મ્યાનમાર બાદ જાપાનમાં ભૂકંપના ઝટકા, ઘરમાંથી બહાર નિકળી ભાગ્યા લોકો
જાપાનના ક્યૂશૂ ટાપુમાં ભૂકંપના જોરદાર આંચકા અનુભવાયા હતા. નેશનલ સિસ્મોલોજિકલ સેન્ટર અનુસાર, બુધવારે (2 એપ્રિલ, 2025) જાપાનના ક્યૂશૂમાં રિક્ટર સ્કેલ પર 6.0ની તીવ્રતાનો ભૂકંપ આવ્યો હતો.
Earthquake In Japan: જાપાનના ક્યૂશૂ ટાપુમાં ભૂકંપના જોરદાર આંચકા અનુભવાયા હતા. નેશનલ સિસ્મોલોજિકલ સેન્ટર અનુસાર, બુધવારે (2 એપ્રિલ, 2025) જાપાનના ક્યૂશૂમાં રિક્ટર સ્કેલ પર 6.0ની તીવ્રતાનો ભૂકંપ આવ્યો હતો. ભૂકંપના આંચકાથી ગભરાઈને લોકો પોતાના ઘરો અને ઈમારતોમાંથી બહાર આવી ગયા હતા. હાલ કોઈ મોટી નુકશાનીના સમાચાર નથી.
લોકોએ કેટલીક સેકન્ડો સુધી ભૂકંપના આંચકા અનુભવ્યા હતા
ભૂકંપનું કેન્દ્ર ક્યૂશૂના દક્ષિણ વિસ્તારમાં હતું. ત્યાંના લોકોએ કેટલીક સેકન્ડો સુધી ભૂકંપના આંચકા અનુભવ્યા હતા. જોકે, જાપાનના હવામાન વિભાગના જણાવ્યા અનુસાર ભૂકંપ બાદ સુનામીને લઈને કોઈ એલર્ટ જારી કરવામાં આવ્યું નથી. જાપાન પેસિફિક રિંગ ઓફ ફાયર તરીકે ઓળખાતા ભૂકંપની સંભાવનાવાળા વિસ્તારમાં સ્થિત છે.
EQ of M: 6.0, On: 02/04/2025 19:34:00 IST, Lat: 31.09 N, Long: 131.47 E, Depth: 30 Km, Location: Kyushu, Japan.
— National Center for Seismology (@NCS_Earthquake) April 2, 2025
For more information Download the BhooKamp App https://t.co/5gCOtjcVGs @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/FmxYcrJlHW
સમાચાર એજન્સી એએફપીના અહેવાલ મુજબ, તાજેતરમાં જ જાપાન સરકારે એક ડેટા જાહેર કર્યો હતો, જેમાં એ વાત સામે આવી હતી કે જાપાનમાં ભૂકંપના જોરદાર આંચકા અનુભવાઈ શકે છે. એવું પણ જણાવવામાં આવ્યું હતું કે આ ભૂકંપ જાપાનમાં વિનાશ વેરશે, જેમાં 298,000 લોકો મૃત્યુ પામી શકે છે.
મ્યાનમારમાં ભૂકંપના કારણે તબાહી સર્જાઈ હતી
ગયા અઠવાડિયે મ્યાનમાર અને થાઈલેન્ડની રાજધાની બેંગકોકમાં આવેલા ભૂકંપના કારણે ઘણી તબાહી મચી ગઈ છે. આ બે દેશો ઉપરાંત તે દિવસે ભારતમાં પણ ભૂકંપના આંચકા અનુભવાયા હતા. જ્યારે થાઈલેન્ડની રાજધાની બેંગકોકમાં નિર્માણાધીન એક બહુમાળી ઈમારત ધરાશાયી થઈ ત્યારે મ્યાનમારમાં લાખો લોકો બેઘર થઈ ગયા. મ્યાનમારમાં જેમ જેમ કાટમાળ હટાવવામાં આવી રહ્યો છે તેમ તેમ મૃત્યુઆંક પણ વધી રહ્યો છે.
સમાચાર એજન્સી એસોસિએટ પ્રેસના અહેવાલ મુજબ, ગયા અઠવાડિયે આવેલા પ્રચંડ ભૂકંપમાં મૃતકોની સંખ્યા 3000ને વટાવી ગઈ છે.ભારત સરકારે મ્યાનમારમાં ભૂકંપથી પ્રભાવિત લોકોની મદદ માટે પાંચ સૈન્ય વિમાનોમાંથી રાહત સામગ્રી, બચાવ ટીમો અને તબીબી ઉપકરણો મોકલ્યા છે. ચીન સહિત વિશ્વના ઘણા દેશોએ મ્યાનમારને રાહત સામગ્રી મોકલી છે.
મ્યાનમારમાં આવેલા ભયાનક ભૂકંપના કારણે 3000 થી વધારે લોકોએ પોતાના જીવ ગુમાવ્યા છે. ઘણા લોકો કાટમાળ નીચે દટાઈ ગયા હતા.
ટોપ સ્ટોરી
ટ્રેન્ડિંગ સમાચાર
