Market Outlook: શેરબજારમાં સતત 5 સપ્તાહથી કડાકો, જાણો ક્યારે અટકશે આ ઘટાડો

Share Market This Week: સ્થાનિક શેરબજાર છેલ્લા મહિના દરમિયાન નવી ઊંચાઈએ પહોંચ્યું હતું, પરંતુ ત્યારથી સતત ઘટી રહ્યું છે. માર્કેટ સતત 5 અઠવાડિયાથી ઘટ્યું છે.

પ્રતિકાત્મક તસવીર

સ્થાનિક શેરબજારમાં ઊંચા સ્તરે ચાલી રહેલી વેચવાલી અટકવાનું નામ નથી લઈ રહી. જો કે હવે વેચવાલીનું સ્તર નરમ પડ્યું છે, પરંતુ સ્થાનિક શેરબજારો સતત પાંચ સપ્તાહથી ખોટમાં જઈ રહ્યા છે. છેલ્લા સપ્તાહ દરમિયાન, વલણમાં ફેરફારની આશા હતી, પરંતુ BSE સેન્સેક્સ અને NSE નિફ્ટી બંને મામૂલી નુકસાન સાથે બંધ થયા હતા.

આવું રહ્યું હતું પાછલું સપ્તાહ

શુક્રવાર, ઓગસ્ટ 25 ના રોજ પૂરા થયેલા સપ્તાહ દરમિયાન, BSE 30 શેરનો સૂચકાંક સેન્સેક્સ 62.15 પોઈન્ટ્સ અથવા 0.09 ટકા ઘટ્યો હતો.સપ્તાહના છેલ્લા દિવસે, સેન્સેક્સ 365 પોઈન્ટથી વધુ ઘટીને 64,886.51 પર બંધ થયો હતો. બીજી તરફ, નેશનલ સ્ટોક એક્સચેન્જનો નિફ્ટી આખા સપ્તાહ દરમિયાન 44.35 પોઈન્ટ્સ અથવા 0.22 ટકા ઘટ્યો હતો, જ્યારે શુક્રવારે ઈન્ડેક્સ 120 પોઈન્ટથી વધુ ઘટીને 19,265.80 પોઈન્ટ પર બંધ થયો હતો.

સોમવાર 28મી ઓગસ્ટથી શરૂ થતા સપ્તાહ દરમિયાન નવો મહિનો પણ શરૂ થવા જઈ રહ્યો છે. આ અર્થમાં, ઘણા મહત્વપૂર્ણ આર્થિક આંકડાઓ જાહેર કરવાની તારીખ નજીક આવી ગઈ છે. આગામી સપ્તાહ દરમિયાન બજાર પર તેની અસર પડે તે સ્વાભાવિક છે. મેક્રો ઇકોનોમિક ડેટા ઉપરાંત વૈશ્વિક બજારોનો ટ્રેન્ડ અને વિદેશી રોકાણકારોની ગતિવિધિઓ પણ આ સપ્તાહે શેરબજારની ગતિવિધિને અસર કરી શકે છે.

રિલાયન્સની એજીએમ પ્રથમ દિવસે

બજારની સૌથી મોટી કંપની રિલાયન્સ ઈન્ડસ્ટ્રીઝની વાર્ષિક સામાન્ય સભા સાથે સપ્તાહની શરૂઆત થઈ રહી છે. રિલાયન્સ ઈન્ડસ્ટ્રીઝની એજીએમ ભારતીય કોર્પોરેટ સેક્ટરની સૌથી મોટી ઈવેન્ટ્સમાંની એક છે, જેમાં એ જાણી શકાય છે કે આવનારા સમયમાં દેશના સૌથી મોટા બિઝનેસ હાઉસમાંથી એકની રણનીતિ શું બનવાની છે. બજાર નિષ્ણાતોનું કહેવું છે કે રોકાણકારોની નજર 28 ઓગસ્ટે યોજાનારી રિલાયન્સ ઇન્ડસ્ટ્રીઝની એજીએમ પર કેન્દ્રિત રહેશે.

આ આર્થિક આંકડાઓ આવી રહ્યા છે

સ્વસ્તિક ઇન્વેસ્ટમાર્ટના રિસર્ચ હેડ સંતોષ મીના કહે છે કે બજાર રિલાયન્સ ઇન્ડસ્ટ્રીઝની એજીએમની આતુરતાથી રાહ જોઈ રહ્યું છે. આ સિવાય બીજા ક્વાર્ટરના જીડીપીના આંકડા મહિનાના અંતિમ દિવસે એટલે કે ગુરુવારે આવવાના છે. તેનાથી દેશની અર્થવ્યવસ્થા કેવી રીતે આગળ વધી રહી છે તે જોવા મળશે. મેન્યુફેક્ચરિંગ પીએમઆઈના આંકડા સપ્તાહના છેલ્લા દિવસે આવશે. ઓટો સેલ નંબર પણ તે જ દિવસે જારી કરવામાં આવશે.

આ વૈશ્વિક પરિબળોની અસર પડશે

વૈશ્વિક મોરચે, યુએસ બેરોજગારી દર અને બિન-કૃષિ પેરોલના આંકડા શુક્રવારે જ આવશે. જો કે તેની ખરી અસર આવતા સપ્તાહે સોમવારે જોવા મળશે, કારણ કે શુક્રવારે ભારતીય બજાર બંધ થયા બાદ આ આંકડા જાહેર કરવામાં આવશે. આ સિવાય ચીનના બજારના ઉતાર-ચઢાવ, ડૉલરના ઉતાર-ચઢાવ અને કાચા તેલના ભાવની પણ બજાર પર અસર પડી શકે છે.

ડિસ્ક્લેમર: અહીં આપેલી માહિતી માત્ર માહિતી માટે છે. અત્રે એ ઉલ્લેખ કરવો જરૂરી છે કે બજારમાં રોકાણ એ બજારના જોખમોને આધીન છે. રોકાણકાર તરીકે નાણાંનું રોકાણ કરતા પહેલા હંમેશા નિષ્ણાતની સલાહ લો. ABPLive.com વતી નાણાંનું રોકાણ કરવાની અહીં ક્યારેય સલાહ આપવામાં આવતી નથી.