RBI Imposes Penalty: RBI એ SBI સહિત ત્રણ સરકારી બેન્કોને ફટકાર્યો દંડ, 3.92 કરોડ રૂપિયા ભરવા પડશે
RBI Imposes Monetary Penalty: રિઝર્વ બેન્ક ઓફ ઈન્ડિયાએ ત્રણ મોટી જાહેર ક્ષેત્રની બેંકોને કરોડો રૂપિયાનો દંડ ફટકાર્યો છે
RBI Imposes Monetary Penalty: બેન્કિંગ ક્ષેત્રના નિયમનકાર રિઝર્વ બેન્ક ઓફ ઈન્ડિયાએ ત્રણ મોટી જાહેર ક્ષેત્રની બેંકોને કરોડો રૂપિયાનો દંડ ફટકાર્યો છે. જેમાં સ્ટેટ બેન્ક ઓફ ઈન્ડિયા, ઈન્ડિયન બેન્ક અને પંજાબ એન્ડ સિંધ બેન્કનો સમાવેશ થાય છે. આરબીઆઈએ કરન્ટ એકાઉન્ટ્સ ઓપન કરવામાં KYC (Know Your Customer ) નિયમો અને એન્ટી મની લોન્ડરિંગ નિયમોના ઉલ્લંઘનને કારણે આ દંડ ફટકાર્યો છે.
RBIએ 21 સપ્ટેમ્બર, 2023ના રોજ જાહેર કરેલા આદેશમાં ભારતીય સ્ટેટ બેન્ક પર 1.30 કરોડ રૂપિયાનો દંડ લગાવ્યો છે. આરબીઆઈએ લોન અને એડવાન્સ અંગે સેન્ટ્રલ બેન્કની માર્ગદર્શિકાનું પાલન ન કરવાને કારણે આ દંડ લગાવ્યો છે. RBIએ તેને આપવામાં આવેલી સત્તા હેઠળ આ દંડ લગાવવાનો નિર્ણય લીધો છે. આરબીઆઈએ 31 માર્ચ 2021ના રોજ બેન્કની નાણાકીય સ્થિતિની તપાસ કરી હતી. રિસ્ક એસેસમેન્ટ રિપોર્ટમાં ઘણી ખામીઓ જોવા મળી હતી, જેના પછી બેન્કને નોટિસ આપવામાં આવી હતી.
બેન્ક તરફથી જવાબ મળ્યા બાદ વ્યક્તિગત સુનાવણીમાં મૌખિક રજૂઆત બાદ બેન્ક દ્વારા વધારાની માહિતી આપવામાં આવી હતી. અસંતોષના કારણે આ દંડ લાદવામાં આવ્યો છે. RBIએ ઇન્ડિયન બેન્ક પર 1.62 કરોડ રૂપિયાનો દંડ લગાવ્યો છે. આ દંડ ભારતીય બેન્ક પર KYC નિર્દેશોનું પાલન ન કરવા અને ડિપોઝિટ પર RBIની સૂચનાઓનું પાલન ન કરવા માટે કરવામાં આવ્યો છે.
આરબીઆઈએ પંજાબ એન્ડ સિંધ બેન્ક પર 1 કરોડ રૂપિયાનો દંડ ફટકાર્યો છે. ડિપોઝિટર એજ્યુકેશન એન્ડ અવેરનેસ ફંડ સ્કીમ અંગે બેન્કિંગ રેગ્યુલેશન એક્ટના નિયમોનું પાલન ન કરવા બદલ બેન્ક પર આ દંડ લાદવામાં આવ્યો છે. RBI એ 31 માર્ચ 2021 ના રોજ બેન્કની નાણાકીય સ્થિતિની સમીક્ષા કરી હતી. જેમાં બેન્કે ડિપોઝીટર એજ્યુકેશન એન્ડ અવેરનેસ ફંડ સ્કીમ હેઠળ નિયત સમયગાળામાં નાણાં જમા કરવામાં વિલંબ કર્યો હોવાનું જણાયું હતું. જે બાદ RBIએ આ દંડ લગાવવાનો નિર્ણય લીધો છે.
ટ્રેન્ડિંગ સમાચાર
ટોપ સ્ટોરી
