1 રૂપિયાનો પગાર વધારો પણ તમને 0 ટેક્સથી સીધા જ 15% સ્લેબ પર લાવી દેશે; જાણો ટેક્સની ગણતરી

કરદાતાઓને સ્ટાન્ડર્ડ ડિડક્શન હેઠળ આ લાભ મળશે. સ્ટાન્ડર્ડ ડિડક્શનની મર્યાદા 50 હજાર રૂપિયાથી વધારીને 75 હજાર રૂપિયા કરવામાં આવી છે.

પ્રતિકાત્મક તસવીર

Union Budget 2025: કેન્દ્રીય બજેટમાં નાણામંત્રી નિર્મલા સીતારમણે કરદાતાઓને મોટી રાહત આપી છે. જે લોકોનો પગાર 1 લાખ રૂપિયા પ્રતિ માસ છે, તેઓને 12 લાખ રૂપિયાની વાર્ષિક આવક પર કોઈ ટેક્સ ચૂકવવો પડશે નહીં. એટલું જ નહીં, 12 લાખ 75 હજાર રૂપિયાની કમાણી કરનારાઓએ પણ કોઈ ટેક્સ ચૂકવવો પડશે નહીં. જો કે, જો તમારો પગાર એક રૂપિયો પણ વધે છે, તો તમારે 15% ટેક્સ ચૂકવવો પડશે.

કેવી રીતે મળશે આ લાભ?

કરદાતાઓને સ્ટાન્ડર્ડ ડિડક્શન હેઠળ આ લાભ મળશે. સ્ટાન્ડર્ડ ડિડક્શનની મર્યાદા 50 હજાર રૂપિયાથી વધારીને 75 હજાર રૂપિયા કરવામાં આવી છે. જો વાર્ષિક પગાર 12 લાખ 75 હજાર રૂપિયા હોય તો ઝીરો ટેક્સ ચૂકવવો પડશે. જો કે, જો પગાર 12 લાખ 75 હજાર રૂપિયાથી વધુ હશે, તો 15% ટેક્સ સ્લેબમાં આવશો.

શું છે ગણિત?

સ્ટાન્ડર્ડ ડિડક્શન એ રકમ છે જે સીધી તમારી આવકમાંથી બાદ કરવામાં આવે છે અને બાકીના પગાર પર ટેક્સ સ્લેબ મુજબ ટેક્સ લાગે છે. ઉદાહરણ તરીકે, જો તમારી વાર્ષિક આવક 10 લાખ રૂપિયા છે અને તેમાંથી 50 હજાર રૂપિયાનું સ્ટાન્ડર્ડ ડિડક્શન લેવામાં આવે છે, તો માત્ર 9,50,000 રૂપિયા પર જ ટેક્સ ચૂકવવામાં આવશે.

ગયા વર્ષે, નિર્મલા સીતારમણે સ્ટાન્ડર્ડ ડિડક્શનની મર્યાદા વધારીને નવા ટેક્સ શાસનમાં મોટી ભેટ આપી હતી અને મર્યાદા 50 હજાર રૂપિયાથી વધારીને 75 હજાર રૂપિયા કરી હતી. જો કોઈ વ્યક્તિનો પગાર 1 લાખ રૂપિયા છે, તો નવા ટેક્સ સ્લેબ હેઠળ તેની ટેક્સ જવાબદારી 80 હજાર રૂપિયા છે, પરંતુ 12 લાખ અને 75 હજાર રૂપિયાની સ્ટાન્ડર્ડ ડિડક્શન લાગુ કરવાથી 13 લાખ રૂપિયા પર ટેક્સ માત્ર 25 હજાર રૂપિયા થઈ જશે.

એક રૂપિયો પણ વધશે તો ટેક્સ લાગશે

જો 12 લાખ 75 રૂપિયાના પગારમાં એક રૂપિયો પણ વધારો થશે તો તમે 15 ટકા ટેક્સ સ્લેબમાં આવી જશો. નવા શાસનના ટેક્સ સ્લેબમાં, 12 લાખથી 16 લાખની વચ્ચે પગાર ધરાવતા લોકો પર 15% ટેક્સ વસૂલવામાં આવશે. 4 લાખ રૂપિયા સુધી શૂન્ય ટેક્સ, 4 લાખથી 8 લાખ રૂપિયા સુધી 5% ટેક્સ, 8 લાખથી 12 લાખ રૂપિયા સુધી 10% ટેક્સ, રૂપિયા 12 લાખથી 16 લાખ સુધી 15% ટેક્સ, રૂપિયા 16 લાખ સુધી 20% ટેક્સ છે. 20 લાખથી રૂ. 24 લાખની વચ્ચે 25 ટકા ટેક્સ અને રૂ. 24 લાખથી ઉપર 30 ટકા ટેક્સ લાગશે.

આ પણ વાંચો...