'આ હિંદુસ્તાન છે, બહુમતીની ઇચ્છાથી ચાલશે દેશ', અલ્હાબાદ હાઇકોર્ટના જજનું વિવાદિત નિવેદન

Allahabad High Court: જસ્ટિસ શેખર કુમાર યાદવે પ્રયાગરાજમાં વિશ્વ હિન્દુ પરિષદ (VHP)ના એક કાર્યક્રમમાં નિવેદન આપ્યું હતું

જસ્ટિસ શેખર કુમાર યાદવ Source : @BhimArmyChief

Source : ફોટોઃ X

Allahabad High Court: અલ્હાબાદ હાઈકોર્ટના ન્યાયાધીશ જસ્ટિસ શેખર કુમાર યાદવે કહ્યું કે તેમને એમ કહેવામાં કોઈ સંકોચ નથી કે "દેશ, હિંદુસ્તાનમાં રહેતા બહુમતી લોકોની ઈચ્છા પ્રમાણે ચાલશે. આ કાયદો છે, કાયદો, નિશ્ચિતપણે બહુમતી પ્રમાણે કામ કરે છે. Live Lawના રિપોર્ટ અનુસાર, તેમણે કહ્યું કે તેને પરિવાર અથવા સમાજના સંદર્ભમાં જુઓ, ફક્ત તે જ સ્વીકારવામાં આવશે જે બહુમતીના કલ્યાણ અને સુખ માટે ફાયદાકારક છે.

Sitting Judge of the Allahabad High Court on Sunday (December 8) delivered a lecture on the Constitutional Necessity of Uniform Civil Code in an event organised by the legal cell of the Vishva Hindu Parishad (VHP) in Prayagraj, where he remarked that he had no hesitation in… pic.twitter.com/spGQB9AZpK

— Live Law (@LiveLawIndia) December 9, 2024

જસ્ટિસ શેખર કુમાર યાદવે પ્રયાગરાજમાં વિશ્વ હિન્દુ પરિષદ (VHP)ના એક કાર્યક્રમમાં સમાન નાગરિક સંહિતા (UCC) પર બોલતા આ વિવાદાસ્પદ નિવેદન આપ્યું છે. આ પ્રસંગે હાઈકોર્ટના અન્ય ન્યાયાધીશ જસ્ટિસ દિનેશ પાઠક પણ ઉપસ્થિત રહ્યા હતા.

મુસ્લિમ સમુદાય પર નિશાન

તેમણે વધુમાં કહ્યું હતું કે, "જો તમે કહો છો કે આપણો પર્સનલ લો તેની પરવાનગી આપે છે, તો તે સ્વીકારવામાં આવશે નહીં. તમે એવી મહિલાનું અપમાન કરી શકતા નથી કે જેને આપણા શાસ્ત્રો અને વેદોમાં દેવી તરીકે માન્યતા આપવામાં આવી છે. તમારી ચાર પત્નીઓ રાખવા, હલાલા કરવા અથવા ટ્રિપલ તલાક આપવાના અધિકારનો દાવો કરી શકતા નથી. તમે કહો છો કે અમને ટ્રિપલ તલાક આપવા અને મહિલાઓને ભરણપોષણ ન આપવાનો અધિકાર છે પરંતુ આ અધિકાર કામ કરશે નહીં. જસ્ટિસ યાદવે વધુમાં કહ્યું કે UCC એવી કોઈ વસ્તુ નથી જેને VHP, RSS અથવા હિન્દુ ધર્મ દ્વારા સમર્થન આપવામાં આવે. દેશની સર્વોચ્ચ અદાલત પણ આ અંગે વાત કરે છે.

'હિંદુ ધર્મમાં સામાજિક દુષણો હતા...'

જસ્ટિસ યાદવે સ્વીકાર્યું કે હિંદુ ધર્મમાં બાળ લગ્ન અને સતી પ્રથા જેવી સામાજિક દુષણો હતા, "પરંતુ રામ મોહન રોય જેવા સુધારકોએ આ પ્રથાઓને દૂર કરવા માટે સંઘર્ષ કર્યો."

તેમણે એમ પણ કહ્યું કે હિન્દુઓ અન્ય સમુદાયો સમાન સંસ્કૃતિ અને પરંપરાઓનું પાલન કરે તેવી અપેક્ષા રાખતા નથી, પરંતુ તેઓ "આ દેશની સંસ્કૃતિ, મહાન વ્યક્તિત્વો અને આ ભૂમિના ભગવાનનો અનાદર ન કરે તેવી અપેક્ષા છે."

ન્યાયાધીશે કહ્યું હતું કે, "આપણા દેશમાં આપણને નાનામાં નાના પ્રાણીને પણ નુકસાન ન કરવાનું, કીડીઓને પણ ન મારવાનું શીખવવામાં આવે છે, અને આ પાઠ આપણામાં વણાઇ ગયો છે. કદાચ તેથી જ આપણે સહનશીલ અને દયાળુ છીએ. જ્યારે અન્ય લોકો પીડિત હોય છે ત્યારે આપણે દર્દ અનુભવીએ છીએ. પરંતુ તમારી સંસ્કૃતિમાં, નાની ઉંમરના બાળકોને પ્રાણીઓની કતલ વિશે શીખવવામાં આવે છે, તમે તેમની પાસેથી સહનશીલ અને દયાળુ હોવાની અપેક્ષા કેવી રીતે રાખી શકો?

દેશભરમાં સમાન નાગરિક સંહિતાની આશા વ્યક્ત કરતાં તેમણે કહ્યું કે અયોધ્યામાં રામ મંદિરના નિર્માણમાં સમય લાગ્યો, પરંતુ "એ દિવસ દૂર નથી જ્યારે તે સ્પષ્ટ થઈ જશે કે જો દેશ એક છે, તો એક કાયદો અને એક દંડાત્મક કાયદો હોવો જોઈએ જે લોકો છેતરવાનો અથવા તેમના પોતાના એજન્ડાને આગળ ધપાવવાનો પ્રયાસ કરે છે તે લાંબો સમય ટકી શકશે નહીં."