![ABP Premium](https://cdn.abplive.com/imagebank/Premium-ad-Icon.png)
રશિયાનો નેક્સ્ટ પ્રેસિડેન્ટ બની શકે છે આ શખ્સ ? ખુદ પુતિને શોધ્યો પોતાનો ઉત્તરાધિકારી, જાણો કોણ છે ?
Who is Alexei Dyumin: દુનિયાભરમાં રશિયા છેલ્લા કેટલાક દિવસોથી ખુબ ચર્ચામાં રહ્યું છે, હવે રશિયામાંથી મોટુ અપડેટ પણ સામે આવ્યુ છે
![રશિયાનો નેક્સ્ટ પ્રેસિડેન્ટ બની શકે છે આ શખ્સ ? ખુદ પુતિને શોધ્યો પોતાનો ઉત્તરાધિકારી, જાણો કોણ છે ? read next russia president of alexei dyumin russia president vladimir putin appoints former bodyguard alexei dyumin as state council secretary રશિયાનો નેક્સ્ટ પ્રેસિડેન્ટ બની શકે છે આ શખ્સ ? ખુદ પુતિને શોધ્યો પોતાનો ઉત્તરાધિકારી, જાણો કોણ છે ?](https://feeds.abplive.com/onecms/images/uploaded-images/2024/05/30/f4e2d774774999c11c4382ebf83b68bf171707052548877_original.jpg?impolicy=abp_cdn&imwidth=1200&height=675)
Who is Alexei Dyumin: દુનિયાભરમાં રશિયા છેલ્લા કેટલાક દિવસોથી ખુબ ચર્ચામાં રહ્યું છે, હવે રશિયામાંથી મોટુ અપડેટ પણ સામે આવ્યુ છે. રશિયાના રાષ્ટ્રપતિ વ્લાદિમીર પુતિને એક જાહેરાત કરી હતી જેણે ચર્ચાને ગરમ કરી હતી. ખરેખરમાં, પુતિને તેમના ભૂતપૂર્વ સુરક્ષા કર્મચારી એલેક્સી ડ્યૂમિનને સલાહકાર રાજ્ય પરિષદના સચિવ તરીકે નિયુક્ત કર્યા છે. હવે ડ્યૂમિન રાષ્ટ્રપતિ પુતિનના સલાહકારોમાંથી એક હશે. આ સ્ટેપ પછી, એવા અહેવાલો ફરતા થયા કે પુતિન એલેક્સી ડ્યૂમિનને પણ પોતાનો ઉત્તરાધિકારી બનાવી શકે છે.
બુધવારે ક્રેમલિનની વેબસાઈટ પર આ અંગેનો આદેશ પણ પ્રકાશિત કરવામાં આવ્યો છે. જો કે, તેમાં એલેક્સી ડ્યૂમિન વિશે વધુ માહિતી આપવામાં આવી નથી. વળી, પુતિનના સમર્થક અને સલાહકાર સર્ગેઈ માર્કોવે કહ્યું કે ડ્યૂમિનની નિમણૂક અંગેની ચર્ચા રશિયામાં ખૂબ જ પુરજોશમાં ચાલી રહી છે. બીજા એંગલથી પણ જોવામાં આવી રહ્યું છે કે ડ્યૂમિન રશિયાના ભાવિ રાષ્ટ્રપતિ છે, જેમને પુતિને પસંદ કર્યા છે. એટલે કે વિશ્વભરમાં ચર્ચા એ છે કે પુતિને ડ્યૂમિનને પોતાના અનુગામી - ઉત્તરાધિકારી તરીકે પસંદ કર્યા છે.
કોણ છે ડ્યૂમિન, જાણો ડિટેલ્સ
ડ્યૂમિનનો જન્મ 1972માં કુર્સ્ક (પશ્ચિમ રશિયા)માં થયો હતો. તેમને એક દીકરો છે. 1995 માં તેઓ ફેડરલ ગાર્ડ્સ સર્વિસ (FSO) માં જોડાયા. 1999 થી ડ્યૂમિને તેમની પ્રથમ અને બીજી મુદત દરમિયાન પુતિનના બોડીગાર્ડ તરીકે સેવા આપી હતી. 2012 માં, ડ્યૂમિનને પ્રેસિડેન્શિયલ બોડીગાર્ડના ડેપ્યુટી ચીફ બનાવવામાં આવ્યા હતા. 2014માં તેમને રશિયન મિલિટરી ઈન્ટેલિજન્સનો ડેપ્યૂટી ચીફ બનાવવામાં આવ્યો હતો. અહેવાલો અનુસાર, ક્રિમિયા પર કબજો કરવા પાછળ ડ્યૂમિનનું નામ છે.
આ એક રૉટેશન પ્રક્રિયા
ડ્યૂમિનને નવી જવાબદારી મળ્યા પછી એવી અટકળો શરૂ થઈ ગઈ છે કે તે પુતિન પછી રશિયાના આગામી રાષ્ટ્રપતિ બની શકે છે, જ્યારે ક્રેમલિને કહ્યું કે, આ પરિભ્રમણ પ્રક્રિયા હેઠળ થયું છે. તેઓ 72 વર્ષના ઇગોર લેવિટિન પાસેથી કાર્યભાર સંભાળશે. વળી, અમે તમને જણાવી દઈએ કે જ્યારે પણ પુતિન કોઈ મુલાકાત લે છે, ત્યારે તેને સમગ્ર વિશ્વમાં ખૂબ જ મહત્વપૂર્ણ માનવામાં આવે છે. તેથી એવું માનવામાં આવે છે કે ડ્યૂમિન રાષ્ટ્રપતિ પદના સંભવિત ઉમેદવાર બની શકે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)