Review Petition: PM મોદીની ડિગ્રીને લઈને અરવિંદ કેજરીવાલે હાઈકોર્ટમાં કરી અરજી, કરવામાં આવ્યો મોટો દાવો

Arvind Kejriwal Review Petition: દિલ્હીના મુખ્યમંત્રી અને આમ આદમી પાર્ટી (AAP)ના સંયોજક અરવિંદ કેજરીવાલે વડાપ્રધાન નરેન્દ્ર મોદીની ડિગ્રીના મુદ્દે ગુજરાત હાઈકોર્ટમાં સમીક્ષા અરજી(review petition) દાખલ કરી છે.

અરવિંદ કેજરીવાલ (તસવીર-PTI)

Source : PTI

Arvind Kejriwal Review Petition: દિલ્હીના મુખ્યમંત્રી અને આમ આદમી પાર્ટી (AAP)ના સંયોજક અરવિંદ કેજરીવાલે વડાપ્રધાન નરેન્દ્ર મોદીની ડિગ્રીના મુદ્દે ગુજરાત હાઈકોર્ટમાં સમીક્ષા અરજી(review petition) દાખલ કરી છે. AAP કન્વીનરે 31 માર્ચે આપેલા આદેશ પર આ સમીક્ષા અરજી દાખલ કરી છે. કોર્ટે સેન્ટ્રલ ઇન્ફોર્મેશન કમિશન (CIC)ના તે આદેશને ફગાવી દીધો હતો જેમાં ડિગ્રી શેર કરવાનું કહેવામાં આવ્યું હતું. આ સાથે અરવિંદ કેજરીવાલ પર 25 હજાર રૂપિયાનો દંડ પણ લગાવવામાં આવ્યો છે.

ગુજરાત હાઈકોર્ટના જસ્ટિસ બિરેન વૈષ્ણવે કેજરીવાલની રિવ્યુ પિટિશનની સુનાવણી બાદ આ કેસ સ્વીકાર્યો છે. જસ્ટિસ બિરેન વૈષ્ણવની ડિવિઝન બેન્ચે શુક્રવારે પ્રતિવાદીઓ, ગુજરાત યુનિવર્સિટી, મુખ્ય માહિતી કમિશનર, તત્કાલીન CIC પ્રોફેસર એમ. શ્રીધર આચાર્યુલુ અને ભારત સંઘ માટે એક નિયમ જાહેર કર્યો અને આ મામલાની વધુ સુનાવણી 30 જૂને કરવાની જાહેરાત કરી.

રિવ્યુ પિટિશનમાં શું છે?

અંગ્રેજી વેબસાઈટ લાઈવ લો અનુસાર, તેમની સમીક્ષા અરજીમાં કેજરીવાલે કહ્યું છે કે, ગુજરાત યુનિવર્સિટી માટે સોલિસિટર જનરલ તુષાર મહેતા દ્વારા કરાયેલી રજૂઆતના આધારે કોર્ટે તેના 31 માર્ચના આદેશમાં નોંધ્યું હતું કે પીએમ મોદીની શૈક્ષણિક ડિગ્રી ગુજરાત યુનિવર્સિટીની વેબસાઇટ પર ઉપલબ્ધ છે જ્યારે આ સાચું નથી. કારણ કે વેબસાઈટ પર માત્ર એક જ ઑફિસ રજિસ્ટર (OR) હાજર છે જે મૂળ ડિગ્રીથી અલગ છે.

તો બીજી તરફ આ અગાઉ એસ.જી. મહેતાએ ગુજરાત હાઈકોર્ટ સમક્ષ રજૂઆત કરી હતી કે આ ડિગ્રી ગુજરાત યુનિવર્સિટીની વેબસાઈટ પર ઉપલબ્ધ છે અને કેજરીવાલ તેની ખરાઈ કરી શકે છે. આને આધાર બનાવીને અરવિંદ કેજરીવાલે નિર્ણયની સમીક્ષાની માંગ કરી છે. કેજરીવાલે એમ પણ કહ્યું છે કે, તેમણે ગુજરાત યુનિવર્સિટીની સત્તાવાર વેબસાઇટનું સંપૂર્ણ સ્કેન કરવા માટે આ વિષય પર વિશેષ જ્ઞાન ધરાવતા વ્યક્તિઓની મદદ લીધી હતી અને જાણવા મળ્યું હતું કે 'ડિગ્રી' ને ઓનલાઈન અપલોડ કરવામાં આવી નથી. જ્યારે યુનિવર્સિટીએ હાઈકોર્ટ સમક્ષ આ રીતનો દાવો કર્યો હતો. આ ઉપરાંત આ રિવ્યુ પિટિશનમાં 25 હજાર રૂપિયાના દંડને પણ પડકારવામાં આવ્યો છે.

શું છે સમગ્ર કેસ?

વાસ્તવમાં પીએમ મોદીની ડિગ્રીના મામલે વર્ષ 2016માં કેન્દ્રીય માહિતી આયોગે ગુજરાત યુનિવર્સિટીને આરટીઆઈ હેઠળ પીએમ મોદીની એમએની ડિગ્રીની નકલ આપવાનો આદેશ આપ્યો હતો. તેના પર યુનિવર્સિટીએ હાઈકોર્ટમાં દલીલ કરી હતી કે નોટિસ પાસ થતાં જ આ આદેશ કરવામાં આવ્યો છે. આ પછી, હાઇકોર્ટે સેન્ટ્રલ ઇન્ફોર્મેશન કમિશન (CIC) ના આદેશને બાજુ પર રાખ્યો હતો, જેમાં ગુજરાત યુનિવર્સિટીને દિલ્હીના મુખ્યમંત્રી અરવિંદ કેજરીવાલને વડા પ્રધાન નરેન્દ્ર મોદીની ડિગ્રી વિશેની માહિતી આપવાનો નિર્દેશ આપવામાં આવ્યો હતો.