Ideas of India: શું ભાજપ લોકસભા ચૂંટણીમાં જીતશે 300 બેઠક, કૉંગ્રેસ નેતા શશિ થરુરે આપ્યો આ જવાબ
એબીપી નેટવર્કના ખાસ કાર્યક્રમ 'આઈડિયાઝ ઓફ ઈન્ડિયા સમિટ 2024'માં કોંગ્રેસ નેતા શશિ થરૂરે આગામી લોકસભા ચૂંટણી સહિત અનેક મુદ્દાઓ પર વાત કરી.
Ideas of India Summit 2024: એબીપી નેટવર્કના ખાસ કાર્યક્રમ 'આઈડિયાઝ ઓફ ઈન્ડિયા સમિટ 2024'માં કોંગ્રેસ નેતા શશિ થરૂરે આગામી લોકસભા ચૂંટણી સહિત અનેક મુદ્દાઓ પર વાત કરી. દરમિયાન બીજેપી નેતા વિનય સહસ્ત્રબુદ્ધેએ દાવો કર્યો હતો કે પાર્ટી લોકસભા ચૂંટણીમાં 300 સીટો જીતશે.
કોંગ્રેસ નેતા શશિ થરૂરે વિનય સહસ્ત્રબુદ્ધેના 300 બેઠકો જીતવાના દાવા પર કહ્યું કે તેમાં શંકા છે. 2019ની લોકસભા ચૂંટણીમાં ભાજપે હરિયાણા અને રાજસ્થાનની તમામ સીટો જીતી હતી. બિહાર અને મહારાષ્ટ્રમાં મોટાભાગની સીટો જીતી. આવી સ્થિતિમાં ભાજપ માટે આ વખતે તેનું પુનરાવર્તન કરવું મુશ્કેલ છે.
થરૂરના નિવેદનનો વિરોધ કરતા ભાજપના નેતા વિનય સહસ્ત્રબુદ્ધેએ કહ્યું, "કલ્પનાની કોઈ સીમા નથી. મને એ વાતથી કોઈ વાંધો નથી કે તે (શશિ થરૂર) આવું અનુભવે છે. ભારતના લોકો દેશને વિકસિત ભારતમાં બદલવા માંગે છે.
શશિ થરૂરે શું કહ્યું ?
કોંગ્રેસ નેતા શશિ થરૂરે કહ્યું કે આપણે બધા ઇચ્છીએ છીએ કે ભારતનો વિકાસ થાય. યુવાનોએ રોજગાર મળવાની આશાએ વડાપ્રધાન નરેન્દ્ર મોદીને બે વખત મત આપ્યા, જો યુવાનો પાસે હજુ પણ નોકરી નથી તો તેઓ ફરી પીએમ મોદીને કેમ વોટ આપશે.
बीजेपी या कांग्रेस: आम चुनाव में कौन जीतेगा?@ShashiTharoor | @virsanghvi | @Vinay1011
— ABP News (@ABPNews) February 23, 2024
यहां देखें : https://t.co/wFwgG83GQE #ABPIdeasOfIndiaSummit #ABPIdeasOfIndia pic.twitter.com/JT6mHnocGL
ભાજપે જવાબ આપ્યો
વિનય સહસ્ત્રબુદ્ધેએ થરૂરના નિવેદન પર કહ્યું, "અમે સ્ટાર્ટઅપ માટે ઘણી તકો પૂરી પાડી છે. મને કહો કે મુદ્રા જેવી યોજના પહેલા ક્યાં હતી ? અગાઉની સરકારોએ આની કલ્પના કેમ ન કરી? મને કહો કે શા માટે આપણે બધા વિશ્વકર્માઓની અવગણના કરીએ છીએ? ગઈકાલે જ વિશ્વકર્મા જયંતિ હતી અને અમે તેની ઉજવણી કરી. અમે વ્યવહારીક રીતે સમાજના દરેક અન્ય વર્ગનું ધ્યાન રાખ્યું છે.
શશિ થરૂરે સ્ટાર્ટઅપ પર આ વાત કહી
કોંગ્રેસના સાંસદ શશિ થરૂરે કહ્યું કે, કેટલા લોકોએ સ્ટાર્ટઅપ શરૂ કર્યા છે ? અને તમે જાણો છો કે, સ્ટાર્ટઅપ્સે છેલ્લા 2 વર્ષમાં જે લોકોને નોકરી પર રાખ્યા હતા. તેના કરતાં વધુ લોકોને નોકરીમાંથી કાઢી મૂક્યા છે. સ્ટાર્ટઅપ્સના ફંડિંગમાં પણ ભારે ઘટાડો થયો છે...”
ટ્રેન્ડિંગ સમાચાર
ટોપ સ્ટોરી
