SIP Investment: SIP માં રોકાણ કરતા પહેલા જાણી લો આ વાત, નહી તો પછતાશો
IP એ એક લોકપ્રિય રોકાણ વિકલ્પ છે, પરંતુ તેના પોતાની સારી બાબતો સાથે, તેના કેટલાક ગેરફાયદા પણ છે.
SIP Investment Tips: SIP એ એક લોકપ્રિય રોકાણ વિકલ્પ છે, પરંતુ તેના પોતાની સારી બાબતો સાથે, તેના કેટલાક ગેરફાયદા પણ છે. SIP દ્વારા ભારતમાં રોકાણ ઝડપથી વધ્યું છે. AMFI ડેટા દર્શાવે છે કે સાત વર્ષ પહેલા SIP દ્વારા માસિક યોગદાન રૂ. 3 હજાર કરોડ હતું, જે હવે પ્રતિ માસ રૂ. 16 હજારને પાર કરી ગયું છે.
SIP રોકાણ માટેની લોકપ્રિય પદ્ધતિ તરીકે ઉભરી આવી છે. SIP લોકોને તેમના રોકાણનું યોગ્ય આયોજન કરવામાં મદદ કરે છે. જ્યારે તેના ઘણા ફાયદા છે, તો તેના કેટલાક ગેરફાયદા પણ છે. આ કારણોસર, દરેક વ્યક્તિએ SIP કરતા પહેલા કેટલીક બાબતો ધ્યાનમાં રાખવી જોઈએ.
સૌ પ્રથમ તમારા નાણાકીય લક્ષ્યો નક્કી કરો. આ માત્ર SIP જ નહીં પરંતુ કોઈપણ પ્રકારના રોકાણનું પ્રથમ પગલું છે. તમારો ધ્યેય લાંબા ગાળાનો છે કે ટૂંકા ગાળાનો છે તે નક્કી કરવાથી રોકાણના માધ્યમો પસંદ કરવાનું સરળ બનશે.
SIP કરતા પહેલા, તમારે જોખમ લેવાની તમારી ક્ષમતાનું મૂલ્યાંકન કરવું જોઈએ. તમે ઘણી SIP માં ઊંચું વળતર મેળવી શકો છો, પરંતુ ત્યાં જોખમ પણ વધારે છે. ઓછા જોખમવાળી યોજનાઓમાં વળતર પણ ઓછું મળે છે. SIP પોર્ટફોલિયો ડાયવર્સ હોવો જોઈએ. ડાયવર્સ પોર્ટફોલિયો જોખમ અને વળતરને સંતુલિત કરવામાં મદદ કરશે.
કોઈપણ એસઆઈપીમાં નાણાંનું રોકાણ કરતા પહેલા, યોજનાનું સંપૂર્ણ સંશોધન કરો. સ્કીમની તપાસ કરવી જેટલી મહત્વપૂર્ણ છે, તેટલું જ ફંડ હાઉસ તપાસવું પણ મહત્વપૂર્ણ છે. રોકાણની યાત્રામાં સૌથી મહત્વની વસ્તુ શિસ્ત છે. SIP ત્યારે જ અસરકારક છે જ્યારે તમે સંપૂર્ણ શિસ્ત સાથે નિયમિતપણે રોકાણ કરો.
મ્યૂચુઅલ ફંડમાં SIP રોકાણ એક સારો વિકલ્પ માનવામાં આવે છે. આ માધ્યમથી લાંબા સમયમાં તમે બજારનાં તમામ ઉતાર-ચઢાવનો ફાયદો ઊઠાવી શકો છો અને સારું રિટર્ન પણ મેળવી શકો છો. જો કે કેટલાક રોકાણકારો મ્યૂચ્યૂઅલ ફંડમાં રોકાણ દરમિયાન કેટલીક એવી ભૂલો કરે છે જેના કારણે સારું રિટર્ન નથી મેળવી શકતાં.
જો કોઈ વ્યક્તિ રિસર્ચ કર્યા વગર રોકાણ કરે છે તો SIPથી પણ તેને નુક્સાન થઈ શકે છે. કોઈપણ ફંડમાં રોકાણ કરતાં સમયે હંમેશા તેનું પાછળનાં વર્ષોમાં પ્રદર્શન, આઉટલુક અને એક્સપેન્સ રેશિયો વગેરે તપાસવું જોઈએ.
ટ્રેન્ડિંગ સમાચાર
ટોપ સ્ટોરી
