Yahoo Layoff: હવે યાહૂમાં છટણીની તૈયારી, 20 ટકાથી વધુ કર્મચારીઓને નોકરીમાંથી કાઢશે કંપની

અગાઉ ડિઝનીમાં પણ છટણીનો તબક્કો શરૂ થયો છે. કંપનીએ તેના સાત હજાર કર્મચારીઓને છૂટા કરવાનો નિર્ણય લીધો છે.

પ્રતિકાત્મક તસવીર

Yahoo Inc પર છટણી ચાલી રહી છે. એવું કહેવામાં આવી રહ્યું છે કે કંપની 20 ટકાથી વધુ કર્મચારીઓને નોકરીમાંથી કાઢી શકે છે. રિપોર્ટમાં દાવો કરવામાં આવી રહ્યો છે કે કંપની તેના એડ ટેક યુનિટના મુખ્ય પુનર્ગઠનના ભાગરૂપે આ આયોજન કરી રહી છે.

1,600 થી વધુ લોકો પ્રભાવિત થશે

જો અહેવાલો પર વિશ્વાસ કરવામાં આવે તો કંપની આ એકમમાંથી તેના કુલ કર્મચારીઓમાંથી 20 ટકાથી વધુ કર્મચારીઓને નોકરીમાંથી કાઢી મુકશે. રિપોર્ટ અનુસાર, આ છટણી યાહૂના એડ ટેક કર્મચારીઓના 50 ટકા થી વધુને અસર કરશે. તેનાથી 1,600 થી વધુ લોકોને અસર થશે.

પહેલા એક હજાર કર્મચારીઓને અસર થશે

આ પહેલા ગુરુવારે યાહૂમાં કામ કરતા કર્મચારીઓને કહેવામાં આવ્યું હતું કે કંપનીના 12 ટકા એટલે કે એક હજાર કર્મચારીઓને કંપનીમાંથી બહારનો રસ્તો બતાવી દેવામાં આવશે અને આગામી 6 મહિનામાં કંપની બાકીના 8 ટકા એટલે કે 600 લોકોની છટણી કરશે. એક ઈન્ટરવ્યુમાં યાહૂના સીઈઓએ કહ્યું હતું કે નોકરીમાંથી છૂટા કરવાનો નિર્ણય આર્થિક સમસ્યાઓના કારણે નથી.

ડિઝનીમાં પણ છટણીનો તબક્કો

અગાઉ ડિઝનીમાં પણ છટણીનો તબક્કો શરૂ થયો છે. કંપનીએ તેના સાત હજાર કર્મચારીઓને છૂટા કરવાનો નિર્ણય લીધો છે. કંપનીના સીઈઓ બોબ ઈગરે આ અંગે માહિતી આપી હતી. બોબે ગયા વર્ષે જ સીઈઓ તરીકેનો કાર્યભાર સંભાળ્યો છે.

ઘણી કંપનીઓએ તેમના કર્મચારીઓને કાઢી મૂક્યા છે

અમેરિકામાં ઘણી કંપનીઓએ તેમના કર્મચારીઓને નોકરીમાંથી કાઢી મૂક્યા છે. બુધવારે જ ટેક કંપની ઝૂમે તેના 1300 કર્મચારીઓને હટાવવાની જાહેરાત કરી હતી. સોમવારે, ડેલે તેના છ હજારથી વધુ કર્મચારીઓની છટણી કરવાની જાહેરાત કરી હતી.

Boeing layoff: અમેરિકાની વધુ એક મલ્ટીનેશનલ કંપનીએ છટણીની કરી જાહેરાત

Boeing layoff: વિશ્વભરની કંપનીઓમાં મંદીના ભય વચ્ચે છટણી ચાલુ છે. હવે અમેરિકન મલ્ટીનેશનલ કંપની બોઈંગ પણ પોતાના 2000 કર્મચારીઓને નોકરીમાંથી કાઢી મુકવા જઈ રહી છે. કંપની નાણા અને માનવ સંસાધન વિભાગમાં કેટલાક કર્મચારીઓની છટણી કરવાની પ્રક્રિયામાં છે. "આ વર્ષે અંદાજે 2,000 નોકરીઓમાં ઘટાડો થવાની ધારણા છે, મુખ્યત્વે ફાઇનાન્સ અને માનવ સંસાધનોમાં. નોકરીમાં કાપ એ એટ્રિશન અને છટણીનો ભાગ હશે," કંપનીએ સોમવારે એક અહેવાલમાં પુષ્ટિ કરી હતી.

તાજેતરમાં કંપનીએ તેનું હેડક્વાર્ટર આર્લિંગ્ટન, વર્જિનિયામાં ખસેડ્યું છે. ગયા મહિને જ કંપનીએ જણાવ્યું હતું કે 2022માં 15,000 લોકોની ભરતી કર્યા પછી, 2023માં 10,000 કર્મચારીઓની ભરતી કરવાની યોજના છે. કંપનીએ કહ્યું કે કેટલાક આસિસ્ટન્ટ પદો પર કાપ મૂકવામાં આવશે. બોઇંગે એ પણ પુષ્ટિ કરી છે કે તે તેમાંથી ત્રીજા ભાગની નોકરીઓ ભારતમાં ટાટા કન્સલ્ટિંગ સર્વિસીસ (TCS) ને આઉટસોર્સિંગ કરી રહી છે. આજે, યુએસ માર્કેટમાં બોઇંગના શેર 0.4% વધીને $206.81 પર બંધ થયા છે.

બોઇંગે સોમવારે જણાવ્યું હતું કે કંપની કોર્પોરેટ માળખાને સરળ બનાવવાનું ચાલુ રાખશે. ગયા મહિને, બોઇંગે કહ્યું હતું કે તે કેટલાક સપોર્ટ ફંક્શનમાં સ્ટાફ ઘટાડશે. ગયા વર્ષે, બોઇંગે જણાવ્યું હતું કે તેણે તેના કોર્પોરેટ માળખાને સરળ બનાવવા અને ઉત્પાદન અને ઉત્પાદન વિકાસ પર વધુ સંસાધનો પર ધ્યાન કેન્દ્રિત કરવા માટે યુએસમાં લગભગ 150 ફાઇનાન્સ નોકરીઓ ઘટાડવાની યોજના બનાવી છે