પંજાબના મુખ્યમંત્રી ભગવંત માને  ભગત સિંહના 'શહીદ દિવસ' પર સમગ્ર પંજાબમાં રજા જાહેર કરી

મંગળવારે મુખ્યમંત્રી ભગવંત માને વિધાનસભામાં મોટી જાહેરાત કરતા કહ્યું કે, શહીદ-એ-આઝમ ભગત સિંહના 'શહીદ દિવસ'  પર 23 માર્ચે સમગ્ર પંજાબમાં જાહેર રજા રહેશે.

પંજાબમાં ભગવંત માન (Bhagwant Mann ) સરકાર સતત મોટા નિર્ણયો લઈ રહી છે. મંગળવારે મુખ્યમંત્રી ભગવંત માને વિધાનસભામાં મોટી જાહેરાત કરતા કહ્યું કે, શહીદ-એ-આઝમ ભગત સિંહના 'શહીદ દિવસ'  પર 23 માર્ચે સમગ્ર પંજાબમાં જાહેર રજા રહેશે. વિધાનસભા (Assembly)માં ડો.ભીમરાવ આંબેડકર અને ભગતસિંહની પ્રતિમાઓ સ્થાપિત કરવાની પણ જાહેરાત કરવામાં આવી હતી.

Koo App

Shaheed-e-Azam Bhagat Singh’s martyrdom day on March 23 will be a public holiday in the whole of Punjab. So that on this occasion people of Punjab can pay homage to Shaheed Bhagat Singh by visiting his village Khatkar Kalan.

View attached media content

- Bhagwant Mann (@bhagwantmann) 22 Mar 2022

આ પહેલીવાર હશે જ્યારે સરદાર ભગત સિંહના શહીદ દિવસ પર સમગ્ર પંજાબમાં રજા હશે. આ પહેલા પંજાબના નવાશહેરમાં જ શહીદ દિવસ નિમિત્તે રજા રહેતી હતી. પરંતુ માન સરકારે શહીદ દિવસને લઈને એક નવી પરંપરા શરૂ કરી છે. તેમણે કહ્યું કે શહીદ-એ-આઝમ ભગત સિંહના શહીદ દિવસના અવસર પર 23 માર્ચે સમગ્ર પંજાબમાં રજા રહેશે. આ સાથે 28 સપ્ટેમ્બરે ભગતસિંહની જન્મજયંતિ નિમિત્તે સમગ્ર પંજાબની શાળાઓમાં દિવસભર કાર્યક્રમોનું આયોજન કરવામાં આવશે, જેમાં આવનારી પેઢીને ભગતસિંહના જીવન વિશે જણાવવામાં આવશે.

વિધાનસભામાં મુખ્યમંત્રી ભગવંત માને કહ્યું હતું કે, આ અવસર પર પંજાબના લોકો, વડીલો અને બાળકો ભગતસિંહને તેમના ગામ ખટકરકલાન જઈને શ્રદ્ધાંજલિ આપી શકશે. અંગ્રેજો સામેના આઝાદીના યુદ્ધમાં ભગતસિંહને 23 માર્ચ 1931ના રોજ સુખદેવ અને રાજગુરુની સાથે ફાંસી આપવામાં આવી હતી. લાહોર ષડયંત્રના આરોપમાં ત્રણેયને ફાંસી આપવામાં આવી હતી.

આમ આદમી પાર્ટીના નેતા ભગવંત માને ગત સપ્તાહે  પંજાબના 17મા મુખ્યમંત્રી તરીકે   ભગત સિંહના મૂળ ગામ ખટકર કલાન ખાતે શપથ ગ્રહણ કર્યા હતા.  પંજાબના ગવર્નર બનવારીલાલ પુરોહિત દ્વારા ભગવંત માનને પદના શપથ લેવડાવ્યા હતા. મુખ્યમંત્રી તરીકે શપથ લીધા બાદથી ભગવંત માન ભગત સિંહની વિચારધારાને આગળ વધારવાનો સતત દાવો કરી રહ્યા છે.

પંજાબના મુખ્યમંત્રી ભગવંત માન ભગત સિંહના સન્માનમાં બસંતી પાઘડી પહેરે છે. ભગવંત માને પણ શપથ ગ્રહણ સમારોહમાં હાજર રહેલા લોકોને બસ્તી રંગની પાઘડી પહેરીને આવવાની અપીલ કરી હતી. આ પહેલા મુખ્યમંત્રી ભગવંત માને તેમની ઓફિસમાં સરદાર ભગત સિંહ અને બાબાસાહેબ ભીમરાવ આંબેડકરની તસવીરો લગાવી હતી. પંજાબ વિધાનસભાની ચૂંટણીમાં આમ આદમી પાર્ટીએ ખૂબ જ શાનદાર પ્રદર્શન કરતા 92 બેઠકો પર જીત મેળવી છે.