Yogi Govt 2.0: યોગી સરકારના બીજા કાર્યકાળનો એક મહિનો પૂર્ણ, જાણો CM યોગી આદિત્યનાથે લીધેલા 10 મોટા નિર્ણયો
Yogi Adityanath : બરાબર એક મહિના પહેલા 25 માર્ચે યોગી આદિત્યનાથે લખનૌના અટલ બિહારી વાજપેયી ઇકાના સ્ટેડિયમમાં સતત બીજી વખત મુખ્યમંત્રી તરીકે શપથ લીધા હતા.
Uttar Pradesh : બરાબર એક મહિના પહેલા 25 માર્ચે, યોગી આદિત્યનાથે લખનૌના અટલ બિહારી વાજપેયી એકના સ્ટેડિયમમાં સતત બીજી વખત મુખ્યમંત્રી તરીકે શપથ લીધા હતા. આ સાથે, એક રેકોર્ડ તોડી નાખ્યો કે કે કોઈ પણ પક્ષ આગામી ટર્મમાં સત્તામાં પાછો ફર્યો નથી. હવે પાર્ટી સમક્ષ આગામી પડકાર આગામી એક વર્ષ પછી યોજાનાર લોકસભા ચૂંટણીમાં આ ઈતિહાસનું પુનરાવર્તન કરવાનો છે.
એક જૂની કહેવત છે કે દિલ્હીમાં સત્તાનો રસ્તો લખનૌમાંથી પસાર થાય છે. તેથી સીએમ યોગી હવે પીએમ મોદી માટે આ જ માર્ગને સુધારવા માટે કામ કરી રહ્યા છે. શરૂઆત સારી હોય તો લક્ષ્ય આસાન બની જાય છે. યોગી સરકારના બીજા કાર્યકાળનો એક મહિનો પૂર્ણ થયૉ છે, આ દરમિયાન આ મોટા નિર્ણયો લેવામાં આવ્યાં છે :
1) યોગી સરકાર 2.0 ની પ્રથમ કેબિનેટનો પ્રથમ મોટો નિર્ણય મફત રાશન યોજનાને ત્રણ મહિના માટે લંબાવવાનો હતો. આ યોજના હેઠળ 15 કરોડ લોકોને આગળ પણ રાશન મળતું રહેશે.
2) સીએમ યોગીની સૂચના પર સરકાર દ્વારા પોલીસ દળ માટે 86 ગેઝેટેડ અને 5295 નોન-ગેઝેટેડ પોસ્ટને મંજૂરી આપવામાં આવી છે.
3) ગ્લોબલ ઈન્વેસ્ટર સમિટ બે વર્ષમાં રૂ. 10 લાખ કરોડના રોકાણના લક્ષ્ય સાથે ફરીથી યોજાશે. યુપી સરકાર રાજ્યમાં ઔદ્યોગિક રોકાણને પ્રોત્સાહન આપવા માટે મોટી છલાંગ લગાવવાની તૈયારી કરી રહી છે.
4) મુખ્યમંત્રીના નિવાસસ્થાને 'જનતા દર્શન' ફરી શરૂ, મંત્રીની હાજરીમાં સરકાર દ્વારા લોકોની રોજબરોજની સમસ્યાઓના નિરાકરણ માટે સૂચનાઓ આપવામાં આવી હતી. આ ઉપરાંત, સોનભદ્ર ડીએમ તેમજ ગાઝિયાબાદ એસએસપીને જાહેર સમસ્યાઓ, બેદરકારી અને ભ્રષ્ટાચાર માટે સસ્પેન્ડ કરવામાં આવ્યા હતા, જ્યારે ઔરૈયા ડીએમને બેદરકારી અને ભ્રષ્ટાચારના આરોપો માટે સસ્પેન્ડ કરવામાં આવ્યા હતા.
5) યોગી સરકાર દ્વારા તેના બીજા કાર્યકાળમાં ઓછા સાક્ષરતા દર ધરાવતા જિલ્લાઓ પર વિશેષ ધ્યાન કેન્દ્રિત કરીને 'સ્કૂલ ચલો અભિયાન' શરૂ કરવામાં આવ્યું હતું. યુવાનોને 9.74 લાખ ટેબલેટ અને સ્માર્ટફોન આપવાની પ્રક્રિયા પણ શરૂ કરવામાં આવી છે.
6) રાજ્યમાં હોમગાર્ડની 20 ટકા જગ્યાઓ માટે મહિલાઓની ભરતી થશે, 100 દિવસમાં પ્રક્રિયા શરૂ થશે.આયુષ્યમાન ભારત યોજના હેઠળ મહિલાઓ અને પુરુષોને સ્વાસ્થ્ય વીમો મળશે.
7) આગામી પાંચ વર્ષમાં રાજ્યમાં મેડિકલ પ્રોફેશનલ સીટો બમણી કરવામાં આવશે. પાંચ વર્ષમાં MBBS માટે 7000,PG માટે 3000, નર્સિંગમાં 14,500 અને પેરામેડિકલની 3,600 બેઠકો વધારવામાં આવશે.
8) રાજ્યમાં હવે નવા સ્થળોએ માઇક અને લાઉડસ્પીકરને મંજૂરી નથી.
9) છેલ્લા 20 દિવસમાં 100થી વધુ ગુનેગારો અને માફિયાઓની મિલકતો બુલડોઝર વડે તોડી પાડવામાં આવી હતી.
10) તમામ મંત્રાલયોને એક મહિનામાં આગામી 3 મહિના, 6 મહિના અને 5 વર્ષનો રોડમેપ તૈયાર કરવા માટે કહેવામાં આવ્યું હતું.
ટોપ સ્ટોરી
ટ્રેન્ડિંગ સમાચાર
