રક્રિયા અપનાવવામાં વિલંબ અને નીતિ ઘડતરમાં અવરોધ રોકાણને અસર કરી શકે છે.

નિર્ણય લેવાની પ્રક્રિયામાં સામેલ ભારતની ટોચની અમલદારશાહી ઇન્ડોનેશિયા અને વિયેતનામ જેવા ક્ષેત્રના અન્ય વિકાસશીલ દેશોની સરખામણીમાં FDI ગંતવ્ય તરીકે ભારતનું આકર્ષણ ઘટાડી શકે છે, એમ મૂડીઝ ઇન્વેસ્ટર સર્વિસે અહેવાલમાં જણાવ્યું હતું. જો કે, અહેવાલમાં જણાવાયું છે કે ભારતનું વિશાળ યુવા અને શિક્ષિત કાર્યબળ, નાના પરિવારોની વધતી સંખ્યા અને શહેરીકરણને કારણે આવાસ, સિમેન્ટ અને નવી કારની માંગ વધશે. આ સિવાય ઇન્ફ્રાસ્ટ્રક્ચર સેક્ટર પર સરકારી ખર્ચમાં વધારો થવાથી સ્ટીલ અને સિમેન્ટ બિઝનેસ અને નેટ-ઝીરો એમિશનને કારણે રિન્યુએબલ એનર્જીમાં રોકાણ વધશે