Manish Sisodia Arrested: સિસોદિયા સહિત AAPના 36 નેતાઓની ધરપકડનો દાવો, દિલ્લી પોલીસે આપ્યું નિવેદન
CBI Arrested Manish Sisodia: દિલ્હીના મુખ્યમંત્રી અરવિંદ કેજરીવાલની આશંકા આખરે સાચી સાબિત થઈ. ડેપ્યુટી સીએમ મનીષ સિસોદિયાની આખરે CBI દ્વારા ધરપકડ કરવામાં આવી છે.
CBI Arrested Manish Sisodia: દિલ્હીના મુખ્યમંત્રી અરવિંદ કેજરીવાલની આશંકા આખરે સાચી સાબિત થઈ. ડેપ્યુટી સીએમ મનીષ સિસોદિયાની આખરે CBI દ્વારા ધરપકડ કરવામાં આવી છે. સીબીઆઈ દ્વારા સિસોદિયાની આજે એટલે કે રવિવારે (26 ફેબ્રુઆરી) સાંજે ધરપકડ કરવામાં આવી છે. હવે સોમવારે (27 ફેબ્રુઆરી) સવારે તેનું મેડિકલ ચેકઅપ કરીને કોર્ટમાં રજૂ કરવામાં આવશે. સીબીઆઈ કોર્ટ પાસે પૂછપરછ માટે સિસોદિયાને કસ્ટડીમાં મોકલવાની માંગ કરશે.
दिल्ली पुलिस ने मुझे , मंत्री गोपाल राय जी को विधायक ऋतुराज झा, दिनेश मोहनिया , रोहित मेहरौलिया , आदिल खान समेत कई पार्षदों और कार्यकर्ताओं के साथ फतेहपुर बेरी थाने में गिरफ्तार कर लिया है ।
— Sanjay Singh AAP (@SanjayAzadSln) February 26, 2023
न डरेंगे , न झुकेंगे , लड़ते रहेंगे ।#ModiFearsKejriwal pic.twitter.com/JdJzXixA29
બીજી તરફ આમ આદમી પાર્ટીએ દાવો કર્યો છે કે સિસોદિયા સિવાય પાર્ટીના અન્ય ઘણા મોટા નેતાઓની ધરપકડ કરવામાં આવી છે. જેમાં દિલ્હી સરકારમાં મંત્રી ગોપાલ રાય, રાજ્યસભાના સાંસદ સંજય સિંહ, ધારાસભ્ય રોહિત કુમાર મેહરોલિયા અને સંગમ વિહારના ધારાસભ્ય દિનેશ મોહનિયાનો સમાવેશ થાય છે. આ દાવો ખુદ સંજય સિંહે કર્યો છે. તેણે ટ્વીટ કરીને આ અંગેની માહિતી આપી છે.
સંજય સિંહનો દાવો- ઘણા નેતાઓની ધરપકડ
સંજય સિંહે પણ ટ્વીટ કરીને દાવો કર્યો કે, દિલ્હી પોલીસે મારી, મંત્રી ગોપાલ રાય જી, ધારાસભ્યો ઋતુરાજ ઝા, દિનેશ મોહનિયા, રોહિત મેહરૌલિયા, આદિલ ખાન સહિત ઘણા કાઉન્સિલરો અને કાર્યકરોની ફતેહપુર બેરી પોલીસ સ્ટેશનમાં ધરપકડ કરી છે. તેણે પોતાના ટ્વિટમાં આગળ લખ્યું, "ન તો અમે ડરીશું, ન ઝુકીશું, અમે લડીશું." જણાવી દઈએ કે આ તમામ નેતાઓ સિસોદિયાની સીબીઆઈ તપાસનો વિરોધ કરી રહ્યા હતા અને સીબીઆઈ હેડક્વાર્ટર પાસે ધરણા પર બેઠા હતા.
દિલ્હી પોલીસે એક નિવેદન બહાર પાડ્યું છે
દિલ્હી પોલીસે AAP સાંસદ સંજય સિંહના દાવાને નકારી કાઢ્યો છે. દિલ્હી પોલીસે એક નિવેદન જારી કરીને કહ્યું કે, અત્યાર સુધી કોઈ ધરપકડ થઈ નથી. પોલીસે વધુમાં જણાવ્યું હતું કે, "કોઈને પણ કાયદો અને વ્યવસ્થામાં ખલેલ પહોંચાડવાની મંજૂરી આપવામાં આવશે નહીં. પરિસ્થિતિના આધારે, તેમને 24 કલાક સુધી કસ્ટડીમાં રાખવામાં આવી શકે છે. ડીસીપી દક્ષિણે જણાવ્યું હતું કે, કોઈ ધરપકડ થઈ નથી.
ટોપ સ્ટોરી
ટ્રેન્ડિંગ સમાચાર
