Uttarakhand Weather Updates: ચોમાસામાં વિલંબની વચ્ચે ચારધામમાં વરસાદની શક્યતા, ઉત્તરાખંડમાં યલો એલર્ટ જારી

હવામાન વિભાગે ઉત્તરાખંડના મેદાની વિસ્તારોમાં તીવ્ર વાવાઝોડાને લઈને ચેતવણી જારી કરી છે. ત્યારે પહાડી વિસ્તારોમાં વરસાદની સંભાવના છે.

પ્રતિકાત્મક તસવીર

Chardham Weather Updates: ઉત્તરાખંડમાં તાપમાનમાં વધારો થતાં આગામી દિવસોમાં આકરી ગરમી પડવાની શક્યતા છે. આકરી ગરમીને જોતા હવામાન વિભાગે યલો એલર્ટ જાહેર કર્યું છે. તેમણે જૂનના અંત સુધીમાં ઉત્તરાખંડમાં ચોમાસાના આગમનની આશા પણ વ્યક્ત કરી છે. ઉત્તરાખંડમાં પ્રિ-મોન્સૂન વરસાદને કારણે ગરમીનો અહેસાસ થઈ રહ્યો હતો. જૂન મહિનાની સાથે જ તાપમાન પણ વધવા લાગ્યું છે. હવામાન વિભાગના જણાવ્યા અનુસાર આગામી ચાર-પાંચ દિવસમાં તાપમાનમાં ઝડપથી વધારો થવાની સંભાવના છે.

પહાડી વિસ્તારોમાં વરસાદને કારણે ગરમીમાંથી રાહત

હવામાન વિભાગના જણાવ્યા અનુસાર મહત્તમ તાપમાન હજુ સામાન્યની આસપાસ છે. 12 જૂન સુધીમાં કેટલાક મેદાની જિલ્લાઓમાં તાપમાન સામાન્ય કરતા 5 થી 6 ડિગ્રી સેલ્સિયસ ઉપર પહોંચી જશે. રાજ્યમાં ભલે તાપમાન વધી રહ્યું હોય, પરંતુ પહાડી વિસ્તારોમાં વરસાદને કારણે ગરમીમાંથી રાહત મળી છે. આ ઉનાળામાં ઉત્તરાખંડમાં ભારે વરસાદ થયો છે. મે મહિનામાં સૌથી વધુ 52 ટકા વરસાદ નોંધાયો હતો. જો કે ઉત્તરાખંડમાં ચોમાસું બેસવાની હજુ વાર છે.

ચોમાસું ઉત્તર ભારતમાં મોડું પહોંચશે તેવા એંધાણ 

હવામાન કેન્દ્રના ડાયરેક્ટર ડૉ.વિક્રમ સિંહના જણાવ્યા અનુસાર ઉત્તરાખંડમાં ચોમાસું એક અઠવાડિયા બાદ બેસી શકે છે. સામાન્ય રીતે ચોમાસું 20 જૂને કુમાઉ વિસ્તારમાં પ્રવેશે છે અને 25 જૂન સુધીમાં સમગ્ર ઉત્તરાખંડને આવરી લે છે, પરંતુ આ વખતે ચોમાસાનું આગમન મોડું થયું છે. ચોમાસું 1 જૂન સુધીમાં કેરળમાં પહોંચે છે, પરંતુ આ વખતે ચોમાસાએ હજુ સુધી દસ્તક આપી નથી, તેથી જ એવું માનવામાં આવે છે કે ચોમાસું ઉત્તર ભારતમાં મોડું પહોંચશે. જો ચોમાસું સામાન્ય ગતિએ પણ આગળ વધે છે, તો જૂનના અંતમાં ચોમાસું એક અઠવાડિયાના વિલંબ સાથે ઉત્તરાખંડ પહોંચવાની ધારણા છે.

પહાડી વિસ્તારોમાં વરસાદની શક્યતા

ઉત્તરાખંડમાં ઉનાળાની ગરમીની શરૂઆત થતાની સાથે જ પ્રી-મોન્સુન વરસાદથી લોકોને ગરમીથી રાહત મળી છે. રાજ્યના મેદાની જિલ્લાઓમાં જ્યાં તાપમાનમાં વધારો થવાની સંભાવના છે. ત્યારે હવામાન વિભાગે ઉત્તરકાશી, રુદ્રપ્રયાગ, ચમોલી, બાગેશ્વર, પિથોરાગઢ અને અલમોડામાં કેટલીક જગ્યાએ ગાજવીજ સાથે વરસાદની સંભાવના વ્યક્ત કરી છે. આગામી દિવસોમાં પહાડી વિસ્તારોમાં પણ વરસાદ થવાની સંભાવના છે. રાજ્યમાં જ્યાં દિવસ દરમિયાન તાપમાનનો પારો ઉંચકાયો છે ત્યાં રાત્રે સામાન્ય તાપમાનને કારણે ગરમીનો અહેસાસ થઈ રહ્યો છે.