Ashes 2023: હેરી બ્રૂકે ઈતિહાસ રચ્યો, ટેસ્ટ ક્રિકેટમાં સૌથી ઝડપી 1000 રન બનાવનારો બેટ્સમેન બન્યો  

ઓસ્ટ્રેલિયા સામેની ત્રીજી ટેસ્ટ મેચમાં હેરી બ્રુકે એક મોટો રેકોર્ડ બનાવ્યો છે. ખરેખર, ઇંગ્લેન્ડનો બેટ્સમેન હેરી બ્રુક ટેસ્ટ મેચમાં સૌથી ઓછા બોલમાં હજાર રન બનાવનાર ખેલાડી બની ગયો છે.

તસવીર સોશિયલ મીડિયા

Fastest 1000 Runs In Test Format: ઓસ્ટ્રેલિયા સામેની ત્રીજી ટેસ્ટ મેચમાં હેરી બ્રુકે એક મોટો રેકોર્ડ બનાવ્યો છે. ખરેખર, ઇંગ્લેન્ડનો બેટ્સમેન હેરી બ્રુક ટેસ્ટ મેચમાં સૌથી ઓછા બોલમાં હજાર રન બનાવનાર ખેલાડી બની ગયો છે. હેરી બ્રુકે ટેસ્ટ ફોર્મેટમાં 1058 બોલમાં હજાર રન પૂરા કર્યા.  ન્યુઝીલેન્ડના કોલિન ડી ગ્રામ હોમ આ યાદીમાં બીજા નંબર પર છે. આ કિવી ખેલાડીએ ટેસ્ટ ફોર્મેટમાં 1140 બોલમાં 1000 રનના આંકડાને સ્પર્શ કર્યો હતો. જ્યારે આ ખાસ યાદીમાં ત્રીજું નામ ન્યુઝીલેન્ડના ટિમ સાઉથીનું છે.

History - Harry Brook becomes the fastest to complete 1000 runs in Test cricket. pic.twitter.com/k2C5EKHDDd

— Johns. (@CricCrazyJohns) July 9, 2023

આ યાદીમાં કોનો સમાવેશ થાય છે ? 

ન્યૂઝીલેન્ડના ખેલાડી ટિમ સાઉથીએ ટેસ્ટ ફોર્મેટમાં 1167 બોલમાં હજાર રનનો આંકડો પાર કર્યો.  આ મામલામાં ઇંગ્લેન્ડનો ઓપનર બેન ડકેટ ચોથા નંબર પર છે. બેન ડકેટે ટેસ્ટ ફોર્મેટમાં 1168 બોલમાં 1000 રન પૂરા કર્યા. જો કે ઓસ્ટ્રેલિયા સામે લીડ્ઝ ટેસ્ટમાં ઈંગ્લેન્ડના હેરી બ્રુકે આ રેકોર્ડ પોતાના નામે કર્યો છે. આ ઈંગ્લિશ બેટ્સમેને 1058 બોલમાં હજાર રનના આંકડાને સ્પર્શ કર્યો હતો. 

ઑસ્ટ્રેલિયા સામે હેડિંગ્લે ખાતે રમાયેલી એશિઝ શ્રેણીની ત્રીજી ટેસ્ટ ઇંગ્લેન્ડે 3 વિકેટે જીતી લીધી છે. મેચની ચોથી ઇનિંગમાં બેન સ્ટોક્સની ટીમને 251 રનનો ટાર્ગેટ મળ્યો હતો. ઓસ્ટ્રેલિયાએ નિયમિત અંતરે વિકેટ ઝડપી હતી પરંતુ હેરી બ્રુકે એક છેડો ટકાવી રાખ્યો હતો. ઓસ્ટ્રેલિયાએ 171 રનમાં ઈંગ્લેન્ડની 6 વિકેટ પડી હતી. પરંતુ બ્રુકે ક્રિસ વોક્સ સાથે જોડી બનાવીને ટીમને જીતની નજીક પહોંચાડી હતી. આ જીત સાથે ઇંગ્લેન્ડ એશિઝ શ્રેણીમાં હજુ પણ યથાવત છે. 5 મેચની આ શ્રેણીમાં ઓસ્ટ્રેલિયા હજુ પણ 2-1થી આગળ છે.

હેરી બ્રુકે 75 રનની શાનદાર ઈનિંગ 

આઈપીએલ 2023માં ખરાબ રીતે ફ્લોપ થયેલો હેરી બ્રુક એશિઝમાં પણ કોઈ મોટી સિદ્ધિ ન કરી શક્યો. પરંતુ આ મેચમાં તેણે જવાબદારી નિભાવી હતી. બ્રુકે વોક્સ સાથે 7મી વિકેટ માટે 49 રનની ભાગીદારી કરી હતી. આ દરમિયાન તેણે ટેસ્ટમાં પોતાના એક હજાર રન પણ પૂરા કર્યા. બ્રુકના બેટથી 93 બોલમાં 9 ચોગ્ગાની મદદથી 75 રન બનાવ્યા હતા. મિચેલ સ્ટાર્કે તેને આઉટ કર્યો ત્યારે ઈંગ્લેન્ડને વધુ 21 રનની જરૂર હતી. ક્રિસ વોક્સ અને માર્ક વૂડે ટીમને ટાર્ગેટ સુધી પહોંચાડી હતી. વોક્સે 32 અને વૂડે 16 રનની અણનમ ઇનિંગ રમી હતી.