India-Sri Lanka: શ્રીલંકાની વ્હારે ચડ્યું ભારત, 40 લાખ વિદ્યાર્થીઓનું સપનું થશે પુરૂ
ભારતે ગયા વર્ષે શ્રીલંકાને US$100 મિલિયનની લોન સહાયની જાહેરાત કરી હતી. શ્રીલંકામાં ભારતીય હાઈ કમિશને શનિવારે આ માહિતી આપી હતી.
India Helps Sri Lanka in Economic Crisis: આર્થિક રીતે કંગાળ બનેલા શ્રીલંકાની મદદે ફરી એકવાર ભારત આવ્યું છે. અગાઉ ભારતે શ્રીલંકાને હજારો ટન ચોખાની મદદ કરી હતી જ્યારે સાથો સાથ અનેક ડોલરની આર્થિક મદદ પણ કરી હતી. હવે ફરી એકવાર ભારતની મદદથી શ્રીલંકાના 40 લાખ બાળકોના અભાસનું સપનું પુરૂ થશે. શ્રીલંકામાં ભારત દ્વારા આપવામાં આવેલી ક્રેડિટ લાઇનમાંથી વિદ્યાર્થીઓના પુસ્તકો છાપવા માટે એક કરોડ ડોલરનો ઉપયોગ કરવામાં આવ્યો છે. લગભગ 40 લાખ વિદ્યાર્થીઓ માટે પુસ્તકો છાપવામાં આવી રહ્યા છે.
ભારતે ગયા વર્ષે શ્રીલંકાને US$100 મિલિયનની લોન સહાયની જાહેરાત કરી હતી. શ્રીલંકામાં ભારતીય હાઈ કમિશને શનિવારે આ માહિતી આપી હતી.
ભારતીય હાઈ કમિશનના જણાવ્યા અનુસાર, ભારતે માર્ચ 2022માં શ્રીલંકાને ખોરાક, ઈંધણ, દવાઓ અને ઔદ્યોગિક કાચા માલ સહિત આવશ્યક ચીજવસ્તુઓના પુરવઠા માટે US$ 100 મિલિયનની લાઈન ઑફ ક્રેડિટ પ્રદાન કરી હતી. હાઈ કમિશન દ્વારા કહેવામાં આવ્યું હતું કે, આ રકમમાંથી શ્રીલંકાની સરકાર અને ખાનગી આયાતકારોએ ભારતમાંથી પુસ્તકો માટે પ્રિન્ટિંગ પેપર સહિતની સામગ્રી ખરીદી હતી જેના માટે એક કરોડ અમેરિકી ડોલરનો ઉપયોગ કરવામાં આવ્યો છે.
40 લાખ બાળકોના પુસ્તકોમાંથી 45 ટકા પુસ્તકો છપાઈ રહ્યા છે
હાઈકમિશને માહિતી આપી હતી કે, ભારત દ્વારા આપવામાં આવેલી મદદથી શૈક્ષણિક વર્ષ 2023માં શ્રીલંકાના 40 લાખ વાંચતા બાળકોના 45 ટકા પુસ્તકો છાપવાનું કામ કરવામાં આવી રહ્યું છે. સૂત્રોના જણાવ્યા અનુસાર ભારતીય હાઈ કમિશન દ્વારા જારી કરવામાં આવેલા એક નિવેદનમાં કહેવામાં આવ્યું છે કે, અત્યાર સુધી શ્રીલંકાને આવશ્યક ચીજવસ્તુઓ, પેટ્રોલિયમ, ખાતર, રેલ્વેનો વિકાસ, ઈન્ફ્રાસ્ટ્રક્ચર સહિત અનેક ક્ષેત્રોમાં ચાર અબજ યુએસ ડોલર આપવામાં આવ્યા છે. સંરક્ષણ ક્ષેત્ર અને નવીનીકરણીય ઉર્જા." રૂ. થી વધુની લોન સહાય પુરી પાડી છે.
પુસ્તકોનો માલ મોકલવામાં આવ્યો
હાઈ કમિશન દ્વારા આ અંગે એક ટ્વિટ પણ કરવામાં આવ્યું હતું. તેમાં કહેવામાં આવ્યું છે કે, ભારત શ્રીલંકાના બાળકોના ભવિષ્ય માટે મદદ કરી રહ્યું છે. ભારતીય હાઈ કમિશન અને શ્રીલંકાના શિક્ષણ પ્રધાન સુશીલ પ્રેમજયંતાએ ઔપચારિક રીતે પાઠ્યપુસ્તકોનો માલ મોકલ્યો છે, જે ભારતની મદદથી સ્ટેટ પ્રિન્ટિંગ કોર્પોરેશનમાં છાપવામાં આવ્યા છે.
શ્રીલંકાની આર્થિક કટોકટી
જાહેર છે કે, મે 2021માં શ્રીલંકાએ વિદેશી દેવું ન ચૂકવવાને કારણે પોતાની ડિફોલ્ટની જાહેરાત કરી હતી. ઈતિહાસમાં પ્રથમ વખત શ્રીલંકાએ આર્થિક સંકટનો આ ખરાબ તબક્કાનો સામનો કરી રહ્યું છે. ગત વર્ષે શ્રીલંકામાં આર્થિક તંગીના કારણે અરાજકતાનું વાતાવરણ જોવા મળ્યું હતું. રાષ્ટ્રપતિ ભવન અને સરકારી કચેરીઓમાં લોકોએ ધામા નાખ્યા હતા. તત્કાલિન રાષ્ટ્રપતિ ગોટાબાયા રાજપક્ષેને દેશ છોડીને ભાગી જવું પડ્યું હતું. જ્યારે ભારત હંમેશા સંકટના સમયે શ્રીલંકાની સાથે ઊભું રહ્યું અને તેને ઘણી રીતે મદદ કરી.
ટ્રેન્ડિંગ સમાચાર
ટોપ સ્ટોરી
