Gai Gohri Utsav: દાહોદમાં આદિવાસી સમાજ દ્વારા ગાય ગોહરી ઉત્સવની કરાઇ ધામધૂમથી ઉજવણી

દાહોદમાં આજે નવા વર્ષના દિવસે આદિવાસી સમાજ દ્વારા ગાય ગોહરીના ઉત્સવને અનોખી રીતે ઉજવવામાં આવે છે. જેને પરંપરાગત આજે પણ ઉજવવામાં આવ્યો હતો.

તસવીર

Gai Gohri Parva, Dahod News: દાહોદમાં આજે ગાય ગોહરી ઉત્સવની ધામધૂમથી ખાસ રીતે ઉજવણી કરવામાં આવી હતી, આદિવાસી સમાજ આ પર્વને લઇને અગાઉથી બજારમાં જોરદાર ખરીદી કરી હતી, અને આજે પોતાની ગાયોને શણગારીને રસ્તાં પર દોડાવીને ગાય ગોહરી ઉત્સવને ઉજવ્યો હતો. ખાસ વાત છે કે, આ તહેવારના એક દિવસ અગાઉ આદિવાસી સમાજ દ્વારા ગાયોને શણગારવા લાખો રૂપિયાનો ખર્ચ પણ કરવામાં આવે છે. 

દાહોદમાં આજે નવા વર્ષના દિવસે આદિવાસી સમાજ દ્વારા ગાય ગોહરીના ઉત્સવને અનોખી રીતે ઉજવવામાં આવે છે. જેને પરંપરાગત આજે પણ ઉજવવામાં આવ્યો હતો. આ ઉત્સવ દરમિયાન રસ્તાં પર ગાયોને દોડાવવામાં આવે છે, અને લોકો ગાયને દંડવત પ્રણામ કરીને તેની નીચે સૂઇ જાય છે, આ પછી ગાયો સૂતેલા લોકો પરથી પસાર થાય છે. ગાય સાથે વર્ષ દરમિયાન કરેલી ભૂલોના પ્રાયશ્ચિતને લઈને આ ઉત્સવની ઉજવણી કરવામાં આવે છે. દાહોદના ગરબાડા ગાંગરડીમાં ગાય ગોહરીના ઉત્સવને મોટી સંખ્યામાં અને ધામધૂમથી ઉજવવામાં આવે છે.

એક દિવસ અગાઉ બજારમાં કરવામાં આવે છે ગાય માટે ખરીદી -
આદિવાસી બહુમતી ધરાવતો દાહોદ જિલ્લો આદિવાસી સમાજમાં દિપાવલી અને હોળીના તહેવારનો મુખ્ય મહત્વ છે, જ્યારે દીપાવલીના બીજા દિવસે એટલે કે નવા વર્ષના દિવસે આદિવાસી સમાજ દ્વારા ગાય ગોહરીનો આ ઉત્સવ મનાવતા હોય છે. ગ્રામજનો ગાયને દંડવત પ્રણામ કરીને સૂઇ જાય છે. તેમના ઉપરથી ગાયો પસાર થતી હોય છે. જેમના પરથી ગાયોના ધણને પસાર કરવામાં આવે છે જેને ગાય ગોહરી પડી એવું કહેવામાં આવે છે. એક દિવસ પૂર્વે ગાયને સુંદર રીતે શણગારવામાં આવતી હોય છે ગાયને સુંદર રીતે નવડાવી તેના ઉપર અવનવા અલગ-અલગ કલર કરી શણગારવામાં આવતી હોય છે, ત્યારબાદ ગળામાં મોરિંગા મોરપીંછ પગમાં ઘૂઘરા મહેંદી ગળામાં ગૂગરાથી ગાયને સુંદર રીતે શણગારવામાં આવે છે, આમ એક ગાય પાછળ 1500 થી 2000 રૂપિયાનો ખર્ચ અહીંના ખેડૂતો કરતા હોય છે અને નવા વર્ષના દિવસે ગાય ગોહરી પાડવામાં આવે છે  

આદિવાસી સમાજ દ્વારા ગાય ગોરી ગાહોરી ધામધૂમ થી ઉજવવા માટે બજારમાંથી ચીજ વસ્તુઓ ખરીદતા પણ નજરે પડ્યા. તેને લઈને શહેરના રાવળ વાડ સમાજ દાવર નેતાજી બજાર સહિત બજારોમાં ગાયને શણગાર કરવા માટે વપરાતી ચીજવસ્તુઓની દુકાન પર ખરીદી કરવા મોટી સંખ્યામાં લોકોની ભીડ દાહોદમાં જોવા મળી હતી રાવળ વાડ સમાજ દાવર ગાયને શણગારવા માટેનો સામાન તૈયાર કરતો હોય છે, જે મધ્યપ્રદેશ, રાજસ્થાન, ગુજરાતમાં જતો હોય છે. આમ આદિવાસી સમાજ દ્વારા ગાય ગોરી પર્વને લઇને લાખો રૂપિયાના ખર્ચો ગાયને શણગાર કરવામાં કરતા હોય છે.