ચીનની સરાકરનો મોટો નિર્ણય, હવે બાળકો સપ્તાહમાં માત્ર 3 કલાક જ ઓનલાઈન ગેમ રમી શકશે

ચીનની સરકારે બાળકોના શારીરિક અને માનસિક સ્વાસ્થ્યને ધ્યાનમાં રાખીને આવો કડક નિર્ણય લીધો છે.

ચીનની સરકારે ઓનલાઈન ગેમિંગ અંગે નવી માર્ગદર્શિકા બહાર પાડી છે, જે મુજબ હવે બાળકો અઠવાડિયામાં માત્ર ત્રણ કલાક જ ઓનલાઈન ગેમ રમી શકશે. સરકારે આ નિર્ણય શારીરિક રમતોને પ્રોત્સાહન આપવા માટે લીધો છે. આ નિયમો એવા બાળકો માટે લાગુ કરવામાં આવ્યા છે જેમની ઉંમર 18 વર્ષથી ઓછી છે. આ નવા નિયમ પછી, બાળકો શુક્રવાર શનિવાર અને રવિવારે માત્ર એક કલાક ઓનલાઈન રમતો રમી શકશે.

અઠવાડિયામાં 3 કલાક ઓનલાઈન ગેમ રમી શકશે

બાળકોને રજાના દિવસે એક કલાક સિવાય અઠવાડિયામાં ત્રણ દિવસ એક કલાક ઓનલાઈન ગેમ રમવાની છૂટ આપવામાં આવશે. ચીન સરકાર આ બાબતે ખૂબ કડક હોવાનું જણાય છે. તાજેતરમાં જ ચીનની લોકપ્રિય ટેક કંપની ટેન્સેન્ટે સરકાર દ્વારા અમલમાં મુકાયેલા નિયમોનો અમલ કર્યો છે. સરકાર માને છે કે ઓનલાઈન ગેમ્સ અફીણ જેવી છે, ત્યારથી ઓનલાઈન ગેમ્સ કંપનીઓને કડક સજા કરવામાં આવી હતી.

આ કારણે લેવામાં આવ્યો નિર્ણય

ચીનની સરકારે બાળકોના શારીરિક અને માનસિક સ્વાસ્થ્યને ધ્યાનમાં રાખીને આવો કડક નિર્ણય લીધો છે. ઘણીવાર એવું જોવા મળે છે કે માતા-પિતા બાળકોના સ્વાસ્થ્યને લઈને ચિંતિત હોય છે, આ નિર્ણયમાં આ પણ એક મોટો એંગલ છે. સરકારના ગેમિંગના આ નવા નિયમો દેશની ટેકનોલોજી કંપનીઓ પર લેવામાં આવનારી એક મોટી કાર્યવાહી છે.

ઓનલાઈન ગેમિંગ કંપનીઓના શેરમાં ઘટાડો થયો

ચીન સરકારના આ નિર્ણયને કારણે ઓનલાઈન ગેમિંગ કંપનીઓના શેરના ભાવમાં ઘટાડો થયો છે. તમને જણાવી દઈએ કે આ મહિનાની શરૂઆતમાં સરકારી મીડિયાએ રમત ઉદ્યોગો પર ઉગ્ર પ્રશ્નો ઉઠાવ્યા હતા. આ પ્રતિબંધોને કારણે ઓનલાઇન ગેમિંગ કંપનીઓને ઘણું નુકસાન થયું છે.