Chandrayaan 3: ઇસરોએ ચંદ્રયાન-3ના પ્રક્ષેપણની ડેટ બદલી, 13 જુલાઇના બદલે આ તારીખે કરાશે લૉન્ચ, જાણો
ભારતની મહત્વકાંક્ષી અભિયાન ચંદ્રયાન 3ને લઇને મોટુ અપડેટ સામે આવ્યુ છે
Chandrayaan 3 Launch: ભારતની મહત્વકાંક્ષી અભિયાન ચંદ્રયાન 3ને લઇને મોટુ અપડેટ સામે આવ્યુ છે. ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) એ ચંદ્રયાન-3ની પ્રક્ષેપણની તારીખ બદલીને 14 જુલાઈ કરી છે. અગાઉ ચંદ્રયાન-3નું પ્રક્ષેપણ 13 જુલાઈએ થવાનું હતું, પરંતુ હવે આ લૉન્ચ ડેટમાં ફેરફાર કરવામાં આવી છે, આને હવે બદલીને 14 જુલાઈ કરવામાં આવી છે, ઈસરોએ પોતાના ઓફિશિયલ ટ્વીટર પર આની જાહેરાત કરી છે. ચંદ્રયાન-3 એ ચંદ્રયાન-2નું અનુગામી મિશન છે, આને આંધ્રપ્રદેશના શ્રીહરિકોટાના સતીશ ધવન સ્પેસ સેન્ટરથી 14 જુલાઈના રોજ બપોરે 2:35 વાગે લૉન્ચ કરવામાં આવશે.
Announcing the launch of Chandrayaan-3:
🚀LVM3-M4/Chandrayaan-3 🛰️Mission:
The launch is now scheduled for
📆July 14, 2023, at 2:35 pm IST
from SDSC, Sriharikota
Stay tuned for the updates!— ISRO (@isro) July 6, 2023
-
આ વખતે ઘણા સુધારા કરવામાં આવ્યા છે
અધિકારીઓના જણાવ્યા અનુસાર આ વખતે ઈસરોએ મિશનની સફળતાની ખાતરી આપવા માટે ઘણા સુધારા કર્યા છે. ચંદ્રયાન-2ની જેમ ચંદ્રયાન-3 પણ એક લેન્ડર રોવર મોકલવામાં આવશે. પરંતુ તે ઓર્બિટર મોકલશે નહીં. લેન્ડર અને રોવરને પ્રોપલ્શન મોડ્યુલ દ્વારા મોકલવામાં આવશે. મિશનના હેબિટેબલ પ્લેનેટ અર્થ (SHAPE) પેલોડની સ્પેક્ટ્રો-પોલરીમેટ્રી પણ મહત્વપૂર્ણ હશે કારણ કે સાધન ચંદ્રની ભ્રમણકક્ષામાંથી પૃથ્વીના વર્ણપટ અને ધ્રુવીય રીડિંગ્સનું વિશ્લેષણ કરશે. આનાથી આપણા વૈજ્ઞાનિકોને આપણા ગ્રહ વિશે મહત્વપૂર્ણ માહિતી મળશે.
શું છે ચંદ્રયાન-3 ?
ISRO ચંદ્રયાન મિશન હેઠળ ચંદ્રનો અભ્યાસ કરવા માંગે છે. ભારતે 2008માં પ્રથમ વખત ચંદ્રયાન-1 સફળતાપૂર્વક લોન્ચ કર્યું હતું. ત્યાર બાદ ભારત 2019માં ચંદ્રયાન-2ના પ્રક્ષેપણમાં નિષ્ફળ રહ્યું હતું. હવે ભારત ચંદ્રયાન-3 લોન્ચ કરીને ઈતિહાસ રચવાનો પ્રયાસ કરી રહ્યું છે. તેને શ્રીહરિકોટાના સતીશ ધવન સ્પેસ સેન્ટરથી લોન્ચ કરવામાં આવશે. ચંદ્રયાન-3ના ત્રણ ભાગ - પ્રોપલ્શન મોડ્યુલ, લેન્ડર મોડ્યુલ અને રોવર તૈયાર કરવામાં આવ્યા છે. જેને ટેક્નિકલ ભાષામાં મોડ્યુલ કહેવામાં આવે છે.
ચંદ્રયાન-3 દક્ષિણ ધ્રુવ પર ઉતરશે
ચંદ્રયાન-3ને ચંદ્રના દક્ષિણ ધ્રુવ પર લેન્ડ કરવામાં આવશે. આ મિશનને સફળતાપૂર્વક પૂર્ણ કરવા માટે તેમાં ઘણા વધારાના સેન્સર ઉમેરવામાં આવ્યા છે. તેની ઝડપ માપવા માટે તેમાં 'લેઝર ડોપ્લર વેલોસિમીટર' સિસ્ટમ લગાવવામાં આવી છે.
તમામ ટેસ્ટિંગમાં થયું પાસ
CE-20 ક્રાયોજેનિક એન્જિન, જે ચંદ્રયાન-3 મિશનના પ્રક્ષેપણ વાહનના ક્રાયોજેનિક ઉપલા તબક્કાને વેગ આપે છે, તે ઉડાન તાપમાન પરીક્ષણમાં પણ સફળ રહ્યું હતું. આ પહેલા, લેન્ડરનું પરીક્ષણ EMI/EMC પણ સફળતાપૂર્વક પૂર્ણ થયું હતું.
Join Our Official Telegram Channel:- https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
