IND-PAK : ભારત-પાક.ની મેચ વખતે અમદાવાદ આવવું પડશે મોંઘુ, રૂ. 3000ની ટિકિટના 25,000
અમદાવાદમાં આ મેચના દિવસો દરમિયાન હોટલના ભાવ આસમાને પહોંચ્યા બાદ હવે વિમાનની ટિકિટના ભાવ આસમાને પહોંચી ગયા છે.
IND vs PAK, World Cup 2023: દુનિયાભરના ચાહકો ભારત-પાકિસ્તાન વચ્ચેની મેચની ભારે આતુરતાપૂર્વક રાહ જોતા હોય છે. વર્ષો બાદ ક્રિકેટ રસિયાઓને આ મેચ નિહાળવા મળશે. પરંતુ તેના માટે ફદિયા ઢીલા કરવા પડશે. અમદાવાદમાં આ મેચના દિવસો દરમિયાન હોટલના ભાવ આસમાને પહોંચ્યા બાદ હવે વિમાનની ટિકિટના ભાવ આસમાને પહોંચી ગયા છે. એરફેરમાં અધધ 300 ટકા જેટલો માન્યામાં ના આવે તેટલો વધારો થયો છે.
ક્રિકેટ વર્લ્ડ કપ 2023નું શેડ્યૂલ જાહેર કરવામાં આવ્યું છે. ભારત અને પાકિસ્તાનની ટીમો 15 ઓક્ટોબરે આમને-સામને થશે. ભારત-પાકિસ્તાન વચ્ચેની મેચ અમદાવાદના નરેન્દ્ર મોદી સ્ટેડિયમમાં રમાશે. આ મેચને લઈને ક્રિકેટ ચાહકોમાં અદભૂત ઉત્સાહ જોવા મળી રહ્યો છે. 14 ઓક્ટોબરથી 16 ઓક્ટોબર દરમિયાન અમદાવાદ જતી ફ્લાઈટ્સના ભાવમાં નોંધપાત્ર વધારો થયો છે. હકીકતમાં આ તારીખે ભારત-પાકિસ્તાન મેચને કારણે ફ્લાઈટના ભાડામાં લગભગ 300 ટકાનો વધારો થયો છે.
ફ્લાઇટના ભાડામાં ધરખમ વધારો
જો તમે 14 ઓક્ટોબરથી 16 ઓક્ટોબરની વચ્ચે ફ્લાઈટ દ્વારા અમદાવાદ જવાનું વિચારી રહ્યા છો, તો તમારે લગભગ 300 ટકા વધુ પૈસા ખર્ચવા પડશે. આ તારીખોમાં મુંબઈથી અમદાવાદ જવા માટે 22 હજાર રૂપિયા ખર્ચવા પડશે. બીજી તરફ, જો તમારે દિલ્હીથી અમદાવાદ જવું હોય તો તમારે 21,000 રૂપિયા ચૂકવવા પડશે. 14 ઓક્ટોબરથી 16 ઓક્ટોબરની વચ્ચે કોલકાતાથી અમદાવાદ જવા માટે 42 હજાર રૂપિયા ચૂકવવા પડશે. જો તમે બેંગ્લોરથી અમદાવાદ જવા માંગો છો તો તમારે 18 હજાર રૂપિયા ખર્ચવા પડશે.
ભારત-પાકિસ્તાન મેચ માટે ચાહકોમાં અદભૂત ઉત્સાહ
આ સિવાય જો તમે હૈદરાબાદથી અમદાવાદ જવાનું વિચારી રહ્યા છો તો તમારે લગભગ 35 હજાર રૂપિયા ચૂકવવા પડશે. જ્યારે ચેન્નાઈથી અમદાવાદ જવા માટે 45 હજાર ચૂકવવા પડશે. જો તમે આ તારીખોમાં ચંદીગઢથી અમદાવાદ જવા માંગો છો તો તમારે 24,000 રૂપિયા ચૂકવવા પડશે. મહત્વપૂર્ણ છે કે ભારત અને પાકિસ્તાન વચ્ચે 15 ઓક્ટોબરે મેચ રમાશે. જોકે, વર્લ્ડકપ 2023 5 ઓક્ટોબરથી શરૂ થઈ રહ્યો છે. જ્યારે વર્લ્ડ કપ 2023ની ટાઈટલ મેચ 19 નવેમ્બરે રમાશે.
વર્લ્ડકપની મેચોને ધ્યાનમાં રાખી હોસ્પિટાલિટી સર્વિસ ટેક્નોલોજી પ્લેટફોર્મ OYO એ જણાવ્યું હતું કે, તે ભારતમાં આગામી ODI ક્રિકેટ વર્લ્ડ કપની મેચ હોસ્ટ કરતા શહેરોમાં આગામી ત્રણ મહિનામાં લગભગ 500 નવી હોટલ ઉમેરવાની યોજના ધરાવે છે. ઓયોએ એક નિવેદનમાં જણાવ્યું હતું કે વર્લ્ડ કપ ટુર્નામેન્ટ મેચોના સ્થળોની આસપાસની હોટલોને એકસાથે જોડવામાં આવશે. વિશ્વભરમાંથી આવતા ક્રિકેટ પ્રેમીઓને ધ્યાનમાં રાખીને નવા હોટલ પ્લેટફોર્મને જોડવાની તૈયારી ચાલી રહી છે.
કંપનીએ શું કહ્યું
કંપનીના પ્રવક્તાએ જણાવ્યું હતું કે, “ઓયો આગામી ત્રણ મહિનામાં વિશ્વ કપની મેચ હોસ્ટ કરી રહેલા શહેરોમાં 500 હોટલ ઉમેરશે. અમે એ સુનિશ્ચિત કરવા માંગીએ છીએ કે જે મુલાકાતીઓ તેમની મનપસંદ ટીમની રમત જોવા આવે છે તેમને આરામદાયક અને સસ્તું રહેઠાણ પૂરું પાડવામાં આવે.
ટ્રેન્ડિંગ સમાચાર
ટોપ સ્ટોરી
