Aryan Khan Drugs Case: આર્યન ખાન કેસમાં મહત્ત્વના સાક્ષી કેપી ગોસાવીની ધરપકડ, ઘણાં દિવસોથી ફરાર હતો
કેપી ગોસાવીની ધરપકડ બાદ પૂણે પોલીસે કહ્યું છે કે ગોસાવીએ આત્મસમર્પણ કર્યું નથી. અમે અમારી બાતમીના આધારે તેની ધરપકડ કરી છે.
Aryan Khan Drugs Case: બોલિવૂડ એક્ટર શાહરૂખ ખાનના પુત્ર આર્યન ખાનના ક્રૂઝ ડ્રગ્સ કેસના સાક્ષી કેપી ગોસાવીની પુણે પોલીસે ધરપકડ કરી છે. કેપી ગોસાવી છેલ્લા ઘણા દિવસોથી ફરાર હતો. કેપી ગોસાવીની મહારાષ્ટ્રના પુણેથી ધરપકડ કરવામાં આવી છે. ગોસાવી વિરુદ્ધ પુણેમાં છેતરપિંડીનો કેસ પણ નોંધાયેલ છે.
કેપી ગોસાવીની ધરપકડ બાદ પૂણે પોલીસે કહ્યું છે કે ગોસાવીએ આત્મસમર્પણ કર્યું નથી. અમે અમારી બાતમીના આધારે તેની ધરપકડ કરી છે.
હાઈકોર્ટમાં આજે પણ આર્યનની જામીનની થશે સુનાવણી
ડ્રગ્સ કેસમાં આર્યન ખાનની જામીન અરજી પર બુધવારે પણ ફેંસલો ના આવી શક્યો, બૉમ્બે હાઇકોર્ટમાં ગુરુવારે પણ સુનાવણી યથાવત રહેશે. આર્યન ખાનને ક્રૂઝ પરથી એનસીબીની ટીમે પકડ્યો હતો, અને ત્યારબાદ તેની ધરપકડ કરી લેવામાં આવી હતી. એટલે કે 2જી ઓક્ટોબરથી હજુ સુધી આર્યન ખાન જેલમાં છે, આર્યનને જામીન આપીને જેલની બહાર લાવવા માટે શાહરૂખ ખાને વકીલોનો ફૌઝ ઉતારી દીધી છે. ગઇકાલે મંગળવારે પણ બૉમ્બે હાઇકોર્ટમાં સુનાવણી થઇ હતી, પરંતુ ફેંસલો આવી શક્યો ન હતો.
ટોપ સ્ટોરી
ટ્રેન્ડિંગ સમાચાર
