IPL 2025: રાહુલથી પંત સુધી, રન મશીન છે આ 5 વિકેટકીપર બેટર, IPL માં વર્તાવશે કહેર

આ વર્ષે ઋષભ પંત લખનઉ સુપર જાયન્ટ્સ ટીમનું નેતૃત્વ કરતો જોવા મળશે. આ પહેલા તે દિલ્હી કેપિટલ્સનો કેપ્ટન હતો

(તસવીર- એબીપી લાઇવ)

IPL 2025 Five Dangerous Wicketkeeper Batsman: IPL 2025 22 માર્ચથી શરૂ થઇ રહી છે. આ પહેલા એવા પાંચ વિકેટકીપર બેટ્સમેન વિશે જાણીએ જે આ વખતે ટૂર્નામેન્ટમાં તબાહી મચાવી શકે છે.

IPL 2025 22 માર્ચથી શરૂ થઇ રહી છે. આ સમય દરમિયાન બધાની નજર કેએલ રાહુલ અને ઋષભ પંત સહિત આ પાંચ વિકેટકીપર બેટ્સમેન પર રહેશે. જે પોતાની ઘાતક બેટિંગથી વિરોધી ટીમ પર પાયમાલી મચાવી શકે છે.

કેએલ રાહુલ આઈપીએલ 2024 માં લખનઉ સુપર જાયન્ટ્સ ટીમનો કેપ્ટન હતો. આ વર્ષે તે દિલ્હી કેપિટલ્સ ટીમનો ભાગ છે. રાહુલે ૧૩૨ મેચોમાં ૪૫.૪૭ ની પ્રભાવશાળી સરેરાશ અને ૧૩૪.૬૧ ના સ્ટ્રાઇક રેટથી ૪૬૮૩ રન બનાવ્યા છે.

આ વર્ષે ઋષભ પંત લખનઉ સુપર જાયન્ટ્સ ટીમનું નેતૃત્વ કરતો જોવા મળશે. આ પહેલા તે દિલ્હી કેપિટલ્સનો કેપ્ટન હતો. તેણે ૧૧૧ મેચમાં ૩૫.૩૧ ની સરેરાશથી ૩૨૮૪ રન બનાવ્યા છે. આ સમયગાળા દરમિયાન તેનો સ્ટ્રાઇક રેટ ૧૪૮.૯૩ રહ્યો છે.

જૉસ બટલર આ વર્ષે ગુજરાત ટાઇટન્સ તરફથી રમતા જોવા મળશે. ગયા વર્ષે તે રાજસ્થાન રોયલ્સ ટીમનો ભાગ હતો. બટલરે આઈપીએલમાં ૧૦૭ મેચમાં ૩૮.૧૧ ની સરેરાશ અને ૧૪૭.૫૩ ના સ્ટ્રાઈક રેટથી ૩૫૮૨ રન બનાવ્યા છે.

સનરાઇઝર્સ હૈદરાબાદનો હેનરિક ક્લાસેન અન્ય ટીમો માટે ખતરો સાબિત થઈ શકે છે. તે IPLમાં ૧૬૮.૩૧ ના જબરદસ્ત સ્ટ્રાઇક રેટથી રન બનાવે છે. ક્લાસેન ૩૫ મેચમાં ૩૮.૧૯ ની સરેરાશથી ૯૯૩ રન બનાવ્યા છે.

રાજસ્થાન રોયલ્સના કેપ્ટન સંજૂ સેમસન ટીમ માટે સતત સારું પ્રદર્શન કરી રહ્યા છે. સેમસન આઈપીએલમાં ૧૬૭ મેચ રમ્યો છે અને ૩૦.૬૯ ની સરેરાશથી ૪૪૧૯ રન બનાવ્યા છે. આ સમયગાળા દરમિયાન તેનો સ્ટ્રાઇક રેટ ૧૩૮.૯૬ રહ્યો છે.