Anand Parbat Fire: દિલ્હીના આનંદ પર્વતમાં લાગી ભીષણ આગ, જુઓ કેવી રીતે ઝૂંપડપટ્ટી બળીને થઈ ગઈ ખાખ

દિલ્હીમાં આગ

મધ્ય દિલ્હીના આનંદ પર્વતમાં મંગળવારે સાંજે એક ટ્રાન્ઝિટ કેમ્પમાં લાગેલી ભીષણ આગમાં લગભગ 50 ઝૂંપડીઓ બળીને ખાખ થઈ ગઈ હતી. એક અધિકારીએ આ માહિતી આપી છે.

દિલ્હી ફાયર સર્વિસના વડા અતુલ ગર્ગે જણાવ્યું હતું કે ફાયર વિભાગને આનંદ પર્વતના ટ્રાન્ઝિટ કેમ્પમાં બપોરે 2.14 વાગ્યે આગ લાગવાનો કોલ મળ્યો હતો.

જે બાદ ફાયરની 18 ગાડીઓને તાત્કાલિક કામે લગાડવામાં આવી હતી. આ ઘટનામાં કોઈ જાનહાનિના અહેવાલ નથી. સ્થિતિ નિયંત્રણમાં છે.

ઝૂંપડાના રહેવાસીઓ તેમના ઝૂંપડાની છત પર ઉભા જોવા મળ્યા હતા. સાથે જ ફાયર ફાઈટરોએ આગ પર પાણી નાખી આગને કાબુમાં લેવાનો પ્રયાસ કર્યો હતો.

લોકો અને ફાયર વિભાગ દ્વારા રેકોર્ડ કરાયેલા વીડિયોમાં ઝૂંપડપટ્ટીમાંથી જ્વાળાઓ સાથે ધુમાડાના કાળા ગોટેગોટા જોઈ શકાય છે.