IPL 2025 માં જસપ્રીત બુમરાહના રમવા અંગે મોટા અપડેટ, ફિટનેસ રિપોર્ટથી MI ટીમની ચિંતા વધી

Jasprit Bumrah Injury Update: જસપ્રીત બુમરાહની ફિટનેસ અંગે એક નવું અપડેટ સામે આવ્યું છે. શું બુમરાહ IPL 2025 માં રમી શકશે કે નહીં, અહીં બધી વિગતો જાણો.

જસપ્રીત બુમરાહ

Source : Social Media

Jasprit Bumrah Fitness Update: જસપ્રીત બુમરાહને ક્રિકેટના મેદાનમાં પાછા ફરવા માટે વધુ રાહ જોવી પડી શકે છે. બુમરાહ ઈજાના કારણે ચેમ્પિયન્સ ટ્રોફી 2025માં રમી શક્યો ન હતો, હવે એક નવી અપડેટ આવી છે કે તે IPL 2025ના પહેલા બે અઠવાડિયામાં કોઈ મેચ રમી શકશે નહીં. એક મીડિયા રિપોર્ટ અનુસાર, જસપ્રીત બુમરાહ એપ્રિલ મહિનામાં મુંબઈ ઈન્ડિયન્સના તાલીમ શિબિરમાં જોડાઈ શકે છે, જ્યારે IPL 2025 22 માર્ચથી શરૂ થવાની છે.

ટાઇમ્સ ઓફ ઇન્ડિયાને ટાંકીને, BCCI ના એક સૂત્રએ જણાવ્યું હતું કે, "જસપ્રીત બુમરાહના મેડિકલ રિપોર્ટ સારા છે. તેણે સેન્ટર ઓફ એક્સેલન્સમાં બોલિંગ પ્રેક્ટિસ શરૂ કરી દીધી છે. પરંતુ IPL ની શરૂઆતની મેચોમાં તેના રમવાની આશા ઓછી છે. વર્તમાન પરિસ્થિતિ મુજબ, એપ્રિલના પહેલા અઠવાડિયામાં તેની વાપસી શક્ય છે."

બુમરાહ પહેલી 3-4 મેચ નહીં રમે
આવી સ્થિતિમાં, જસપ્રીત બુમરાહ મુંબઈ ઈન્ડિયન્સ માટે શરૂઆતની 3-4 મેચ રમી શકશે નહીં. એવું કહેવામાં આવી રહ્યું છે કે બુમરાહ પૂરી તાકાતથી બોલિંગ કરી શકતો નથી. રિપોર્ટમાં જણાવાયું છે કે તબીબી ટીમ ધીમે ધીમે તેમના કાર્યભારમાં વધારો કરશે. બુમરાહ જ્યાં સુધી પૂરા જોશ અને તાકાતથી બોલિંગ કરી શકશે નહીં ત્યાં સુધી તેને ફિટ જાહેર કરવામાં આવશે નહીં. તમને જણાવી દઈએ કે લખનૌ સુપર જાયન્ટ્સના ફાસ્ટ બોલર મયંક યાદવ પણ સંપૂર્ણપણે ફિટ નથી. એવું અનુમાન લગાવવામાં આવી રહ્યું છે કે તે પણ એપ્રિલ મહિનામાં LSG ના તાલીમ શિબિરમાં જોડાઈ શકે છે.

જસપ્રીત બુમરાહ ક્યારે ઘાયલ થયો હતો?
ઓસ્ટ્રેલિયા સામેની ટેસ્ટ શ્રેણી દરમિયાન જસપ્રીત બુમરાહને કમરની તકલીફ થવા લાગી હતી. સિડની ટેસ્ટની બીજી ઇનિંગમાં તે બોલિંગ કરવા માટે મેદાનમાં પણ આવ્યો ન હતો. તે પછી, મેડિકલ ટીમે તેના પર નજીકથી નજર રાખી, પરંતુ તે ચેમ્પિયન્સ ટ્રોફી 2025 પહેલા સંપૂર્ણપણે ફિટ થઈ શક્યો નહીં. આ કારણે ચેમ્પિયન ટ્રોફીમાં ભારત તરફથી મેઈન બોલર તરીકે મોહમ્મદ શમી ભુમિકા ભજવી રહ્યો છે. આ ઉપરાંત તેમની સાથે હર્ષિત રાણા અને અર્શદીપ સિંહ ટીમ ઈન્ડિયા સાથે દુબઈ ગયા છે. 

આ પણ વાંચો: