News: સીમા હૈદરની મોટી પોલ ખુલી, ATSએ અંગ્રેજી વાંચવાનું કહ્યું તો થયું એવું કે અધિકારીઓ ચોંક્યા.....

સીમા હૈદરે દાવો કર્યો હતો કે તેને સચિન મીના સાથે નેપાળના પ્રાચીન પશુપતિનાથ મંદિરમાં લગ્ન કર્યા હતા

તસવીર (સોશ્યલ મીડિયા પરથી....)

Pakistani Woman Seema Haider: ગેરકાયદેસર રીતે ભારતમાં ઘૂસેલી પાકિસ્તાનની મહિલા સીમા હૈદર પર સુરક્ષા એજન્સીઓએ શિકંજો કરવાનું શરૂ કરી દીધુ છે. સુરક્ષા એજન્સીઓની શંકા સીમા હૈદર પર હવે વધુને વધુ ઘેરી બની રહી છે. સીમાએ યુપી એટીએસને આપેલી તમામ માહિતીમાં ગેરરીતિઓ અને કૌભાંડો સામે આવ્યા છે. દરમિયાન સીમાની પૂછપરછ દરમિયાન તેના શાનદાર અંગ્રેજીએ પોલીસના કાન આમળ્યા છે. સૂત્રોના જણાવ્યા અનુસાર તપાસ દરમિયાન સીમા હૈદરને અંગ્રેજીની કેટલીક લાઈન વાંચવા માટે કહેવામાં આવ્યુ હતુ, જેને સીમા હૈદરે કોઈપણ પ્રકારની ભૂલ કર્યા વિના ખૂબ જ આસાનીથી અંગ્રેજી વાંચી લીધુ હતુ. ખાસ વાત એ છે કે, સીમા પોતાને અભણ બતાવી રહી છે, આવામાં તપાસ એજન્સીને પણ આશ્ચર્ય થાય છે કે એક અભણ મહિલા આટલું સારું અંગ્રેજી કેવી રીતે વાંચી શકે છે.

સીમા હૈદરે દાવો કર્યો હતો કે તેને સચિન મીના સાથે નેપાળના પ્રાચીન પશુપતિનાથ મંદિરમાં લગ્ન કર્યા હતા. જ્યારે આ અંગે તપાસ કરવામાં આવી તો હૉટલના રજિસ્ટરમાં સીમા અને સચિન નામના કપલના લગ્ન અંગે કોઈ પુરાવા મળ્યા નથી. પોલીસનું એમ પણ કહેવું છે કે PUBG ગેમ દ્વારા સીમા ભારતમાં અન્ય ઘણા લોકોના સંપર્કમાં પણ હતી. ખાસ વાત એ છે કે સીમાના મોટાભાગના મિત્રો દિલ્હી-એનસીઆરના જ છે. આ જ કારણ છે કે યુપી એટીએસની શંકા તેના વધુ ઘેરાઇ રહી છે. 

નકલી નામ અને સરનામા પર નેપાળમાં 7 દિવસ રોકાઇ -
ઉત્તર પ્રદેશ પોલીસે બુધવારે એક નિવેદનમાં જણાવ્યું કે કેવી રીતે સીમા હૈદરે જાન્યુઆરી 2022ની શરૂઆતમાં ભારતમાં પ્રવેશવાની યોજના બનાવી હતી. આ વર્ષે માર્ચમાં તે નેપાળની રાજધાની કાઠમંડુની એક હૉટલમાં સચિન મીનાને મળી હતી અને ત્યાં ખોટા નામથી સાત દિવસ વિતાવ્યા હતા. ત્યારપછી મે મહિનામાં સીમા હૈદરે ટૂરિસ્ટ વિઝા મેળવ્યા અને કરાચીથી દુબઈ અને પછી કાઠમંડુ ગયા. તે સચિન સાથે લખનઉ, આગ્રા અને પછી ગ્રેટર નોઈડા પહોંચી, જ્યાં મીનાએ રબુપુરા વિસ્તારમાં ભાડે રૂમ લીધો હતો.

સીમાએ પ્રીતી નામ બતાવીને ભારતમાં કરી હતી એન્ટ્રી - 
એક ટીવી ચેનલમાં ચાલી રહેલા સમાચાર મુજબ સીમા હૈદર ભારતમાં પ્રવેશવા માટે નેપાળના પોખરાથી ગ્રેટર નોઈડા જવા માટે બસમાં ચડી હતી. આ પ્રવાસ દરમિયાન સીમાએ પોતાનું નામ પ્રીતિ જાહેર કર્યું હતું. નવાઈની વાત એ હતી કે તે પોતાને ભારતીય કહેતી હતી, આ દરમિયાન તેને ભારતનું આધાર કાર્ડ હોવાનો દાવો પણ કર્યો હતો, મતલબ કે તેને પોતાનું નામ બદલીને ભારતમાં પ્રવેશ કર્યો હતો.

સીમા હૈદરની પાસે ભારતનું આધાર કાર્ડ ?
મીડિયા રિપોર્ટ્સ અનુસાર, નેપાળથી ગ્રેટર નોઈડા આવતી બસ સર્વિસના મેનેજર પ્રસન્ના ગૌતમે જણાવ્યું કે તેને પ્રીતિ તરીકે ચાર સીટ બુક કરાવી છે. તેને આ ચારેય સીટો તેના ચાર બાળકો માટે બુક કરાવી હતી. જ્યારે બસ સર્વિસના કર્મચારીઓએ તેને તેનું આઈડી પૂછ્યું ત્યારે સીમાએ વિશ્વાસપૂર્વક કહ્યું કે તે ભારતીય છે અને તેની પાસે ભારતીય આધાર કાર્ડ પણ છે, એટલું જ નહીં તેની પાસે નેપાળી ચલણ હતું જે તેને બસના ભાડા માટે આપ્યું હતું. જોકે, જ્યારે ભાડું ઓછું હતું, ત્યારે તેને તેના મિત્ર સચિન મીનાને ઓનલાઈન એટલે કે UPIA કરાવ્યું.

કાઠમંડૂની હૉટલમાં 7 દિવસ સુધી રોકાયા સીમા હૈદર અને સચિન મીના 
વળી, પૂછપરછ દરમિયાન જાણવા મળ્યું છે કે સીમા અને સચિન નેપાળમાં કાઠમંડુની ન્યૂ વિનાયક રૉલ્પા હૉટલમાં 7 દિવસ રોકાયા હતા. બંનેએ 10 થી 17 માર્ચ સુધી હૉટલનો રૂમ નંબર 204 બુક કરાવ્યો હતો. તે જે હૉટલમાં રોકાયા હતા, તેનું ભાડું 500 રૂપિયા હતું. જેમને બુક કરાવવા માટે સચિન પહેલા પહોંચ્યો હતો. પરંતુ થોડા સમય બાદ સીમા ત્યાં પહોંચી ગઈ હતી. બંનેએ જણાવ્યું હતું કે તેઓ ભારતના રહેવાસી છે અને બંને પતિ-પત્ની છે.

Join Our Official Telegram Channel: https://t.me/abpasmitaofficial