Ahmedabad Rain: અમદાવાદનો પૂર્વ વિસ્તાર પાણીમાં ગરકાવ, વાહન ચાલકો પરેશાન

Latest Ahmedabad Rains: હવામાન વિભાગે અમદાવાદમાં વરસાદની આગાહી કરી છે ત્યારે શહેરમાં વરસાદનું આગમન થયું છે. અમદાવાદના પૂર્વ વિસ્તારમાં વરસાદના કારણે સ્થિતિ કફોડી બની છે.

થોડા જ વરસાદમાં અમદાવાદ પૂર્વની સ્થિતિ કફોડી બની

અમદાવાદના હાટકેશ્વર, મણિનગર, ઓઢવ, નિકોલ, નરોડા, ઠક્કરનગર સહિત પૂર્વ વિસ્તારમાં ઠેર ઠેર વરસાદ છે.

અનેક જગ્યાએ વરસાદી પાણી ભરાતા વાહન ચાલકો પરેશાન થઈ ગયા હતા.

હાટકેશ્વર વિસ્તારમાં દર વર્ષની જેમ આ વર્ષે પણ પાણી ભરાતા વાહન ચાલકો બીઆરટીએસ ટ્રેકમાં વાહન દોડાવવા મજબૂર બન્યા હતા.

અમદાવાદ પૂર્વમાં અનેક જગ્યાએ ગોઠણ સમા પાણી ભરાયા હતા.

રસ્તાઓ પર પાણી ભરાતા વાહનો બંધ પડ્યા હતા લોકો વાહનોને ધક્કા મારવા મજબૂર બન્યા હતા.