આગામી 5 દિવસ કેવું રહેશે વાતાવરણ? ક્યાંક જોરદાર વરસાદ તો અહીં પડશે આકરી ગરમી, જાણો હવામાન વિભાગની આગાહી

ભારતીય હવામાન વિભાગ (IMD) એ જણાવ્યું કે શુક્રવારે (12 એપ્રિલ, 2024) મધ્ય ભારતમાં કરા સાથે હળવાથી મધ્યમ વરસાદની સંભાવના છે.

India Weather Forecast: હવામાન વિભાગે કહ્યું કે 13 થી 15 એપ્રિલ સુધી ઉત્તર-પશ્ચિમ ભારતમાં ભારે વાવાઝોડા સાથે હળવાથી મધ્યમ વરસાદની સંભાવના છે. આ ઉપરાંત આ સમયગાળા દરમિયાન ભારે પવન અને કરા પણ પડી શકે છે.

IMDએ કહ્યું કે શુક્રવારે (12 એપ્રિલ, 2024) મધ્ય પ્રદેશ, છત્તીસગઢ અને વિદર્ભના વિસ્તારોમાં કરા પડવાની સંભાવના છે. ગુરુવારે (11 એપ્રિલ, 2024) આ વિસ્તારોમાં વિવિધ સ્થળોએ કરા પડ્યા હતા.

હવામાન વિભાગે કહ્યું કે કેરળમાં આગામી પાંચ દિવસ સુધી ગરમી અને ભેજ યથાવત રહેશે. આ સાથે આજે તમિલનાડુમાં પણ આવું જ હવામાન રહેશે. આવતીકાલથી તેમાં થોડો સુધારો જોવા મળશે.

IMDએ જણાવ્યું હતું કે દરિયાકાંઠાના આંધ્રપ્રદેશ, આંતરિક કર્ણાટક અને દક્ષિણ કર્ણાટક આગામી બેથી ત્રણ દિવસ ગરમ અને ભેજવાળું રહેશે. આ પછી થોડી રાહત થશે.

હવામાન વિભાગે કહ્યું કે આગામી પાંચ દિવસ સુધી દેશના કોઈપણ ભાગમાં ગરમીનું મોજું નહીં રહે. તાપમાન લગભગ હવે જેવું જ રહેશે.

IMDએ કહ્યું કે ઓડિશામાં રવિવારે (14 એપ્રિલ, 2024) ગરમીમાં વધારો થવાની સંભાવના છે. સોમવારે (15 એપ્રિલ, 2024) રાજ્યમાં હિટ વેવ પણ આવી શકે છે.

હવામાન વિભાગે કહ્યું કે 13 થી 14 એપ્રિલ દરમિયાન દિલ્હી, હરિયાણા, પંજાબ, હરિયાણા, ઉત્તર રાજસ્થાન, ઉત્તર પ્રદેશ અને જમ્મુ-કાશ્મીરમાં હળવોથી મધ્યમ વરસાદ પડી શકે છે.