PhonePe IPO: પેમેન્ટ કંપની PhonePe IPO લાવવાની તૈયારીમાં, Flipkart પાસે કંપનીમાં 87% હિસ્સો છે

UPI આધારિત વ્યવહારોની વધતી સંખ્યાને ધ્યાનમાં રાખીને, PhonePe ડિસેમ્બરના અંત સુધીમાં કર્મચારીઓની સંખ્યા વધારીને 5200 કરવાની યોજના બનાવી રહી છે.

પ્રતિકાત્મક તસવીર

PhonePe IPO Plans: Paytm પછી, પેમેન્ટ કંપની PhonePe પણ સ્ટોક એક્સચેન્જમાં લિસ્ટિંગની તૈયારી કરી રહી છે. PhonePe તેના ફાઇનાન્શિયલ સર્વિસિસ પોર્ટફોલિયો અને UPI આધારિત પેમેન્ટ ઑપરેશનને વિસ્તારવા માટે IPO (ઇન્શિયલ પબ્લિક ઑફરિંગ) દ્વારા નાણાં એકત્ર કરવાની તૈયારી કરી રહ્યું છે. એવું માનવામાં આવે છે કે કંપની તેનો મુખ્ય કારોબાર નફાકારક બન્યા બાદ IPO લોન્ચ કરશે. કંપનીને આશા છે કે તે આવતા વર્ષ સુધીમાં નફાકારક રહેશે.

Flipkart PhonePeમાં 87% હિસ્સો ધરાવે છે

PhonePe $8 થી 10 બિલિયનના મૂલ્યાંકનને લક્ષ્યાંકિત કરી રહ્યું છે. રિપોર્ટ અનુસાર, કંપની IPO લાવવા માટે બેન્કર્સ અને લીગર કન્સલ્ટન્ટ સાથે વાતચીત શરૂ કરશે. PhonePe એ 2020 માં $700 મિલિયન એકત્ર કર્યા. અત્યાર સુધીમાં, કંપનીએ ટાઈગર ગ્લોબલ મેનેજમેન્ટ જેવા રોકાણકારો પાસેથી 13 રાઉન્ડમાં કુલ $1.7 બિલિયન એકત્ર કર્યા છે. તમને જણાવી દઈએ કે PhonePeની શરૂઆત સમીર નિગમે 2015માં કરી હતી. ફ્લિપકાર્ટ પાસે PhonePeમાં 87 ટકા હિસ્સો છે, જ્યારે ફ્લિપકાર્ટની માલિકીની Walmart PhonePeમાં 10 ટકા હિસ્સો ધરાવે છે.

PhonePe UPI ટ્રાન્ઝેક્શન સ્પેસ પર પ્રભુત્વ ધરાવે છે

જો કે, UPI આધારિત વ્યવહારોની વધતી સંખ્યાને ધ્યાનમાં રાખીને, PhonePe ડિસેમ્બરના અંત સુધીમાં કર્મચારીઓની સંખ્યા વધારીને 5200 કરવાની યોજના બનાવી રહી છે. કંપનીએ મ્યુચ્યુઅલ ફંડ લાઇસન્સ અને NBFC લાયસન્સ માટે અરજી કરી છે. UPI ટ્રાન્ઝેક્શન સ્પેસમાં PhonePeનો 47 ટકા હિસ્સો છે. તમને જણાવી દઈએ કે ગયા વર્ષે Zomato, Cartrade, Nykaa, Paytm, Policybazaar જેવી ઘણી ટેક કંપનીઓ IPO લાવી હતી.

PhonePe ની સ્થાપના ફ્લિપકાર્ટના ભૂતપૂર્વ એક્ઝિક્યુટિવ્સ સમીર નિગમ, રાહુલ ચારી અને બુર્જિન એન્જિનિયર દ્વારા કરવામાં આવી હતી, અને 2016 માં ફ્લિપકાર્ટ દ્વારા હસ્તગત કરવામાં આવી હતી. 2018 માં ફ્લિપકાર્ટને Walmart દ્વારા હસ્તગત કરવામાં આવ્યું હતું અને PhonePe પણ તે વ્યવહારનો એક ભાગ હતો. કંપની પાસે બેંગલુરુ, પુણે, મુંબઈ અને દિલ્હી જેવા શહેરોમાં 2,600 કર્મચારીઓ અને 2,800 જગ્યાઓ ખાલી છે.