Ameesha Patel Birthday: અમીષા પટેલનો વિવાદોની સાથે છે જૂનો સંબંધ, આ કારણે માતાએ ચપ્પલથી માર્યો હતો માર

અમીષા પટેલની ડેબ્યૂ ફિલ્મ એટલી સુપરહિટ રહી કે, રાતોરાત તે મશહૂર થઇ ગઇ.

અમીષા પટેલ

Ameesha Patel Birthday:અભિનેત્રી અમીષા પટેલે તેની પ્રથમ બે ફિલ્મોથી સ્ટારડમ હાંસલ કર્યું હતું,. પોતાની સાદગી અને સુંદર સ્ટાઇલ માટે જાણીતી અમીષા લોકોના દિલ પર રાજ કરતી હતી. કહો ના પ્યાર ફિલ્મમાં અભિનેતા રિતિક રોશન સાથેની તેની જોડી લોકોને ખૂબ  પસંદ કરી હતી. આ ફિલ્મ સુપરહિટ બની અને ઘણા રેકોર્ડ તોડી નાખ્યા. આ પછી અમીષાએ સની દેઓલ સાથે ફિલ્મ ગદરઃ એક પ્રેમ કથામાં કામ કર્યું અને તે પણ હિટ થઈ. અમીષા તેની પ્રથમ બે હિટ ફિલ્મો આપ્યા બાદ ચર્ચામાં આવી હતી. પરંતુ તે પછી તેની ફિલ્મો ઊંચાઈને સ્પર્શી શકી ન હતી. 18 વર્ષના ફિલ્મી કરિયરમાં અભિનેત્રીએ લગભગ 40 ફિલ્મોમાં કામ કર્યું પરંતુ ત્યારબાદ તેનો ગ્રાફ ઊંચો ન થયો. ફિલ્મો કરતાં વધુ અભિનેત્રીઓ વિવાદોને કારણે ચર્ચામાં રહી. તો ચાલો અમે તમને તેમના વિશે કેટલીક ખાસ વાતો જણાવીએ.

એન્જિનિયર બનવા ઇચ્છતી હતી

અમીષા પટેલનો જન્મ 9 જૂન 1976ના રોજ મુંબઈમાં થયો હતો. અભિનેત્રીના પિતાનું નામ અમિત અને માતાનું નામ આશા પટેલ છે. અમીષાએ અમેરિકાથી 2 વર્ષ સુધી બાયો-જેનેટિક એન્જિનિયરિંગનો અભ્યાસ કર્યો છે અને તે અર્થશાસ્ત્રમાં ગોલ્ડ મેડલિસ્ટ પણ રહી ચૂકી છે. અભિનેત્રી એન્જિનિયર બનવા માંગતી હતી પરંતુ અચાનક જ એક્ટિંગની લાઈનમાં આવી ગઈ. તેણે ફિલ્મ કહો ના પ્યાર હૈથી ડેબ્યૂ કર્યું હતું.

વિક્રમ ભટ્ટ સાથે જોડાયું નામ

અમીષા પટેલનું નામ નિર્માતા-નિર્દેશક વિક્રમ ભટ્ટ સાથે જોડાયું હતું. અભિનેત્રી તેની સાથે લિવ ઇનમાં રહેતી હતી અને અમીષાએ પોતે મીડિયા સમક્ષ આ વાત કબૂલી હતી. પાંચ વર્ષ સુધી એકબીજાને ડેટ કર્યા પછી બંનેનું બ્રેકઅપ થઇ ગયું હતું.

ચેક બાઉન્સ કેસમાં ફસાઇ હતી અભિનેત્રી

અમીષા પટેલે અનેક વાદ –વિવાદનો સામનો કર્યો છે. એકવાર તેમના પર પૈસા લઈને ઓછું પર્ફોમન્સ આપ્યાનો આરોપ લાગ્યો હતો. તો  આ સાથે જ અભિનેત્રીના 3 કરોડના ચેક બાઉન્સનો મામલો સામે આવ્યો હતો. ફિલ્મ પ્રોડ્યુસર અજય સિંહે અમીષા પટેલ પર છેતરપિંડીનો આરોપ લગાવ્યો હતો, આ મામલે તે ઘણી ચર્ચામાં રહી હતી.

અમીષા પટેલ ત્યારે સૌથી વધુ ચર્ચામાં આવી જ્યારે તેણે તેમણે તેમના જ  પિતા પર છેતરપિંડીનો આરોપ લગાવ્યો અને તેને કાનૂની નોટિસ પણ મોકલી. આ સમાચાર સાંભળીને લોકો ચોંકી ઉઠ્યા હતા. અભિનેત્રીએ તેમના પિતા પર 12 કરોડ રૂપિયા પડાવી લેવા અને ખાતાનો દુરુપયોગ કરવાનો આરોપ લગાવ્યો હતો. આ મામલા પછી અભિનેત્રી મીડિયા સામે આવી હતી અને કહ્યું હતું કે તેના માતા-પિતા તે વિક્રમ સાથે રહેવા દેવા માંગતા ન હતા અને આ કારણે તેની માતાએ તેને ચપ્પલ વડે માર માર્યો હતો.