Photos: અસમ રાઇફલ્સના જવાનોની મણિપુરમાં મોટી કાર્યવાહી, 500 કરોડનું ઝડપાયું ડ્રગ્સ

તસવીર સૌજન્યઃ એએનઆઈ ટ્વીટર

અસમ રાઈફલ્સના જવાનોએ મોટી કાર્યવાહી કરી છે. મણિપુરના મોરેહ કસ્બામાંથી 54 કિલોગ્રામ બ્રાઉન શુગર અને 154 કિલોગ્રામ આઈસ મેથ સહિત 500 કરોડ રૂપિયાથી વધારેનું ડ્રગ્સ મળ્યું છે.

આટલી મોટી માત્રામાં જ્યાંથી ડ્રગ્સ મળ્યું છે તે એક મહિલાનું હોવાનું સામે આવ્યું ચે. આ મહિલા હાલ મ્યાંમારના માંડલેમાં હોવાની આશંકા છે. પ્રાથમિક તપાસમાં એવું પણસામે આવ્યું છે કે આ મહિલાએ ચીની નાગરિક સાથે લગ્ન કર્યા છે. ન્યૂઝ એજન્સી ANIએ આ જાણકારી આપી છે.

દેશમાં ડ્રગ્સને લઈ છેલ્લા થોડા દિવસોથી મોટા કાર્યવાહી કરવામાં આવી રહી છે. અનેક જગ્યાએથી મોટી માત્રામાં ડ્રગ્સ જપ્ત કરવામાં આવ્યું છે અને ડ્રગ્સનો કાળો ધંધો કરતાં અનેક લોકોની ધરપકડ પણ કરવામાં આવી છે.

(તમામ તસવીર સૌજન્યઃ એએનઆઈ)